ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓᑕ ᑲᑎᒪᔪᓂᑦ ᐅᓂᒃᑳᖓ: ᐊᑐᖅᑕᐅᓯᒪᖏᑦᑐᓂᒃ ᐱᓕᕆᔪᑦ ᐊᓯᖏᓐᓂᒡᓗ ᓴᓇᕕᓕᖕᓂᒃ, ᐋᑐᕚ, ᕕᕗᐊᕆ 6, 2018

ᑕᒪᒃᑭᖅᓯᒪᑦᑎᐊᖅᑐᒥᒃ ᐅᑭᐅᖅᑕᖅᑐᒥ ᓇᑉᐸᕆᐊᓕᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

1. ᑭᓲᕙᑦ ᐱᕐᔪᐊᖑᔪᑦ ᓇᑉᐸᕆᐊᓕᑦ ᐊᑐᖅᑕᐅᔭᕆᐊᓖᑦ ᓯᕗᓪᓕᐅᔾᔭᐅᔭᕆᐊᓖᑦ ᐅᑭᐅᖅᑕᖅᑐᕐᒧᑦ?
2. ᑭᓱᓪᓚᕆᑦ ᐱᕕᖃᕐᑎᑦᑎᔾᔪᑕᐅᕙ ᐱᓇᓱᐊᖃᑎᒌᓄᑦ ᐊᒻᒪᓗ ᖃᓄᐃᓕᐅᖃᑎᒌᒍᓯᐅᔪᓐᓇᖅᑐᑦ ᐆᒃᑐᖅᑕᐅᓪᓗᐊᖅᐸᑦ ᕿᓂᖅᑕᐅᓗᑎᒃ?

ᓇᑉᐸᕆᐊᓕᑦ ᑭᓐᖒᒪᓇᖅᑐᑦ

• ᐅᓇ ᐊᕙᓗᒃᓴᖓ ᑐᖓᕕᒃᓴᐃᑦ ᐃᓚᖃᕆᐊᖃᑐᑦ ᑕᒪᐃᓐᓂᒃ ᓄᑕᖑᔪᓂᒃ ᐊᒻᒪᓗ ᐋᕿᐅᒪᑎᑕᐅᓂᖏᓐᓂᒃ/ᐊᐅᓚᑕᐅᓂᖏᓐᓂᓗ ᒫᓐᓇᐅᔪᖅ ᐱᖁᑎᕐᔪᐊᓕᕆᔭᐅᔪᑦ
• ᐊᒥᓱᒐᓴᐃᑦ ᐃᓚᐅᓚᐅᖅᑐᑦ ᖃᐅᔨᒪᔭᐅᑦᑎᐊᖁᔨᓕᓚᐅᖅᑐᑦ ᐱᑕᖃᖏᓂᖏᓐᓂᒃ ᑐᐊᕕᕐᓇᖅᑐᓕᕆᓕᕆᓂᕐᒧᑦ ᖃᓄᐃᓕᐅᕈᑎᒃᓴᖏᑦ ᐊᒻᒪᓗ ᐊᐅᓛᖅᓯᒪᓂᖏᓐᓂᒃ ᐊᑐᒐᒃᓴᖃᖏᓂᖏᑦ (ᓲᕐᓗ ᐱᖁᑎᓂᒃ ᐊᑐᕈᓐᓇᖅᑕᖏᓐᓂᒃ, ᓄᓇᖑᐊᕐᓂᒃ, ᓯᓚᓕᕆᓂᕐᒥᒃ ᖃᐅᔨᒪᔾᔪᑎᒃᓴᓂᒃ) ᐃᑲᔪᑎᒃᓴᓄᑦ ᓯᓚᑯᑦ (ᖃᖓᑕᓱᒃᑯᑦ) ᑕᕆᐅᒃᑯᓪᓗ ᐃᖏᕐᕋᕙᖕᓂᖏᓐᓂ
• ᐅᑭᐅᖅᑕᖅᑐᒥ ᐃᖃᓗᓕᕆᔩᑦ ᑐᖓᕕᖃᕆᐊᖃᖅᐳᑦ ᑐᓚᒃᑕᕐᕕᖕᓂᒃ ᐊᑯᑭᑦᑐᕐᒥᐅᑕᓂ ᐊᒻᒪᓗ ᑲᓇᑕᐅᑉ ᐅᐊᖕᓇᖓᓂ ᐊᑦᓛᓐᑎᒃᒥ ᑲᓇᑕᒥ; ᖃᓄᐃᓕᐅᕈᑎᒃᓴᖃᕐᓗᑎᒃ ᓂᕈᐊᕈᓐᓇᕆᐊᖃᖅᐳᑦ ᓴᓇᔭᐅᑎᑦᑎᓗᑎᒡᓗ "ᑕᒪᐃᓐᓄᑦ ᐊᒥᓲᓂᖅᓴᓄᑦ" ᑐᓚᒃᑕᕐᕕᐅᔪᓐᓇᖅᑐᒥᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᓂ, ᐃᓂᖃᕐᓗᑎᒃᒃ ᐊᔪᕐᓇᕋᑦᑕᔾᔮᖏᑦᑐᓂᒃ ᑎᑭᑕᐅᔪᓐᓇᐃᓪᓕᕋᑦᑕᔾᔭᖏᑦᑐᓂᒡᓗᓐᓃᑦ ᑕᕆᐅᕐᒥ ᓯᑯᒧᑦ ᐊᑯᓂᐅᔪᓐᓇᖅᑐᒥᒃ ^{ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 1}
• ᑐᓐᖓᕕᒃᓴᖃᕐᓂᐊᕈᑎᒃ ᐃᓱᒪᒋᔭᐅᔭᕆᐊᖃᖅᐳᑦ ᒥᑭᔫᑎᐅᓐᓂᖅᓴᐃᑦ ᐱᖁᑎᒋᔭᐅᔪᑦ ᐊᐅᓪᓛᕈᑏᑦ (ᓲᕐᓗ ᒥᑭᔫᑎᐅᓂᖅᓴᐃᑦ ᑐᓚᒃᑕᕐᕕᒃᓴᐃᑦ/ᑭᓴᖅᓯᒪᕕᒃᓴᐃᑦ ᓂᐅᕋᐃᕕᓪᓗᓐᓃᑦ ᑭᓴᖅᓯᒪᔪᓄᑦ ᐃᖃᓗᒃᓯᐅᖅᑎᑦ ᐅᒥᐊᖏᓐᓄᑦ)
• ᓇᑉᐸᕆᐊᓕᑦ ᐊᑦᑕᑕᕐᕕᐅᕋᑦᑕᕈᓐᓇᖅᑐᑦ ᐊᑯᓐᓂᖏᓐᓂᒃ ᑲᓇᓇᖓᑕ ᐊᒻᒪᓗ ᐱᖓᖕᓇᖓᑕ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᓂ ᐊᒻᒪᓗ ᑕᐃᒃᑯᐊ ᐊᖏᓂᖅᓴᐅᔪᒃᑯᑦ ᐃᑳᕐᕕᐅᕙᖕᓂᖏᓐᓂ ᐅᑭᐅᖅᑕᖅᑐᖅᐸᓯᐅᓂᓕᒫᖑᓂᖓᑕ ᐊᕕᒃᑐᖅᓯᒪᓂᖏᓂ, ᐱᐅᓯᒋᐊᖅᑕᐅᔭᕆᐊᖃᖅᐳᑦ
  • ᑲᑎᒪᔨᕋᓛᖃᓕᐊᓂᒃᑐᑦ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᑕ ᒐᕙᒪᒐᓴᖏᓐᓄᑦ ᐅᖃᐅᓯᐅᕙᓪᓕᐊᓂᖏᑦ ᑖᒃᑯᐊ
• ᐃᓕᓐᓂᐊᖅᓯᒪᓂᖅ ᐱᑕᖃᕆᐊᖃᒻᒪᕆᒃᑐᖅ ᐱᖁᑎᕐᔪᐊᑦ ᐊᑐᕈᓐᓇᕐᓂᐊᕐᒪᑕ ᐃᓕᑦᑎᕕᐅᕋᑦᑕᕈᓐᓇᕐᓗᑎᒃ ᓇᓂᑐᐃᓐᓇᖅ ᐅᑭᐅᖅᑕᖅᑐᖅᐸᓯᖕᒥ
• ᖃᕆᑕᐅᔭᒃᑰᖓᔪᓂᒃ ᖃᐅᔨᒪᔾᔪᑎᒃᓴᖃᖏᓗᐊᖅᑐᖅ ᐱᖁᑎᕐᔪᐊᕐᓂᒃ ᐊᒻᒪᓗ ᐊᑕᑕᕐᕕᐅᔪᓐᓇᕋᑦᑕᕐᓂᖏᓐᓂᒃ
• ᓇᒻᒪᖏᑦᑐᑦ ᐋᓐᓂᐊᕐᕖᓪᓗ ᐱᔨᑦᑎᕋᖅᑕᐅᕖᓪᓗ ᐋᓐᓂᐊᖅᑐᓕᕆᓂᕐᒧᑦ
• ᓴᓗᒪᔪᓂᒃ ᐆᒻᒪᖁᑎᒃᓴᐃᑦ ᐊᑐᖅᑕᐅᒍᑎᒃ ᐊᑭᑭᓂᖅᓴᐅᓗᑕᐅᔪᓐᓇᖅᐳᑦ ᐃᓅᓯᕐᒧᑦ ᐊᒻᒪᓗ ᓇᖕᒥᓂᖅ ᐱᓕᕆᕕᖃᕋᓱᐊᕐᓂᕐᒧᑦ

ᓇᑉᐸᕆᐊᓕᖕᓄᑦ ᐸᕐᓇᐃᓂᖅ

• ᑮᓇᐅᔭᒃᓴᓂᒃᑕᐅᓯᒪᔪᓐᓇᖅᑐᑦ ᓯᕗᓪᓕᐅᑎᑕᐅᓂᖏᑦ ᓇᓗᓇᐃᔭᖅᑕᐅᑦᑎᐊᕆᐊᖃᖅᐳᑦ ᐊᑐᓕᖅᑎᑕᐅᓗᑎᒡᓗ ᐅᑭᐅᖅᑕᖅᑐᒥᐅᑕᓄᑦ ᑐᕌᖓᓗᑎᒃ ᓴᓇᔭᐅᓯᒪᓗᑎᒃ ᐅᑭᐅᖅᑕᖅᑐᕐᒥᐅᑕᓄᑦ
• ᒐᕙᒪᒃᑯᑦ ᑭᒡᒐᖅᑐᐃᔨᖏᑦ ᐅᑭᐅᖅᑕᖅᑐᒦᕋᑦᑕᕆᐊᖃᖅᑐᑦ ᑐᑭᓯᐅᒪᑦᑎᐊᕐᓂᖅᓴᐅᔪᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥ ᖃᓄᐃᓕᖓᓪᓚᕆᖕᓂᖓᓂᒃ
• ᓇᑉᐸᕆᐊᓕᖕᓄᑦ ᑮᓇᐅᔭᒃᓴᓂᒍᑎᒃᓴᐃᑦ ᐊᑯᓂᐊᓘᕋᑦᑕᕐᒪᑕ ᐱᖑᖅᑎᑕᐅᓇᓱᖕᓂᖏᓐᓂᒃ; ᐱᖁᑎᕐᔪᐊᒃᓴᓄᑦ ᐸᕐᓇᐅᑎᒃᓴᐃᑦ ᐃᓱᒪᒋᔭᖃᕆᐊᖃᖅᐳᑦ 20-ᖑᓂᐊᖅᑐᓄᑦ ᐊᕐᕋᒍᓄᑦ ᑐᕌᖓᔪᓂᒃ ᒫᓐᓇᐅᔪᖅ
• ᐊᖏᔫᑎᓂᒃ ᓴᓇᕕᖃᖅᑐᑦ-ᒐᕙᒪᒃᑯᓪᓗ ᐃᓚᒌᒎᓐᓇᕐᓂᖏᑦ ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᑐᑦ ᓴᓇᔭᐅᔪᓐᓇᕐᓂᖏᓐᓄᑦ ᐱᖁᑎᕐᔪᐊᒃᓴᐃᑦ ᐊᑐᖅᑕᐅᔪᓐᓇᕐᓂᐊᕐᒪᑕ ᐊᒥᓱᓄᑦ ᐊᔾᔨᒋᖏᑦᑑᑎᐅᔪᓄᑦ
• ᑐᖓᕕᒃᓴᕆᔭᐅᓂᐊᖅᑐᑦ ᐃᓕᑕᖅᓯᓯᒪᔭᕆᐊᖃᕐᒥᔪᑦ ᐅᑭᐅᖅᑕᖅᑐᒥᐅᑕᓄᑦ ᐱᑕᖃᕆᐊᓕᑦ ᐊᔾᔨᒌᖃᑦᑕᖏᓐᓂᖏᓐᓂᒃ ᐃᖕᒥᓄᐃᓐᓇᕐᓗ ᖃᓄᐃᓕᖓᓂᖃᖅᓱᑎᒃ ᑲᓇᖕᓇᖅᐸᓯᐅᓂᖏᓐᓂᒃ ᐱᖓᖕᓇᖅᐸᓯᖓᓄᑦ ᐅᐊᓕᓂᕐᒥᐅᓂ

ᐊᑐᓕᖅᑎᑦᑎᕙᓪᓕᐊᓂᖅ

• ᐱᖁᑎᕐᔪᐊᖃᖏᓂᖏᑦ ᖃᐅᔨᒪᔭᐅᑦᑎᐊᖅᐳᑦ (ᓲᕐᓗ ᑐᑭᓯᓂᐊᕐᕕᐅᓯᒪᕙᖏᓂᖏᓐᓄᑦ ᐃᖏᕐᕋᔪᓕᕆᔨᒃᑯᓐᓄᑦ ᒪᓕᒐᖏᓐᓂᒃ, ᑲᓇᑕᓕᒫᒥ ᓄᓇᖃᖅᑐᑐᖃᐃᑦ ᑮᓇᐅᔭᓕᐅᕐᕕᒃᓴᓂᒃ ᐱᕙᓪᓕᐊᔪᓕᕆᔨᒃᑯᓐᓂᒃ ᐅᓂᒃᑳᓕᐊᖏᓐᓂᒃ); ᑕᐅᑐᒃᑕᐅᔭᕆᐊᖃᖅᐳᑦ ᐊᑐᓕᖅᑎᑕᐅᕙᓪᓕᐊᔪᓐᓇᕐᓂᖏᑦ ᑕᒪᒃᑯᓇᖓᑦ
• ᐅᔭᕋᖕᓂᐊᕐᕕᖓ ᐊᕼᐃᐊᖅᒥᐅᑕᓂ ᒍᕆᑉ Bᐄᑉ ᑐᓚᒃᑕᕐᕕᒃᓴᖓ, ᐊᖅᑯᑎᒃᓴᖓᑦ ᐊᒻᒪᓗ ᓯᓚᐃᕕᒃᑯᑦ ᓄᓇᖁᑎᖓᒍᑦ ᐊᖅᑯᑎᑯᑖᒃᓴᖅ ᑕᒪᕐᒥᒃ ᐱᒻᒪᕆᐋᓗᕘᒃ ᐱᕕᖃᕐᑎᑦᑎᓗᓂ ᑮᓇᐅᔭᓕᐅᕐᕕᒃᓴᓕᐅᕈᓐᓇᕐᓂᕐᒧᑦ ᐊᑐᓕᖅᑎᑕᐅᔪᓐᓇᕐᓂᖏᓄᓪᓗ

ᐃᓱᒪᒋᔭᐅᖁᔭᐅᓂᖏᑦ ᐃᖏᕐᕋᔪᓕᕆᓂᕐᒧᑦ ᑐᕌᖓᔪᑦ ᐋᕿᐅᒪᔭᐅᓂᖏᑦ

• ᐊᑕᐅᓯᕐᒥᒃ ᐅᖃᕐᕕᒃᓴᖃᕆᐊᖃᖅᑐᑦ ᐋᕿᐅᒪᔭᐅᔪᒥᒃ ᑕᐃᒃᑯᓄᖓ ᐅᒥᐊᕐᔪᐊᒃᑰᖅᑎᑦᑎᕋᑕᕈᓐᓇᕐᓂᕐᒧᑦ ᐱᔪᓐᓇᐅᑎᓕᕆᕙᒃᑐᓂᒃ ᐅᑭᐅᖅᑕᖅᑐᖅᐸᓯᖕᒥ, ᐃᓱᒪᒋᓪᓗᒋᑦ ᐱᔭᕆᐊᑐᔪᐊᓘᓂᖏᑦ ᐊᒻᒪᓗ ᐅᒥᐊᕐᔪᐊᖃᕐᓂᖅᓴᐅᕙᖕᓂᐊᓕᖅᑐᓂᒃ ᐅᓯᑲᖅᑕᖅᑐᓂᒃ ᓯᕗᓂᒃᓴᐅᓂᐊᖅᑐᒥ
• ᐅᑭᐅᖅᑕᖅᑐᒥ ᖃᖓᑕᓲᖁᑎᒋᔭᐅᔪᑦ ᐊᑐᖅᑕᐅᕙᖏᒻᒪᑕ ᐅᔭᕋᖕᓂᐊᕐᕕᖕᒥ ᓴᓈᖃᖅᑐᓂ ᐱᔾᔪᑕᐅᓂᖏᓐᓄᑦ ᐊᑭᑐᓗᐊᕐᓂᖏᑦ, ᑕᐃᒪᐃᓂᖓᓄᑦ ᐅᑭᐅᖅᑕᖅᑐᒥ ᖃᖓᑕᓲᕆᐅᔪᑦ ᐊᔪᖅᐸᒃᑐᑦ ᐱᑕᖃᕆᐊᖃᒻᒪᕆᒃᑐᓂᒃ ᐱᔭᒃᓴᖃᕈᓐᓇᕐᓂᖅ, ᑮᓇᐅᔭᓕᐅᕈᑎᒋᔪᓐᓇᕐᓂᐊᖅᑕᖏᓐᓂᒃ; ᐊᑐᐊᒐᓕᐊᕆᔭᐅᔪᑦ ᐱᔫᒥᓴᐅᑎᖃᕆᐊᖃᖅᐳᑦ ᓇᖕᒥᓂᖅ ᐱᓕᕆᕕᒋᔭᐅᔪᓂᒃ ᑲᒻᐸᓂᐅᔪᓂᒡᓗ ᐊᑐᖁᔭᐅᕙᖕᓂᖅ ᐅᑭᐅᖅᑕᖅᑐᒥ ᖃᖓᑕᓱᕐᓂᒃ
  • ᐆᒃᑑᑎᒋᓗᒍ: ᓄᐊᕖᒥᐅᑦ ᐱᑕᖃᖅᑎᑦᑎᓲᖑᔪᑦ ᐃᓚᖏᓐᓂᒃ ᐊᖅᑯᑎᒋᔭᐅᖁᔭᐅᔪᓂᒃ ᐊᑐᖅᑕᐅᖁᔨᓂᖅ ᐊᔪᖏᑦᑐᓄᑦ ᑕᐅᕗᓈᕈᓐᓇᑦᑎᐊᖅᑐᓄᑦ (ᓲᕐᓗ ᒪᓕᑦᑎᐊᕈᓐᓇᖅᑐᓂᒃ ᐅᓗᕆᐊᓇᖅᑐᖃᖅᑎᑦᑎᑕᐃᓕᒪᔭᕆᐊᖃᕐᓂᖏᓐᓂᒃ, ᐊᓯᖏᓐᓂᒡᓗ), ᑐᖓᕕᐅᓂᖅᓴᐅᓕᕈᓐᓇᕐᒪᑕ ᐅᑭᐅᖅᑕᖅᑐᒥ ᖃᖓᑕᓲᖅᑎᐅᔪᓄᑦ ᓇᓪᓕᖅᑑᑎᓇᓱᒍᓐᓇᕐᓂᖏᓐᓄᑦ ᓂᒋᖅᐸᓯᖕᒥᐅᑕᐅᔪᓂᒃ ᖃᖓᑕᓲᖅᑎᐅᕙᒃᑐᓂᒃ ᐊᑐᖅᑕᐅᓂᖅᓴᐅᕙᒃᑐᓂᒃ

ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

1. ᓯᕗᓪᓕᕐᒥ ᖃᓄᐃᓕᐅᓗᐊᕆᐊᖃᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᓄᓇᓖᑦ ᖃᓄᖏᑦᑐᓐᓇᖅᓯᔪᓐᓇᕐᓂᐊᕐᒪᑕ?
2. ᖃᓄᐃᑦᑐᓂᒃ ᐱᕕᒃᓴᖃᕈᓐᓇᖅᐸᑦ ᐃᓚᒌᓕᕐᕕᐅᔪᓐᓇᖅᑐᓂᒃ ᑕᒪᐃᓐᓄᓪᓗ ᑲᑐᔾᔨᖃᑎᒌᒡᕕᐅᓕᕈᓐᓇᖅᑐᓂᒃ?

ᖃᓄᐃᓕᖓᕙᒌᕆᐊᕐᓂᖅ ᐃᓅᓕᕆᓂᕐᒧᑦ ᐊᓐᓂᐊᖃᖏᑦᑐᓕᕆᓂᕐᒧᓪᓗ ᑐᕋᖓᔪᓂᒃ ᐱᕙᓪᓕᐊᑎᑦᑎᔪᒪᓂᖅ ᑕᒪᒃᑭᖅᓯᒪᓂᖅᓴᐅᕙᖕᓂᐊᖅᑐᓂᒃ

• ᑎᒥᒃᑯᓪᓗ ᐃᓱᒪᒃᑯᓪᓗ ᖃᓄᐃᖏᓐᓂᖅ, ᐃᓕᓐᓂᐊᖅᑐᓕᕆᓂᖅ, ᓂᕿᒃᓴᖃᑦᑎᐊᕈᕆᐊᖃᕐᓂᖅ, ᐊᓯᖏᓪᓗ ᑕᒪᕐᒥᒃ ᐊᑕᔪᐃᓐᓇᐅᖕᒪᑕ ᐃᓄᓯᓕᕆᓂᕐᒧᑦ ᐃᓄᓕᕆᓂᒧᓪᓗ ᐃᓱᒪᓗᑕᐅᕙᒃᑐᓄᑦ.
  • ᓲᕐᓗ ᐆᒃᑑᑎᒋᓪᓗᒍ ᓄᓇᖓᓐᓂ ᑳᑐᕌᓯᒥ/ᑖᒋᔅᒥ, ᐊᐅᓚᑦᑎᓂᕐᒧᑦ ᑯᐊᐳᕇᓴᖓᑦ ᐃᓚᒋᔭᐅᕗᑦ ᖃᓂᑐᒻᒪᕆᐅᓪᓗᑎᒃ ᓄᓇᖓᓐᓂ ᒐᕙᒪᒋᔭᐅᔪᓄᑦ, ᑕᐃᒫᒃ ᐃᓄᓕᕆᓂᒧᓪᓗ ᑮᓇᐅᔭᓕᐅᕐᕕᐅᔪᓐᓇᖅᑐᓪᓗ ᐱᕙᓪᓕᐊᔾᔪᑎᒃᓴᐅᓂᖏᑦ ᑕᒪᐃᓐᓅᔾᔪᒥᔪᖅ ᐊᐅᓚᑕᐅᔪᓐᓇᕐᒪᑕ
  • ᐃᑲᔫᑎᒃᓴᖃᖅᑐᒃᓴᐅᕗᖅ ᐊᐅᓚᑦᑎᕙᖕᓂᕐᒥᒃ ᑮᓇᐅᔭᓂᒃ ᑐᕋᖓᔪᓂᒃ ᐃᓄᓕᕆᓂᒧᓪᓗ ᑮᓇᐅᔭᓕᐅᕈᑎᒃᓴᓄᓪᓗ ᐱᕙᓪᓕᐊᔾᔪᑎᒃᓴᓄᑦ ᐊᐅᓚᑕᐅᓗᑎᒃ ᐊᑕᐅᓯᕐᓄᖏᑦᑐᖅ ᐊᒻᒪᓗ ᑕᒪᐃᓐᓂᒃ ᐃᓚᒋᔭᐅᖃᑕᐅᔪᓕᒫᓂᒃ ᐋᕿᐅᒪᔭᐅᓗᑎᒃ
• ᐊᒥᓱᑦ ᐃᓚᒋᔭᐅᔪᑦ ᐊᖏᖅᓯᒪᔪᐃᓐᓇᐃᑦ ᐃᒡᓗᓕᕆᓂᖅ ᐊᖏᓂᖅᐹᑦᑎᐊᖑᔪᒥᒃ ᐃᓄᓕᕆᓂᕐᒧᑦ ᐊᒃᓱᕈᑕᐅᓂᖏᓐᓂᒃ ᐅᑭᐅᖅᑕᖅᑐᒥ
  • ᑲᑎᖓᓕᕈᑎᒃ ᐃᒡᓗᓕᕆᓂᖅ, ᑕᐃᒃᑯᓄᖓ ᐋᓐᓂᐊᖅᑐᓕᕆᓂᕐᒧᑦ ᐃᓄᓕᕆᓂᕐᒧᓪᓗ ᐱᓕᕆᐊᖑᕙᒃᑐᓂᒃ, ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᐳᖅ
  • ᓲᕐᓗ ᐆᒃᑑᑎᒋᓗᒋᑦ, ᒥᑭᓐᓂᖅᓴᓂᒃ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᖑᔪᑦ ᓄᓇᖓᓂ ᑳᑯᕌᓯᒥ ᐃᒡᓗᖃᕈᓐᓇᐅᑕᐅᕗᑦ ᐃᖃᓇᐃᔭᒃᓴᖃᖏᑦᑐᓄᑦ ᐱᓕᕆᕕᒃᓴᖃᖏᑦᑐᓄᑦ, ᒪᒃᑯᒃᑐᓄᓪᓗ ᐊᒻᒪᓗ ᐊᑐᖅᑕᐅᕙᒃᓱᑎᒃ ᐃᓕᓐᓂᐊᖅᑎᑦᑎᔪᓐᓇᕐᓂᕐᒥᒃ ᐊᔪᕈᓂᖅᓴᖅᑕᐅᓯᒪᔭᕆᐊᖃᖅᑐᓂᒃ, ᐋᓐᓂᐊᖃᖏᓂᖅᓴᐅᔪᓐᓇᕐᓂᕐᒥᒃ ᐊᒻᒪᓗ ᖃᓄᐃᖏᓐᓂᖅᓴᐅᔪᓐᓇᕐᓂᕐᒥᒃ, ᐊᓯᖏᓐᓂᒡᓗ.
• ᑮᓇᐅᔭᓂᒃᑕᐅᔭᕆᐊᖃᖅᑐᑦ ᓄᓇᖃᐃᓐᓇᖅᑐᑦ ᒐᕙᒪᖏᑦ ᐃᓄᓕᕆᓂᕐᒥᒃ ᐱᓕᕆᐊᖑᕙᒃᑐᓂᒃ ᐊᒻᒪᓗ ᐊᓐᓂᐊᖅᑐᓕᕆᓂᕐᒥᒃ ᐱᓕᕆᐊᖑᕙᒃᑐᓂᒃ ᐱᓕᕆᔨᐅᔪᓐᓇᕐᓂᐊᕐᒪᑕ ᐊᒻᒪᓗ ᒪᒥᓴᐃᕕᒃᓴᖅᑖᕆᐊᖃᖅᓱᑎᒃ

ᐃᑲᔪᖅᓱᖅᑕᐅᕙᖕᓂᖏᑦ ᒪᒃᑯᒃᑐᑦ ᐃᓅᓱᒃᑐᑦ

• ᒪᒃᑯᒃᑐᑦ ᐃᓕᓐᓂᐊᖅᑎᑕᐅᔭᕆᐊᖃᖅᑐᑦ ᓇᖕᒥᓂᖅᑐᖃᕆᔭᒥᓂᒃ ᐱᐅᓯᑐᖃᕐᓂᒃ ᐃᓚᖃᕐᓗᑎᒃ ᐅᖃᐅᓯᑐᖃᕐᒥᓂᒃ, ᐃᓕᖅᑯᓯᑐᖃᕐᒥᓂᒡᓗ, ᐊᓯᖏᓐᓂᒡᓗ, ᐱᒋᐊᑲᐅᑎᒋᕙᒃᓗᑎᒃ ᐸᐃᕆᕕᖕᓂᕋᑦᑕᕐᓂᖏᓐᓂᒃ ᐱᒋᐊᕐᓗᑎᒃ
• ᒪᒃᑯᒃᑐᑦ ᐃᓚᐅᑎᑕᐅᕋᑦᑕᕈᓐᓇᕐᒥᔪᑦ ᓄᓇᒦᓐᓂᕐᒥᒃ ᐊᕙᑎᒥᒃ ᓇᐅᑦᑎᖅᑐᐃᔨᐅᑎᑕᐅᔪᓐᓇᖅᓱᑎᒃ, ᐅᔭᕋᖕᓂᐊᒐᒃᓴᓂᒃ ᕿᓂᖅᑎᐅᖃᑕᐅᔪᓐᓇᖅᓱᑎᒃ, ᐳᓚᕋᑦᑐᓕᕆᔪᓐᓇᕐᓂᕐᒥᒡᓗ, ᐊᓯᖏᓐᓂᒡᓗ.

ᓇᓕᒧᒌᒃᑎᑕᐅᓂᖏᑦ ᓄᓇᖃᖅᑐᑐᖃᐃᑦ ᐱᓕᕆᓂᕆᕙᒃᑕᑐᖃᕆᔭᖏᑦ ᑕᐃᒃᑯᓄᖓ ᑮᓇᐅᔭᓕᐅᓂᕐᒧᑦ ᐊᑭᓕᖅᑐᖅᑕᐅᓗᑎᒃ ᑮᓇᐅᔭᓕᐅᕈᓐᓇᕐᓂᖏᑦ

• ᐃᓚᐅᓚᐅᖅᑐᖅ ᐅᖃᐅᓯᖃᓚᐅᖅᑐᖅ ᖃᐅᔨᓴᖅᑕᐅᓯᒪᓂᖏᓐᓂᒃ ᓄᓇᑦᓯᐊᕐᒥ ᑐᑭᑖᕈᑕᐅᓯᒪᓕᖅᑐᓂᒃ ᒥᑭᒋᐊᕐᓂᐊᖅᑏᓪᓗ ᐊᖑᓇᓱᒃᑏᓪᓗ ᐊᓯᖏᓐᓂᒃ ᐃᖃᓇᐃᔭᖃᓲᖑᖕᒥᔪᑦ ᐊᑭᓕᖅᑐᐃᔪᓐᓇᕐᓂᖅᓴᐅᕙᒃᑐᑦ ᓂᐅᕕᕈᓐᓇᕐᓂᖅ ᒥᑭᒋᐊᒃᓯᒪᖏᓐᓂᒃ, ᐅᖅᓱᐊᓗᒃᓴᒥᓂᒃ, ᓯᑭᑑᖃᕈᓐᓇᕐᓂᕐᒥᓂᒃ, ᐊᓯᖏᓐᓂᒡᓗ
• ᐊᔪᕐᓇᓲᖑᖕᒪᑦ ᓄᓇᒥᐅᑕᐅᖏᓐᓇᕈᓐᓇᕐᓂᖅ ᑕᐃᒪᖓᑦ; ᐱᐅᓯᑐᖃᖅᑎᒍᑦ ᐊᑐᕐᓗᓂ ᐃᓅᔪᓐᓇᕐᓂᖅ ᐊᒻᒪᓗ ᑮᓇᐅᓕᐅᖅᑎᑕᐅᓪᓗᑎᒃ ᐱᓕᕆᔪᓐᓇᕐᓂᖅ ᑕᒪᕐᒥᒃ ᐱᓯᒪᔭᐅᔭᕆᐊᖃᖅᐳᑦ

"ᐱᐅᓯᑐᖃᕈᓐᓇᖅᐳᖅ ᐸᐸᑦᑎᔪᓐᓇᕐᓂᖅ" ᐱᐅᓯᕆᔭᐅᕙᓚᐅᖅᑐᑐᖃᐅᔪᓂᒃ ᑕᐃᒪᓐᓇ ᐃᓄᐃᑦ ᐱᔪᒪᖕᒪᑕ ᐊᒻᒪᓗ ᐊᔪᕐᓇᕐᓂᖏᑦ ᐃᑲᔫᑎᒃᓴᖃᓂᒃᑕᐅᓯᒪᕋᑦᑕᕐᓗᑎᒃ - ᐋᓕᔅᑐ ᐅ’ᕋᐃᓕ, ᐅᑭᐅᖅᑕᖅᑐᒥ ᑕᐱᕇᑦ

ᑮᓇᐅᔭᓕᐅᕈᑎᒃᓴᓂᒃ ᓴᕿᐅᒪᔪᓐᓇᕐᓂᖏᑦ ᐱᕕᖃᕐᑎᑦᑎᓂᖅ

• ᐃᓕᓐᓂᐊᖅᑎᑕᐅᓂᖏᑦ ᑐᕋᖓᔭᕆᐊᖃᖅᐳᑦ ᐱᓕᕆᐊᒃᓴᖅᑖᕈᓐᓇᕐᓂᕐᒧᑦ ᐊᑐᐃᓐᓇᐅᔪᓐᓇᖅᑐᓂ ᓄᓇᖏᓐᓂ
• ᐱᕕᒃᓴᓕᐊᓘᒐᓗᐊᖅᐳᖅ ᐳᓚᕋᑦᑐᓕᕆᓂᕐᒥᒃ/ᓂᐅᕐᕈᐊᓕᕆᓂᕐᒥᒃ, ᐊᑕᐅᓯᖅ ᐃᓚᒋᔭᐅᓚᐅᖅᑐᖅ ᐅᖃᐅᓯᖃᓚᐅᖅᓱᓂ ᐊᔪᕐᓇᖏᓐᓂᖅᓴᐅᓂᕋᐃᓂᖅ ᐊᐅᓚᑦᑎᔪᓐᓇᕐᓂᖅ ᑕᒪᒃᑯᓂᖓ ᐊᑯᑭᑦᑐᕐᒥᐅᑦ ᓄᓇᖓᓂ ᓴᓂᐊᓂ ᑲᓇᑕᐅᑉ ᐅᑭᐅᖅᑕᖅᑑᖓᓂ

ᑐᖓᕕᕐᔪᐊᓕᕆᔩᑦ ᐊᕙᓗᒃᓴᖓ ᖃᐅᔨᔪᒪᓂᖏᑦ

• ᑲᓇᑕᐅᑉ ᒐᕙᒪᒃᑯᖏᑦ ᓄᓇᖃᖅᑐᑐᖃᐅᔪᓂᒃ ᓯᕗᓪᓕᕆᔭᐅᕙᖕᓂᖏᓐᓂᒃ ᐊᒻᒪᓗ ᐊᕕᒃᑐᖅᓯᒪᓂᖏᓐᓂ ᒐᕙᒪᒋᔭᖏᓐᓂᒃ ᓯᕗᓪᓕᕆᔭᐅᕙᒃᑐᓂᒃ ᐊᔾᔨᒌᒃᑐᑎᑐᑦ ᐃᓕᑕᖅᓯᓯᒪᕋᑦᑕᕆᐊᖃᖅᐳᑦ
• ᐅᑭᐅᖅᑕᖅᑐᒥᐅᑦ ᐃᓚᐅᕋᑦᑕᕆᐊᖃᖅᑐᑦ ᓴᓇᔭᐅᕙᓪᓕᖏᓐᓂᒃ, ᐆᒃᑐᕋᖅᑕᐅᕙᖕᓂᖏᓐᓂ ᐊᒻᒪᓗ ᐊᐅᓚᑕᐅᕙᖕᓂᖏᓐᓂ ᓴᓇᕐᕈᑕᐅᕙᓕᖅᑐᑦ ᖃᕆᑕᐅᔭᒃᑰᖓᔪᓐᓇᖅᑐᑦ ᐊᑐᖅᑕᐅᔪᓐᓇᕐᓂᖏᑦ ᖃᓄᐃᖏᓐᓂᖅᓴᐅᔪᓐᓇᕐᓂᖏᓐᓄᑦ ᓄᓇᓖᑦ (ᓲᕐᓗ ᐆᒃᑐᑎᒋᓗᒍ, ᐃᒡᓗᓕᕆᓂᕐᒧᑦ, ᐅᒥᐊᕐᔪᐊᓕᕆᓂᕐᒧᑦ, ᐊᓯᖏᓐᓂᒡᓗ)

ᐊᓯᖏᑦ ᐅᖃᐅᓯᒃᓴᐃᑦ

• ᓴᓇᔭᐅᑎᑦᑎᓂᖅ ᐋᕿᐅᒪᑎᑦᑎᑦᑎᐊᕐᓂᖅ ᐱᖃᑎᕐᔪᐊᕆᔭᐅᔪᓂᒃ ᐃᑲᔪᕐᓂᖃᕈᓐᓇᖅᐳᖅ ᐃᓄᖕᓂᒃ ᓄᓇᓕᖕᒦᖏᓐᓇᕐᓂᖅᓴᐅᔪᓐᓇᕐᓂᖅ
• ᑐᕌᒐᖃᕆᐊᖃᖅᑐᑦ ᑮᓈᐅᔭᓂᒃᓴᑕᐅᕙᖕᓂᐊᖅᑐᓂᒃ ᓄᓇᖃᖅᑐᑐᖃᐅᔪᓄᑦ ᑮᓇᐅᔭᓕᐅᕐᕕᒃᓴᓕᕆᓂᕐᒧᑦ ᑯᐊᐳᕇᓴᐅᔪᓐᓇᖅᑐᓄᑦ
• ᐱᓇᓱᐊᕈᑕᐅᔭᕆᐊᖃᖅᐳᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᒫᓐᓇᐅᔪᖅ ᐱᓕᕆᕕᐅᓕᐊᓂᒃᑐᑦ, ᓴᕿᑎᑦᑎᕙᓪᓕᐊᖏᖓᕐᓗᑎᒃ ᓄᑕᓂᒃ ᐊᓯᖏᓐᓂᒃ

ᓴᖏᔫᓂᖅ, ᑲᔪᓯᑏᓐᓇᒐᒃᓴᐃᑦ ᐊᒻᒪᓗ ᐊᔾᔨᒋᖏᑑᑕᐅᓂᖏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

1. ᖃᓄᐃᓕᐅᕈᓐᓇᖅᐸᑦ ᓯᕗᕙᕆᐊᖅᑎᑦᑎᔪᓐᓇᕐᓂᕐᒧᑦ ᑲᔪᓰᓐᓇᕈᓐᓇᖅᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᔪᓐᓇᕐᓂᖅ, ᐱᕈᖅᐸᓕᐊᔪᓐᓇᕐᓗᑎᒃ ᒥᑭᔫᑏᑦ ᐊᑯᓐᓂᖅᓱᖅᑐᓄᑦ ᓇᖕᒥᓂᖅ ᐅᑭᐅᖅᑕᖅᑐᒥ ᐱᓕᕆᕕᐅᔪᑦ ᐊᒻᒪᓗ ᐱᑕᖃᓕᕐᓗᑎᒃ ᐊᔾᔨᒋᖏᑦᑑᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᔪᓐᓇᖅᑐᑦ?
2. ᖃᓄᐃᓕᐅᖅᑐᖃᕈᓐᓇᖅᐸ ᓴᕿᑎᑦᑎᕙᓪᓕᔪᓐᓇᕐᓂᖅ ᐊᔪᖏᓂᖏᓐᓂᒃ/ᖃᐅᔨᒪᓂᖃᕈᓐᓇᕐᓂᖏᑦ ᐊᒻᒪᓗ ᐃᓚᐅᑎᑕᐅᓂᖅᓴᐅᓗᑎᒃ ᐅᑭᐅᑕᖅᑐᒥ ᓄᓇᓕᑐᖃᐃᑦ ᓄᓇᖁᑎᖏᓐᓂ ᑮᓇᐅᔭᓕᐅᕐᕕᐅᔪᓐᓇᖅᑐᓂ?
3. ᖃᓄᐃᑦᑐᓪᓚᕆᖕᓂᒡᓕ ᐱᕕᒃᓴᓕᐅᕈᓐᓇᖅᐸᑦ ᐃᓚᒌᓕᕈᑎᒋᔪᓐᓇᖅᑕᖏᓐᓂᒃ ᐊᒻᒪᓗ ᑕᒪᐃᓐᓄᑦ ᐱᓕᕆᐊᓕᕈᓐᓇᖅᑐᓂᒃ, ᖃᐅᔨᒋᐊᖅᑕᐅᔪᓐᓇᖅᑐᓂᒃ?

ᓇᓕᒧᒌᑎᑦᑎᔪᓂᒃ ᐊᔾᔨᒋᒃᑐᐃᓐᓇᐅᑎᑦᑎᓗᑎᒃ ᐊᒻᒪᓗ ᓇᓪᓕᖅᑐᐊᕇᒎᓐᓇᕐᓂᖏᓐᓂᒃ ᐱᐅᓯᖃᕈᓐᓇᕐᓂᖅ

• ᒪᑐᐃᖓᔪᓂᒃ, ᓇᓕᒧᒌᒃᑎᑦᑎᔪᓂᒃ ᐊᒻᒪᓗ ᓇᓪᓕᖅᑑᑎᒋᐊᕈᓐᓇᕐᓂᖅᓴᐅᓗᑎᒃ ᓂᐅᕕᕐᕕᐅᔪᓐᓇᕐᓂᖏᑦ ᐱᔾᔪᑕᐅᔪᓐᓇᕐᒪᑕ ᓄᓇᖃᖅᑐᑐᖃᐅᔪᓂᒃ ᖁᔭᓈᖅᑕᐅᓯᒪᖏᓐᓂᖅᓴᐅᕋᑦᑕᕈᓐᓇᕐᓂᖅ ᐊᒻᒪᓗ ᐊᔾᔨᒌᒃᑎᑕᐅᕙᖏᓂᕐᒧᑦᖏᓐᓄᑦ (ᐆᒃᑐᖅᐸᒃᑐᑦ) ᐊᑐᖏᓂᖅᓴᐅᓕᕐᓗᑎᒃ ᑕᐃᒪᐃᓕᖓᓂᕐᒥᒃ ᐊᓯᖏᓐᓂᒃ ᐱᔪᓐᓇᕐᓂᖅᓴᐅᓂᕋᖅᑕᐅᕙᒃᑐᓂᒃ ᓄᓇᖃᖅᑐᑐᖃᐅᖏᑦᑐᓂᒃ ᑲᓇᑕᓕᒫᒥᓗᓐᓃᑦ ᓇᖕᒥᓂᖃᖅᑎᐅᕙᒃᑐᓂᒃ (ᓲᕐᓗ ᓄᓇᑦᓯᐊᑉ ᒐᕙᒪᒃᑯᖏᓐᓂᒃ ᓇᖕᒥᓂᖁᑎᖃᕐᒪᑕ ᐅᑭᐅᖅᑕᖅᑐᒥ ᐅᓯᔨᒃᑯᑦ ᑲᒻᐸᓂᖓᓂᒃ ᓕᒥᑎᒃᑯᓐᓂᒃ, ᐱᓇᓱᐊᖃᑕᐅᕙᒃᑐᓂ ᓄᓇᕗᒻᒥ)
  • ᑕᒪᒃᑯᐊ ᐊᑐᖅᑕᐅᓗᑎᒃ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᓄᓇᖃᖅᑐᑐᖃᐃᑦ ᒐᕙᒪᒃᑯᓐᓄᑦ ᐊᒻᒪᓗ ᓄᓇᖃᖅᑐᑐᖃᐃᑦ ᑮᓇᐅᔭᓕᐅᕐᕕᒃᓴᓕᕆᓂᕐᒧᑦ ᑯᐊᐳᕇᓴᐅᔪᓄᑦ
• ᓂᐅᕕᕐᕕᐅᕋᑦᑕᕐᓂᖏᑦ ᐊᑐᐊᒐᐃᑦ ᐊᔾᔨᒋᖏᑦᑑᑎᐊᓗᔪᓐᓇᕐᒥᖕᒪᑕ ᐆᒃᑑᑎᒍᓗᒍ ᓄᓇᖃᖅᑐᑐᖃᐃᑦ ᐊᑐᖅᑕᐅᖏᓂᖅᓴᐅᕙᖕᓂᖏᑦ ᓱᕋᐃᓯᒪᕙᒃᑐᑦ ᒪᓕᒐᖏᓐᓂᒃ ᓄᓇᑖᕈᑎᓂ ᐊᖏᕈᑕᐅᓯᒪᓂᖏᓐᓂᒃ
• ᓈᒻᒪᖏᑦᑐᓐᓇᕐᒥᖕᒪᑕ ᐅᑭᐅᖅᑕᖅᑐᒥ ᓇᖕᒥᓂᖅ ᐱᓕᕆᕕᖁᑎᒋᔭᐅᔪ ᓄᓇᓕᖏᓂ ᓇᓪᓕᖅᑑᑎᖃᑕᐅᒋᐊᕈᓐᓇᖅᑐᑦ ᐱᓂᖅᓴᐅᓇᓱᒃᑐᓂ ᑮᓇᐅᔭᓕᐅᕐᕈᓐᓇᕐᓂᕐᒧᑦ; ᓄᓇᓖᑦ ᐃᓱᒪᖅᓱᕈᓐᓇᕈᒪᕗᑦ ᐊᑕᐅᓯᑐᔪᓐᓇᕐᓂᖅ ᐱᓕᕆᑎᑕᐅᔪᓐᓇᕐᓂᖅ ᓄᓇᓕᖕᓂ ᑳᓐᑐᓛᒃᑎᐅᕙᒃᑐᓄᑦ
• ᔪᑳᓐᒥᐅᑦ ᓄᓇᖃᖅᑐᑐᖃᐃᑦ ᑲᑎᒪᔨᕐᔪᐊᖏᓐᓂ ᓇᖕᒥᓂᖅ ᐱᓕᕆᕕᖁᑎᓖᑦ ᐱᔪᓐᓇᖅᑎᑦᑎᕙᓪᓕᐊᖅᑐᑦ ᑕᐱᕇᕋᑕᕈᓐᓇᕐᓂᖏᓐᓂᒃ ᔪᑳᓐᒥᐅᑦ ᓄᓇᖃᖅᑐᑐᖃᐃᑦ ᑮᓇᐅᔭᓕᐅᕐᕕᒃᓴᓄᑦ ᑯᐊᐳᕇᓴᖏᓐᓂᒃ, ᑕᐃᒫᒃ ᑕᒪᕐᒥᒃ ᐊᑕᐅᒃᑯᑦ ᐆᒃᑐᖃᑕᐅᔪᓐᓇᕐᒪᑕ ᐱᓇᓱᐊᖃᑕᐅᕙᒡᓗᑎᒃ ᐊᒻᒪᓗ ᑕᒪᐃᓐᓂᒃ ᐊᐃᑦᑐᐃᕋᑦᑕᕈᓐᓇᕐᓗᑎᒃ ᐃᑲᔫᓯᐊᒃᓴᓂᖕᓂᐊᖅᑕᖏᓐᓂᒃ ᑮᓇᐅᔭᓕᐅᕐᕕᒃᓴᐅᔪᓐᓇᑐᓂᒃ ᓴᕿᑎᑕᐅᓯᒪᔪᓂᒃ ᐱᓯᒪᔭᖏᓐᓂᒃ
• ᐊᐅᓚᑦᑎᔨᐅᕝᕕᐅᕙᒃᑐᑦ ᐋᕿᐅᒪᓂᖏᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ ᐊᒥᓱᓂ ᐊᕕᒃᑐᖅᓯᒪᐅᖅᐸᖕᒪᑕ ᐊᒻᒪᓗ ᑐᑭᓯᓇᑦᑎᐊᕋᑦᑕᖏᔅᓱᑎᒃ, ᐱᓗᐊᖅᑐᒥᒃ ᓄᓇᓕᖕᓂ/ᐊᕕᒃᑐᖅᓯᒪᓂᖏᓐᓂᓗ (ᓲᕐᓗ ᐃᓄᕕᐊᓗᐃᑦ ᓄᓇᑖᕐᕕᒋᔭᖏᓐᓂ ᐊᐅᓚᑕᐅᕙᖕᓂᖏᑦ ᐊᔾᔨᒋᖏᑎᐊᕐᒪᒋᑦ ᑕᐃᒃᑯᓇᖓᑦ ᐊᓯᖏᓐᓂᒃ ᐊᐅᓚᑦᑎᕕᐅᕙᒃᑐᓂ ᓄᓇᑦᓯᐊᕐᒥ) ᑕᐃᒪᐃᓕᖓᓂᖏᓪᓗ ᓇᓗᓇᕈᑕᐅᕙᒃᑐᑦ ᐱᔾᔪᑕᐅᓕᕈᓐᓇᖅᓱᑎᒡᓗ ᐱᕋᔭᒍᑕᐅᕋᑦᑕᕈᓐᓇᕐᓂᖅ
  • ᑕᐃᒪᓐᓄᑦ ᐃᓱᒪᒋᔭᐅᓂᖏᑦ ᑕᐅᑐᒐᕆᔭᐅᔪᑦ ᐅᖃᐅᓯᐅᓯᒪᔪᑦ ᑐᖓᕕᒃᓴᐅᔪᓐᓇᖅᑐᓂ ᐃᑲᔪᕐᓂᖃᕈᓐᓇᖅᐳᑦ ᓇᓗᓇᕈᓃᑦᑎᐊᒃᑲᓐᓂᕈᑕᐅᔪᓐᓇᕐᓂᕐᒧᑦ

ᐃᓕᓐᓂᐊᖅᑎᑕᐅᓯᒪᔪᓐᓇᕐᓂᖅ ᐊᒻᒪᓗ ᐱᔭᕆᐅᖅᓴᑎᑕᐅᓂᖅ

• ᐃᓕᓐᓂᐊᖅᓯᒪᖏᓂᖃᕐᐳᖅ; ᐊᒥᓱᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒃᐸᒃᑐᑦ ᓱᓕ ᐱᖓᓱᒃᑲᓐᓂᐅᔪᓂᒃ ᐊᕐᕋᒍᓂᒃ ᐃᓕᓐᓂᐊᒃᑲᓐᓂᕆᐊᖃᓲᖑᕗᑦ ᖁᑦᑎᖕᓴᓂᒃ ᐃᓕᓴᕐᕕᒡᔪᐊᕐᓄᐊᕈᓐᓇᖅᓯᓂᐊᕈᑎᒃ
  • ᐃᓚᖏᑦ ᐃᓕᓐᓂᐊᕐᕕᒡᔪᐊᑦ ᐃᑲᔪᖅᓱᐃᕙᓕᖅᑐᑦ ᐃᓕᓐᓂᐊᖅᑐᓂᒃ ᐆᒃᑐᕈᓐᓇᕐᓂᖅ ᔫᓂᕘᓯᑎᓂᒃ ᐃᓕᓐᓂᐊᕐᕕᐊᖑᓂᖅᐹᖏᓐᓂ ᐃᓕᓐᓂᐊᕈᓐᓇᕐᓂᖅ
• ᐊᔪᕈᓐᓃᖅᓴᖅᑕᐅᔭᕆᐊᖃᖅᑐᑦ ᐃᓄᐃᑦ ᓇᔪᖅᐸᒃᑕᖏᓐᓂ (ᓄᓇᖏᓐᓂ ᐅᑭᐅᖅᑕᖅᑐᒥ) ᐊᒻᒪᓗ ᐱᓕᕆᕕᖏᓐᓂ (ᐃᒡᓗᖁᑎᖏᓐᓂ ᒫᓐᓇᐅᔪᖅ ᐊᔪᕈᓐᓃᖅᓴᕐᕕᐅᔪᓐᓇᖅᑐᓂ ᐊᒻᒪᓗ ᖃᕆᑕᐅᔭᒃᓴᓂᒃᑕᐅᓯᒪᔪᓐᓇᖅᑐᓂᒃ, ᐃᓕᓐᓂᐊᖅᑎᑦᑎᖏᖔᕐᓗᑎᒃ ᐃᓕᓐᓂᐊᖅᑏᑦ ᓯᕗᓪᓕᐅᔪᓂᒃ ᐃᓕᓐᓂᐊᕈᑎᒃᓴᖏᓐᓂᒃ)
• ᐅᑭᐅᖅᑕᖅᑐᒥ ᐃᓕᓐᓂᐊᕈᑎᒃᓴᓕᕆᓂᖏᓐᓂᒃ ᑐᓴᐅᒪᔭᐅᑎᑦᑎᔭᕆᐊᖃᖅᑐᑦ ᖃᓄᖅ ᐅᑭᐅᖅᑕᖅᑐᒥ ᐊᔾᔨᒋᖏᑦᑑᑎᐅᔪᓂᒃ ᓂᐅᕐᕈᑎᒃᓴᖃᕐᕕᐅᔪᓐᓇᕐᓂᖏᓐᓂᒃ (ᓲᕐᓗ ᐳᓚᕋᑦᑐᓕᕆᓂᕐᒥᒃ, ᐅᔭᕋᖕᓂᐊᒐᒃᓴᐅᔪᓐᓇᖅᑐᓂᒃ, ᖃᕆᑕᐅᔭᖃᖅᑐᓂᒃ ᓴᓇᕐᕈᑎᒃᓴᖃᕐᕕᐅᔪᓐᓇᕐᓂᖏᓐᓂᒃ, ᐊᓯᖏᓐᓂᒡᓗ)
• ᐃᓕᓐᓂᐊᕈᑎᒃᓴᐃᑦ ᐃᓂᓪᓚᖓᐃᓯᒪᔭᕆᐊᖃᖅᑐᑦ ᓄᓇᓕᖕᒥᐅᑦ ᐱᐅᓯᑐᖃᕆᕙᒃᑕᖏᓐᓂᒃ ᐃᒃᐱᒍᓱᒃᐸᒡᓗᑎᒃ (ᓲᕐᓗ ᐃᓕᓐᓂᐊᕈᓃᕋᑦᑕᕐᓗᑎᒃ ᑕᕿᖓᓂ ᒪᐃᒥ ᑕᐃᒫᒃ ᐃᓕᓐᓂᐊᖃᑕᐅᔪᑦ ᐃᓚᐅᔪᓐᓇᕋᑦᑕᕐᓂᐊᕐᒪᑕ ᐃᓄᐃᑦ ᐱᐅᓯᑐᖃᕆᔭᒃᑕᖏᓐᓂᒃ ᐊᑐᕐᓗᑎᒃ)

ᐅᖃᐅᑎᒍᕕᖓ ᓇᓃᒻᒪᖓᔅᓯ, ᑕᐃᑯᖓᐅᓂᐊᕋᑦᑕ" – ᐹᑎ Bᓪᔅᓕ, ᐊᖓᔪᖃᖓᑦ ᐊᐃᓴᑭᑯᒃ ᑎᒥᖁᑎᖏᓐᓂ ᑲᒻᐸᓂᒐᓴᐃᑦ

ᐱᔫᒥᓇᖅᓴᐃᔪᓐᓇᕐᓂᖏᑦ

• ᐃᓚᐅᔪᒪᓕᖅᑐᑦ ᐱᕙᓪᓕᐊᑐᐃᓐᓇᕐᒪᑦ ᐅᑭᐅᖅᑕᖅᑐᒥ ᐃᓕᓐᓂᐊᕈᑎᒃᓴᓕᕆᓂᕐᒧᑦ ᐊᒻᒪᓗ ᐱᓕᕆᕕᐅᔪᓂᒃ ᑭᐴᑎᖃᑦᑕᐅᑎᔪᓐᓇᕐᓂᕐᒧᑦ, ᐃᓗᐊᓂᓗᓐᓃᑦ ᓯᓚᑖᓃᓗᓐᓃᑦ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᑕ ᐊᕕᒃᑐᖅᓯᒪᓂᖏᓐᓂᒃ, ᑕᒪᒃᑯᐊᓗ ᓴᕿᑦᑎᓗᑕᐅᔪᓐᓇᖅᓱᑎᒃ ᐊᖏᔫᐊᑎᐊᓘᓕᕈᓐᓇᖅᑐᓂᒃ ᐱᓕᕆᖃᑎᒌᒡᕕᐅᓕᕈᓐᓇᖅᑐᓂᒃ ᐊᒻᒪᓗ ᐱᔫᒥᓴᐅᑕᐅᓕᕈᓐᓇᖅᑐᓂᒃ ᐃᓚᐅᔪᒪᓂᕐᒧᑦ
  • ᒪᒃᑯᒃᑐᑦ ᖃᐅᔨᒪᑎᑕᐅᔭᕆᐊᖃᖅᑐᑦ ᐊᑯᓂᐅᔪᓐᓇᖅᑐᖅ ᐃᖃᓇᐃᔭᕆᓕᕈᓐᓇᖅᑕᖏᓐᓂᒃ, ᐊᔪᕈᓐᓃᖅᓴᖅᑐᐃᓐᓇᖅᐸᖏᓪᓗᑎᒃ
• ᐊᒥᓲᓂᖅᓴᐃᑦ ᐃᓱᒻᒥᖅᓴᐃᔨᒃᓴᐃᑦ ᐊᒻᒪᓗ ᐱᐅᓯᑐᖃᑦᑎᐊᖅᑐᑦ ᐊᔪᖏᑦᑐᑦ ᐃᓄᐃᑦ ᒪᓕᒐᒃᓴᐅᔪᓐᓇᖅᑐᑦ ᐱᑕᖃᕆᐊᖃᖅᐳᑦ ᐊᑕᑕᕐᕕᐅᔪᓐᓇᕐᓂᐊᕐᒪᑕ ᐊᒻᒪᓗ ᐱᔫᒥᓴᐃᔪᓐᓇᕐᓂᐊᕐᒪᑕ ᐃᓚᐅᕋᑦᑕᕈᒪᓂᖏᓐᓄᑦ ᒪᒃᑯᒃᑐᑦ
• ᐊᔪᖏᓛᖑᔪᑦ ᖃᐅᔨᒪᔪᓪᓗ ᒫᓐᓇᐅᓕᖅᑐᖅ ᑲᔪᓯᑦᑎᐊᖅᑐᓘᓕᐊᓂᖕᒪᑕ; ᐱᔫᒥᓴᐃᓂᖅᓴᐅᔭᕆᐊᖃᖅᑐᒍᑦ ᐃᓕᓐᓂᐊᖃᑦᑕᖏᓂᖅᓴᐅᕙᒃᑐᓂᒃ
• ᐱᓕᕆᔨᐅᖃᑎᒌᒃᑐᑦ ᐅᐊᐃᑦᕼᐅᐊᓯᒥ ᐃᓚᐅᑎᑦᑎᕙᒃᑐᑦ ᒪᒃᑯᒃᑐᓂᒃ ᐋᕿᐅᒪᑦᑎᐊᕆᐊᖃᖅᑐᓂᒃ ᐊᒻᒪᓗ ᐱᕕᒃᓴᖃᖅᑎᑦᑎᕙᒃᑐᓂᒃ ᐃᓂᒃᓴᖃᖅᑎᑕᐅᔪᓂᒃ ᖃᓄᐃᓕᐅᕈᒪᓂᖏᓐᓂᒃ ᐊᒻᒪᓗ ᐃᓱᒪᒋᔭᖏᓐᓂᒃ

ᑮᓇᐅᔭᒃᑯᕖᑦ

• ᒪᓕᒐᓪᓗᑐᕆᐅᔪᑦ Basel III-ᖑᓂᕋᖅᑕᐅᔪᑦ ᐊᔪᕐᓇᖅᑎᑦᑎᕙᒃᑐᑦ ᐱᖓᔪᒋᔭᐅᔪᓂᒃ ᑮᓇᐅᔭᒃᑯᕕᓕᕆᑎᑕᐅᔪᓐᓇᕐᓂᖏᓐᓂᒃ, ᑭᓯᐊᓂᓕᑦᑕᐅᖅ ᑮᓇᐅᔭᒃᑯᕕᖃᖏᓂᖅ ᐅᑭᐅᖅᑕᖅᑐᒥ ᓄᓇᓕᖕᓂ ᐊᔪᕐᓇᕈᑕᐅᕙᒃᐳᖅ ᓇᖕᒥᓂᖅ ᐱᓕᕆᕕᖃᕐᓂᕐᒧᑦ ᐱᕈᖅᐸᓪᓕᐊᔪᓐᓇᕐᓂᕐᒧᑦ
  • ᐅᑭᐅᖅᑕᖅᑐᒥ ᓂᐅᕕᕐᕖᑦ ᑮᓇᐅᔭᖑᖅᑎᑦᑎᔪᓐᓇᓲᖑᔫᒐᓗᐊᑦ ᑮᓈᐅᔭᒃᓴᔭᕐᓂᒃ ᑭᓯᐊᓂ ᐋᕿᐅᒪᑎᑕᖏᑦ ᓈᒻᒪᖏᑦᑐᒻᒪᕆᐅᑉᒪᑕ ᐃᓛᓂᒃᑯ ᑕᐃᒃᑯᐊ ᑮᓇᐅᔭᒃᓴᐃᑦ ᐃᓕᔭᐅᒃᑲᓐᓂᓲᖑᖕᒪᑕ ᒪᕐᕈᐃᖅᑕᖅᑕᐅᕙᒃᑐᓂᒃ
  • ᓄᓇᓕᖕᓂᓐᓂᐊᖅᑐᑦ ᑮᓇᐅᔭᒃᑯᕕᒃᓴᐃᑦ ᐃᑲᔪᖅᓱᖅᑕᐅᔭᕆᐊᖃᖅᐳᑦ

ᑮᓇᐅᔭᒃᓴᓂᒃᑕᐅᔪᓐᓇᕐᓂᖅ

• ᐊᔪᕐᓇᕋᑦᑕᒻᒪᕆᖅᐳᑦ ᖃᐅᔨᒪᔪᓐᓇᕐᓂᖅ ᓇᓪᓕᐊᖕᓂᒃ ᒐᕙᒪᐅᔪᓂᒃ ᐱᓕᕆᕕᖁᑎᖏᓐᓂᒡᓗᓐᓃᑦ ᓇᓕᐊᖕᓂᒃ ᐅᖃᕆᐊᖃᕐᓂᖅ ᑮᓇᐅᔭᒃᓴᓂᒃᑕᐅᔪᒪᓂᕐᒧᑦ ᐅᖃᐅᓯᖃᕈᒪᓂᖏᓐᓂᒃ
• ᐊᑯᓂᐅᓂᐊᖅᑐᒧᑦ ᑐᕌᖓᓂᐊᖅᑐᓂᒃ ᑮᓇᐅᔭᒃᓴᓂᒃᑕᐅᔪᓐᓇᕆᐊᖃᖅᐳᑦ ᐊᒻᒪᓗ ᐃᓱᒪᒋᔭᐅᕙᒡᓗᑎᒃ ᑕᐅᑐᒐᕆᔭᐅᔪᑦ ᖃᓄᐃᓕᐅᕈᑕᐅᔪᒪᓂᖏᑦ, ᐃᑲᔪᖅᓱᖅᑕᐅᓗᑎᒡᓗ ᐱᖁᑎᒃᓴᖃᑦᑎᐊᕆᐊᖃᕐᓂᖏᑦ, ᐃᓄᖁᑎᒋᔭᐅᔪᓄᓪᓗ ᓇᖕᒥᓂᖅ ᐱᓕᕆᕕᖁᑎᒋᔭᐅᔪᑦ, ᓴᓗᒪᔪᓪᓗ ᐆᒻᒪᖁᑎᒃᓴᓕᐅᕈᑎᑦ ᐊᑐᖅᑕᐅᓗᑎᒃ, ᐊᓯᖔᖏᓐᓂᒡᓗ ᓂᕿᒃᓴᓕᐅᕐᕕᒃᓴᖃᓕᕈᓐᓇᕐᓂᖏᑦ (ᓲᕐᓗ ᐃᒡᓗᕐᔪᐊᑉ ᐃᓗᐊᓂ ᐆᒪᔪᖃᕐᕕᐅᔪᓐᓇᖅᑐᓂᒃ ᐅᕝᕙᓗᓐᓃᑦ ᐃᖃᓗᖃᕐᕕᐅᔪᓐᓇᖅᑐᓂᒃ)
• ᑮᓇᐅᔭᒃᓴᓂᒃᑕᐅᕙᖕᓂᖏᑦ ᓇᓕᒧᒌᒃᑎᑕᐅᔭᕆᐊᖃᖅᐳᑦ ᐊᑯᓐᓂᖏᓐᓂ ᒫᓐᓇᐅᔪᖅ ᐱᓕᕆᕕᖁᑎᒋᔭᐅᔪᓂ ᐊᒻᒪᓗ ᒪᒃᑯᒃᑐᓄᑦ ᐱᓕᕆᕕᒃᓴᐅᔪᒪᕐᒥᔪᓂ ᓯᕗᓂᒃᓴᒥ
• ᒐᕙᒪᑐᖃᒃᑯᑦ ᑮᓇᐅᔭᒃᓴᓂᒃᑕᐅᕙᖕᓂᖏᑦ ᐊᒻᒪᓗ ᐅᓂᒃᑳᕈᑕᐅᔭᕆᐊᖃᖅᐸᖕᓂᖏᑦ ᑮᓇᐅᔭᓕᐅᖅᑎᐅᖏᑦᑐᓄᑦ ᑲᑐᔾᔨᖃᑎᒌᖕᓄᑦ ᑎᒥᖁᑎᒋᔭᐅᔪᓄᑦ (ᓲᕐᓗ ᑕᐃᒃᑯᓄᖓ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᓐᓄᑦ) ᐱᔭᕆᐊᑐᔪᒻᒪᕆᐊᓘᖕᒪᕙᖕᒪᑕ ᐊᔪᕐᓇᕈᑕᐅᓕᖅᐸᒃᓱᑎᒡᓗ ᑎᒥᖁᑎᒋᔭᐅᔪᑦ ᑮᓈᐅᔭᖃᕆᐊᖃᖅᑐᑦ ᑮᓇᐅᔭᖅᑖᖃᑦᑕᕈᓐᓇᕐᓂᖏᓐᓄᑦ

ᐊᑐᓕᖅᑎᑕᐅᕙᓪᓕᐊᓂᖏᑦ ᑐᖓᕕᒃᓴᓕᐊᕆᔭᐅᓂᐊᖅᑐᑦ

• ᐅᑭᐅᖅᑕᖅᑐᒥᐅᑕᐅᔪᑦ ᐃᑲᔪᕆᐊᖃᖅᐳᑦ ᐃᓕᑕᕆᔭᐅᓂᖏᓐᓄᑦ ᖃᓄᐃᓕᖓᓚᓕᕆᓐᓇᕐᓂᖏᑦ ᓴᕿᑦᑐᓐᓇᕐᓂᐊᖅᑐᑦ ᑐᖓᕕᒃᓴᐅᓂᐊᖅᑐᓂᒃ, ᒪᓕᒡᓗᒋᑦ ᑕᐃᒃᑯᐊ ᒫᓐᓇᐅᔪᖅ ᓯᕗᓂᒃᓴᐅᓂᐊᖅᑐᒥᓗ ᐊᔪᖏᓐᓂᖏᑦ ᐅᑭᐅᖅᑕᖅᑐᒥᐅᑕᐃᑦ ᐸᕐᓇᐅᓯᐅᕈᓐᓇᕐᓂᖅ ᐊᑐᓕᖅᑎᑦᑎᕙᓪᓕᐊᔪᓐᓇᕐᓂᕐᓗ ᑕᒪᒃᑯᓂᖓ ᑐᕌᒐᕆᔭᐅᔪᓂᒃ
• ᑮᓇᐅᔭᓕᐅᕐᕕᒃᓴᓂᒃ ᐱᕙᓪᓕᐊᔾᔪᑎᒃᓴᐃᑦ ᑐᕌᖓᔭᕆᐊᖃᖅᐳᑦ ᑕᒪᐃᓐᓄᑦ ᐃᓄᖁᑎᒋᔭᐅᔪᓄᑦ, ᐃᓚᐃᓐᓇᖏᓅᖏᑦᑐᖅ ᐊᒥᓲᖏᑦᑐᓄᑦ ᐃᓄᖕᓄᑦ

ᐅᑭᐅᖅᑕᖅᑐᒥ ᖃᐅᔨᓴᖅᑐᓕᕆᓂᖅ ᐊᒻᒪᓗ ᓄᓇᖃᖅᑐᑐᖃᐃᑦ ᖃᐅᔨᒪᔭᑐᖃᖏᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

1. ᖃᓄᐃᓕᐅᖅᑎᐅᖃᕈᓐᓇᖅᐸ ᖃᓄᖅᑑᕈᑕᐅᔭᕆᐊᖃᖅᑐᓄᑦ ᐊᑑᑎᖃᑦᑎᐊᕐᓂᖅᓴᐅᔪᓐᓇᖅᑐᓂᒃ ᓄᓇᓕᖕᓄᑦ ᖃᐅᔨᒪᔭᐅᔭᕆᐊᖃᖅᑐᓂᒃ ᐃᑲᔫᑕᐅᔪᓐᓇᕐᓂᖅ?
2. ᖃᓄᐃᓕᐅᕈᓐᓇᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᐃᓚᐅᓂᖅᓴᐅᓕᕈᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥ ᖃᐅᔨᓴᖅᑕᐅᕙᒃᑐᑦ ᐱᔾᔪᑕᐅᓂᖏᓐᓂ ᐊᒻᒪᓗ ᐊᑐᖅᑕᐅᓂᖅᓴᐅᓕᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓱᒪᓕᐅᕈᑕᐅᔭᕆᐊᖃᖅᑐᓂ?
3. ᖃᓄᐃᑐᓪᓚᕆᖕᓂᒃ ᐱᑕᖃᖅᐸᑦ ᐱᕕᒃᓴᐅᓕᕈᓐᓇᖅᑐᓂᒃ ᐃᓚᒌᒃᓱᕐᕕᐅᓕᕈᓐᓇᖅᑐᓂᒃ ᐊᒻᒪᓗ ᑕᒪᐃᓐᓄᑦ ᑲᑐᔾᔨᖃᑎᒌᒍᑕᐅᓕᕈᓐᓇᖅᑐᑦ?

ᖃᐅᔨᓴᖅᑕᐅᓂᐊᖅᑐᑦ ᐊᐅᓚᑕᐅᓗᑎᒃ ᐅᑭᐅᖅᑕᖅᑐᕐᒥᐅᑕᓄᑦ

• ᖃᐅᔨᓴᖅᑕᐅᓂᐊᖅᑐᓂᒃ ᓯᕗᓪᓕᐅᑎᑕᐅᓂᐊᖅᑐᑦ ᓇᓗᓇᐃᔭᖅᑕᐅᖔᕆᐊᖃᖅᑐᑦ ᓄᓇᓕᖕᒥᐅᑕᓄᑦ ᑎᑎᕋᕆᐊᓚᐅᖏᓂᖏᓐᓂᒃ ᖃᐅᔨᓴᖅᑕᐅᔪᒪᔪᓂᒃ ᑐᒃᓯᕋᐅᑎᒃᓴᓂᒃ ᐊᒻᒪᓗ ᐊᖏᕈᑕᐅᕋᑦᑕᕐᓗᑎᒃ ᓯᕗᓪᓕᒥ ᓄᓇᓕᖕᓄᑦ
• ᔪᑳᓐᒥᐅᓂ ᖃᐅᔨᓴᕐᕕᖓᑦ ᑕᐅᑐᒐᖃᖅᐳᑦ ᐃᓚᒌᒃᓱᖅᐸᖕᓂᕐᒥᒃ ᓄᓇᓕᖕᓂ, ᓇᓗᓇᐃᔭᐃᑎᑕᐅᕙᒃᓱᑎᒃ ᓯᕗᓪᓕᐅᖁᔭᐅᔪᓂᒃ ᖃᐅᔨᓴᖅᑕᐅᖁᔭᐅᔪᓂᒃ
• ᓄᓇᕐᔪᐊᓕᒫᒥ ᖃᐅᔨᓴᖅᑎᓄᑦ ᐊᐅᓚᑦᑎᔪᒪᔪᓂᒃ ᖃᓄᐃᑦᑐᓂᒃ ᓂᕆᐅᒍᓐᓇᕐᓂᖏᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᐱᓕᕆᓂᐊᕈᑎᒃ ᑐᑭᓕᐅᖅᑕᐅᓯᒪᔭᕆᐊᖃᖅᐳᑦ, ᐃᑲᔪᕐᓂᖃᕐᓂᐊᕐᒪᑕ ᓄᓇᓕᖕᓂ
• ᖃᐅᔨᓴᖅᑏᑦ ᐃᓚᐅᑎᑦᑎᔭᕆᐊᖃᖅᐳᑦ ᒪᒃᑯᒃᑐᓂᒃ, ᐱᒻᒪᕆᐊᓗᖕᓂᒃ ᐃᓚᒋᔭᐅᔪᓐᓇᕐᒪᑕ ᐊᔭᐅᖅᑎᐅᔪᓐᓇᕐᓂᖅ, ᓯᕗᕙᕆᐊᖅᑎᑦᑎᔪᓐᓇᕐᓂᖅ ᐊᒻᒪᓗ ᐊᑐᓕᕈᓐᓇᕐᓂᖅ ᖃᕆᑕᐅᔭᒃᑰᖓᔪᓂᒃ ᓴᓇᕐᕈᑕᐅᕙᒃᑐᓂᒃ ᐊᒻᒪᓗ ᐃᓱᒪᒋᔭᐅᕙᖕᓂᖏᓐᓂᒃ

ᐱᐅᓯᒋᐊᖅᑕᐅᓂᖏᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕈᓐᓇᕐᓂᖏᑦ

• ᐃᓕᓐᓂᐊᒐᒃᓴᖃᖅᑎᑕᐅᖃᓯᐅᑎᓗᑎᑦ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᕈᑎᖏᑦ, ᐊᑐᐃᓐᓇᐅᓂᖅᓴᐅᕙᒡᓗᑎᒃ ᑕᒪᒃᑯᐊ ᐅᑭᐅᖅᑕᖅᑐᒥ, ᐱᓗᐊᖅᑐᒥᒃ ᖃᓄᐃᑦᑐᓪᓗᑐᕐᓂᒃ ᖃᐅᔨᓴᖅᑕᐅᔪᓐᓇᖅᑐᓂᒃ ᐃᓕᓐᓂᐊᕈᑎᒃᓴᓂᒃ
  • ᖃᐅᔨᓴᕐᓂᕐᒥᒃ ᐃᓕᓐᓂᐊᕈᑎᒃᓴᐃᑦ ᑐᖓᕕᖃᕆᐊᖃᖅᐳᑦ ᒫᓐᓇᐅᔪᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓄᓇᓕᖕᓂ
  • ᖃᕆᑕᐅᔭᒃᑯᑦ ᐅᖓᓯᑐᒥᒃ ᐃᓕᓐᓂᐊᕈᓐᓇᐅᑎᖃᕆᐊᖃᕐᒥᔪᑦ
  • ᑕᒪᒃᑯᐊᑕᐅᖅ ᐱᓕᕆᐊᖑᓕᕈᓐᓇᕐᒥᔪᑦ ᖃᐅᔨᓴᕐᕕᒃᓴᓂᒃᑕᐅᓯᒪᕙᒃᑯᑎᒃ ᓅᑕᐅᔪᓐᓇᖃᑕᕐᓂᐊᖅᑐᓂᒃ ᓄᓇᓕᖕᓂ
• ᐅᑭᐅᖅᑕᖅᑐᒥ ᖁᑦᑎᖕᓂᓴᓂᒃ ᐃᓕᓐᓂᐊᕐᕕᑦ ᒪᓕᒐᖃᖅᑎᑦᑎᔭᕆᐊᖃᖅᑐᑦ ᐃᓕᓐᓂᐊᖅᓯᒪᑎᒋᔭᕆᐊᕈᑎᒃᓴᖏᓐᓂᒃ ᑕᐃᒃᑯᑎᑐᓇ ᖃᓗᓈᓂ ᐃᓕᓐᓂᐊᕐᕕᐅᕙᒃᑐᓂᒃ ᐃᓕᓐᓂᐊᖅᑎᑕᐅᕙᒃᑐᓂᒃ ᒪᓕᒃᓱᑎᒃ, ᐃᓕᓐᓂᐊᒃᑲᓐᓂᖅᑎᑕᐅᔭᕆᐊᖃᕈᓃᕐᓗᑎᒃ ᔪᓂᕘᓯᑎᓂᒃ ᓯᓚᑦᑐᖅᓴᕐᕕᖕᓂᒡᓗᓐᓃᑦ ᐃᓕᓐᓂᐊᕌᓂᒃᓯᒪᔪᓐᓇᕐᓂᐊᕐᒪᑕ
  • ᑮᓇᐅᒃᓴᓂᒃᑕᐅᔭᕆᐊᖃᖅᑐᑦ ᐃᑲᔫᑎᒃᓴᐃᑦ ᒫᓐᓇᐅᔪᖅ ᐃᓕᓐᓂᐊᖅᑐᓄᑦ ᐃᓕᓐᓂᐊᒃᑲᓐᓂᕆᐊᖃᕈᑎᒃᓴᖏᓐᓄᑦ
  • ᐊᖓᔪᖄᕆᔭᐅᔪᑦ (ᐊᓇᓇᒋᔭᐅᔪᑦ/ᐊᑖᑕᒋᔭᐅᔪᑦ) ᐃᓚᐅᑎᑕᐅᔭᕆᐊᖃᖅᐳᑦ ᓯᓚᑖᓃᒡᓗ ᐃᑲᔪᖅᑎᒃᓴᖃᖅᑎᑕᐅᓗᑎᒃ ᐃᓕᓐᓂᐊᕐᓂᐊᖅᑐᑦ
• ᑕᒪᕐᒥᒃ ᐃᓕᓐᓂᐊᖅᓯᒪᔪᑦ ᐃᓅᓯᖃᖅᓯᒪᓂᖏᓪᓗ ᐃᓕᓐᓂᐊᓂᕐᒥᒃ ᐃᓕᑕᕆᔭᐅᔭᕆᐊᖃᖅᑐᑦ ᐃᓕᓐᓂᐊᕐᕕᖕᓂ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᐊᑐᓂ ᐃᓄᖕᓂ
• ᐊᒥᓲᕙᒃᑐᑦ ᖃᐅᑕᒫᖅᓯᐅᑎᓕᕆᔭᕆᐊᖃᕐᓂᕐᒧᑦ ᑲᒪᒋᔭᐅᔭᕆᐊᖃᕐᓂᖏᓐᓄᑦ ᐊᔪᕐᓇᕈᑕᐅᕙᒃᑐᑦ ᐃᓕᐅᖃᐃᕕᐅᔪᓐᓇᕐᓂᖏᓐᓄᑦ ᖃᕆᑕᐅᔭᒃᑯᑦ ᐃᓗᓕᒃᓴᕆᔭᐅᕙᒃᑐᑦ ᐃᓕᓐᓂᐊᖅᑎᓄᑦ
• ᖃᓄᐃᑦᑐᑐᐃᓐᓇᐃᑦ ᐱᐅᓯᒋᐊᕈᑏᑦ ᑕᒪᒃᑯᓇᓂ ᐊᐅᓚᑕᐅᔭᕆᐊᖃᖅᐳᑦ ᓄᓇᓕᖕᒥᐅᑕᐃᑦ ᐱᔭᕆᐊᖃᕐᓂᖏᓐᓂᒃ ᒪᓕᒡᓗᑎᒃ

ᒪᓕᒍᒥᓇᖅᑐᓂᒃ ᐱᐅᓯᖃᖅᑐᓂᒃ ᐃᓄᖃᕐᓗᑎᒃ ᓄᓇᓕᖕᓂ

• ᒪᒃᑯᒃᑐᓄᑦ ᒪᓕᒍᒥᓇᖅᑐᓂᒃ ᐃᓄᖕᓂᒃ ᓄᓇᓕᖕᓂ ᐱᑕᖃᖅᑎᓪᓗᒍ ᐱᒻᒪᕆᐊᓗᖕᒥᒃ ᐃᑲᔪᖅᑎᐅᔪᓐᓇᓲᖑᕗ ᐱᔫᒥᓴᐃᔪᓐᓇᕐᓂᕐᒧᑦ ᒪᒃᑯᒃᑐᓂᒃ
• ᐊᐅᓚᑦᑎᔨᐅᕙᒃᑐᑦ ᐅᑭᐅᖅᑕᖅᑐᖅᐸᓯᖕᒥ ᐃᓱᒻᒥᖅᓴᐃᔨᐅᓇᓱᒋᐊᖃᖅᐳᑦ ᓄᓇᓕᖕᓂ ᐱᓕᕆᕕᒋᕙᒃᑕᖏᓐᓂ
• ᐊᔪᖏᑦᑑᑎᐊᓕᐊᓗᕗᖅ ᓄᓇᓕᖕᓂ ᐃᓚᖃᖅᓱᑎᒃ ᒪᒃᑯᒃᑐᓂᒃ; ᖃᓄᖅ ᓴᖏᑎᑦᑎᓯᒪᔪᓐᓇᖅᐱᑕ ᐊᑐᒐᒃᓴᐅᔪᓐᓇᖅᑐᓂᒃ ᐊᖏᓂᖅᓴᐅᔪᓐᓇᖅᑐᓂᒃ ᐊᒻᒪᓗ ᐃᑲᔫᕆᐊᕈᑎᒃᓴᐅᔪᓐᓇᖅᑐᓂᒃ ᓄᓇᑦᑎᓐᓂ ᐊᔪᖏᓐᓂᖏᓐᓂᒃ?

ᓴᐳᓐᓂᐊᖅᑕᐅᓂᖓ ᐊᕙᑎ ᐊᒻᒪᓗ ᓴᐳᓐᓂᐊᖅᑕᐅᓂᖏᑦ ᐅᑭᐅᖅᑕᖅᑐᒥ ᐊᔾᔨᒌᖏᑦᑑᑏᑦ ᐆᒪᔪᐃᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᖃᓄᖅ ᓄᓇᖃᖅᑳᖅᑐᑦ ᓄᓇᖃᖅᑎᐅᔪᓪᓗ ᖃᐅᔨᒪᓂᕆᔭᖏᑦ/ᐊᑐᖅᓯᒪᓂᑯᒋᔭᖏᓪᓗ ᐊᑐᖅᑕᐅᔪᓐᓇᖅᐸᑦ ᖃᓄᐃᓕᐅᕈᑕᐅᓕᕐᓂᐊᕐᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔾᔨᒌᙱ?
2. ᑭᓱᓂᓪᓚᕇᑦ ᐊᑐᖅᑎᑕᐅᔪᓐᓇᖅᐸᑦ ᐱᕕᖃᕐᑎᑦᑎᔾᔪᑕᐅᔪᓐᓇᖅᐸᒃ ᐱᓕᕆᖃᑎᒌᖕᓂᐊᕐᓗᓂ ᖃᓄᐃᓕᐅᖅᑕᐅᑎᑦᑎᖃᑎᒌᖕᓂᐊᕐᓗᓂᓗ?

ᐊᒃᑐᖅᑕᐅᓯᒪᔪᓐᓇᕐᓂᖏᑦ ᐳᔪᕐᓗᓕᐅᖅᑕᐃᓕᒪᓂᕐᒧᑦ ᑖᒃᓯᔭᖅᑕᐅᔾᔪᑎᑦ ᐊᒻᒪᓗ ᐱᔪᕐᓗᓕᐅᖅᐸᓪᓕᐊᕙᒃᑐᓄᑦ ᒪᓕᒐᓪᓗᑐᐃᑦ

• ᑕᕆᐅᒃᑯᑦ ᐃᒪᒃᑯᑦ ᐊᐅᓪᓛᕈᑎᓕᕆᐅᔪᑦ ᒫᓐᓇᐅᔪᖅ ᒪᓕᒐᖃᖅᑎᑕᐅᖏᓚᑦ ᐳᔪᕐᓗᓕᐅᕈᓐᓇᕐᓂᕐᒧᑦ ᐅᑭᐅᖅᑕᖅᑐᒥ, ᑎᑭᓪᓗᒍ ᐊᕐᕋᒍᒧᑦ 2020-ᒧᑦ
  • ᒪᓕᒐᖃᖅᑎᑕᐅᓐᖏᓂᖏᑦ ᐊᑐᕈᓐᓃᕈᑎᒃ 2020-ᒥ, ᐅᑭᐅᖅᑕᖅᑐᒥᐅᑕᐃᑦ ᐊᒃᑐᖅᑕᐅᓯᒪᓕᕈᓐᓇᖅᑐᒃᓴᐅᔪᑦ ᐊᑭᑐᓂᖅᓴᐅᓕᕈᓐᓇᕐᓂᖏᓐᓄᑦ ᐱᖁᑎᓂᒃ ᓂᐅᕕᐊᒃᓴᐅᓂᖏᑦ
• ᐳᔪᕐᓗᓕᐅᖅᑕᐃᓕᒪᓂᕐᒧᑦ ᑖᒃᓰᔭᖅᑕᐅᔾᔪᑎᒃᑯᑦ ᐱᒻᒪᕆᐊᓗᖕᒥᒃ ᐊᒃᑐᖅᑕᐅᓯᒪᔪᓐᓇᖅᐳᑦ ᐊᑭᑐᓂᖏᓐᓄᑦ ᓂᐅᕕᐊᒃᓴᐃᑦ ᐊᒻᒪᓗ ᓇᖕᒥᓂᖅ ᐱᓕᕆᐊᒃᓴᖃᕈᓐᓇᕐᓂᕐᒧᑦ ᐅᑭᐅᖅᑕᖅᑐᒥ
  • ᓇᓗᓇᕈᑕᐅᕗᑦ ᖃᓄᐃᓕᐅᕈᓐᓇᕐᒪᖓᑕ ᑲᓇᑕᐅᑉ ᐊᕕᒃᑐᖅᓯᒪᓂᖏᑦ ᐅᑭᐅᖅᑕᑑᓂᖓᑕᓗ ᐊᕕᒃᑐᖅᓯᒪᓂᖏᓐᓂ ᑕᒪᒃᑯᓂᖓ ᐱᔾᔪᑎᖃᖅᑐᓂᒃ
  • ᐅᑭᐅᖅᑕᖅᑐᖅ ᓄᓇᖓ ᐊᖏᔪᐊᓘᖕᒪᑦ ᓄᓈᓗᖓ, ᐊᒥᓲᖏᔅᓱᑎᒃ ᑕᕆᐅᒃᑯᑦ ᐅᒥᐊᕐᔪᐊᖁᑎᒋᔭᐅᔪᑦ ᑕᒫᓂ; ᐅᒥᐊᕐᔪᐊᖃᓲᖑᓪᓗᑎᒃ ᐱᖁᑎᓂᒃ ᐅᓯᔨᓂᒃ (ᓲᕐᓗ ᐊᓐᑎᐅᕆᔫᒥᒃ ᐊᒻᒪᓗ ᑯᐸᐃᒃᒥᒃ) ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᐳᑦ ᐊᒃᑐᖅᑕᐅᓗᐊᖅᑕᐃᓕᒪᔭᕆᐊᖃᕐᓂᖏᑦ ᐊᑭᑐᓂᖏᑦ ᐃᓄᔾᔪᑎᒃᓴᐃᑦ ᑕᒫᓂ
    • ᐅᒥᐊᕐᔪᐊᒃᑰᖅᑎᑦᑎᔪᓐᓇᕆᐊᖃᕐᓂᖅ ᐃᓕᑕᕆᔭᐅᓯᒪᔭᕆᐊᖃᖅᐳᖅ ᐱᑕᖃᕆᐊᖃᒻᒪᕆᒃᑐᑎᑐᑦ ᐱᔨᑦᑎᕋᑕᐅᓂᖓ
  • ᐳᔪᕐᓗᓕᐅᖅᑕᐃᓕᒪᑎᑦᑎᓂᕐᒧᑦ ᑖᒃᓰᔭᖅᑕᐅᔾᔪᑎᒃᓴᐃᑦᑕᐅᖅ ᐊᒃᑐᖅᓯᓯᒪᔪᓐᓇᕐᒥᔪᑦ ᐊᑭᑐᓂᖏᓐᓂᒃ ᐃᓅᔾᔪᑎᒃᓴᐃᑦ ᐅᑭᐅᖅᑕᖅᑐᒥ, ᐱᔾᔪᑕᐅᓗᑎᒃ ᐊᒥᓱᐊᓗᐃᑦ ᓂᕿᒃᓴᑦ ᓂᕿᒃᓴᔭᐃᓪᓗ ᑎᑭᑎᑕᐅᕙᖕᓂᖏᑦ ᖃᖓᑕᓱᒃᑯᑦ
• ᑮᓇᐅᔭᒃᓴᓂᒃᑕᐅᕙᒃᑯᑎᒃ ᑕᕆᐅᒃᑯᑦ ᐃᒪᒃᑯᑦ ᐊᐅᓛᕈᑎᓄᑦ ᐱᖁᑎᕐᔪᐊᑦ (ᓲᕐᓗ ᓯᓚᓕᕆᕖᑦ / ᓇᓚᐅᑖᕐᕖᑦ, ᐅᒥᐊᖅᑐᕈᑎᓄᑦ ᐱᖁᑏᑦ, ᐊᑐᒐᒃᓴᐃᑦ, ᖃᐅᒪᒃᓴᐃᑦ, ᐊᓯᖏᓪᓗ) ᒥᑭᒡᓕᑎᕈᑕᐅᔪᓐᓇᖅᐳᑦ ᐳᔪᕐᓗᓕᐅᕈᓐᓇᕐᓂᕐᒧᑦ ᐃᖏᕐᕋᔪᑎᒃᑯᑦ (ᓲᕐᓗ ᖃᖓᑕᓲᑦ ᐅᑎᕆᐊᖃᕈᓃᕈᓐᓇᕐᒪᑕ ᐆᒃᑐᑲᓐᓂᕐᓂᐊᓗᕐᑎᒃ ᓯᓚ ᐱᔾᔪᑕᐅᓂᖓᓄᑦ)

ᓇᓕᖃᒌᒃᑎᑦᑎᓂᖅ ᖃᐅᔨᓴᖅᑕᐅᕙᖕᓂᖏᓐᓂᒃ ᖃᓄᖅᑑᕈᑕᐅᔪᒪᔪᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪᓗ ᐱᔾᔪᑕᐅᓂᖏᓐᓄᒃ ᐊᔾᔨᒌᖏᑦᑑᑏᑦ ᐆᒪᔪᐃᑦ

• ᑲᓇᑕ ᐱᐅᓂᖅᓴᓂᒃ ᖃᓄᐃᓕᐅᕈᓐᓇᖅᑐᖅ ᐱᓕᕆᖃᑎᖃᓲᖑᒍᑎᒃ ᓄᓇᕐᔪᐊᕐᒥ ᖃᐅᔨᓴᖅᑎᐅᔪᓂᒃ (ᔪᐊᕆᑉᒥᐅᑕᓂᒃ ᖃᐅᔨᓴᖅᑎᓂᒃ ᑐᑭᓯᓂᐊᕈᒪᔪᓂᒃ ᐅᑭᐅᖅᑕᖅᑐᒥ)
• ᐱᓇᓱᐊᖅᐸᖕᓂᖅ ᖃᐅᔨᓴᕈᑎᒃᓴᓂᒃ ᑮᓇᐅᔭᒃᓴᓂᒍᑎᒃᓴᓂᒃ ᐊᔪᕐᓇᓲᖑᕗᑦ ᑕᐃᒃᑯᓄᖓ ᐱᒻᒪᕆᐅᔪᓂᒃ ᐃᓕᓐᓂᐊᖅᓯᒪᖏᑦᑐᓄᑦ; ᐊᔪᕐᓇᕈᑕᐅᓂᖏᑦ ᑕᒪᒃᑯᐊ ᒥᑭᒡᓕᑎᖅᑕᐅᔭᕆᐊᖃᖅᑐᑦ ᐱᔪᓐᓇᕐᓂᐊᕐᒪᑕ ᐃᓄᐃᑦ ᐃᓕᓐᓂᐊᖅᓯᒪᖏᑦᑑᒐᓗᐊᑦ ᑕᒪᒃᑯᓂᖓ
• ᐅᑭᐅᖅᑕᖅᑐᒥ ᖃᐅᔨᕐᓂᕐᒧᑦ ᑮᓇᐅᔭᒃᓴᓂᒃᑕᐅᓯᒪᕙᒃᑐᑦ ᐊᒥᓱᐊᓗᖕᓄᑦ ᒐᕙᒪᒐᓴᐅᕙᒃᑐᓄᑦ ᐊᒻᒪᓗ ᑲᑐᔾᔨᖃᑎᒌᖑᔪᓄᑦ, ᑭᓯᐊᓂ ᓇᓗᓇᓲᐹᓘᕗᑦ ᖃᐅᔨᒪᔪᓐᓇᕐᓂᖅ ᓇᒧᖓᐅᔭᕆᐊᖃᕐᓂᖅ ᑭᓇᒃᑯᓐᓄᓪᓗᓐᓃᑦ
• ᐃᓚᒌᖕᓂᖅᓴᐅᔭᕆᐊᖃᖅᐳᑦ ᐃᓕᓐᓂᐊᕌᓂᒃᓯᒪᓂᖏᑦ, ᓄᓇᓖᓪᓗ ᐊᖏᔫᑎᓂᒡᓗ ᓴᓇᕕᓖᑦ
• ᐊᒥᓱᐊᓘᕗᑦ ᐆᒃᑑᑕᐅᔪᓐᓇᖅᑐᑦ ᓴᕿᐅᒪᑎᑦᑎᔪᓐᓇᕐᓂᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᓯᕗᕙᕆᐊᖅᑎᑦᑎᓂᕐᒧᑦ ᑐᑭᓯᐅᒪᓂᕆᔭᐅᓂᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐊᒻᒪᓗ ᐊᒥᓱᓂᒃ ᐆᒪᔪᓂᒃ ᐊᔾᔨᒋᖏᑦᑑᑎᐅᔪᓂᒃ
• ᓄᑖᓂᒃ ᐃᓄᖕᓂᒃ ᖃᐅᔨᓴᖅᑐᓕᕆᓂᕐᒧᑦ ᐊᑐᐊᒐᕆᔭᐅᔪᓂᒃ ᓴᕿᑎᑎᑦᑎᔪᖃᕐᓂᐊᖅᑐᖅ ᒫᓐᓇᓵᖑᓂᐊᓕᖅᑐᖅ, ᐅᓂᒃᑳᖅᓯᒪᔪᓂᒃ ᐃᓄᐃᑦ ᐃᓱᒪᒋᔭᖏᓐᓂᒃ ᖃᓄᖅ ᐃᓚᐅᖃᑦᑕᕈᒪᓂᖏᓐᓂᒃ ᐱᔾᔪᑎᖃᖅᑐᓂᒃ ᖃᐅᔨᓴᖅᑕᐅᕙᒃᑐᓂᒃ

ᐊᑑᑎᖃᕐᓂᖏᑦ ᑕᕆᐅᕐᒥ ᐃᒪᕐᓂᒃ ᓴᐳᓐᓂᐊᖅᑕᐅᓯᒪᓕᖅᑐᓂ

• ᑕᕆᐅᕐᒥ ᐃᒪᐃᑦ ᓴᐳᓐᓂᐊᖅᑕᐅᓯᒪᓂᖏᑦ ᑐᑭᓯᓇᑦᑎᐊᕆᐊᖃᖅᐳᑦ ᑐᑭᓕᐅᖅᑕᐅᓗᑎᒃ ᐊᑐᕐᓗᑎᒃ ᐅᓗᕆᐊᓇᖅᑐᖃᕐᓂᖏᓐᓂᒃ ᐊᒻᒪᓗ ᖃᐅᔨᓴᖅᑕᐅᓯᒪᓂᖏᓐᓂᒃ ᐃᓱᒪᒋᔭᐅᔪᓂᒃ, ᐃᓚᖃᕐᓗᑎᒃ ᑐᑭᓕᐅᖅᑕᐅᓯᒪᓂᖏᓐᓂᒃ ᖃᓄᐃᓕᐅᕈᑕᐅᒐᓱᐊᕐᓂᖏᓐᓂᒃ ^{ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 2}
  • ᑕᒪᒃᑯᐊᑕᐅᖅ ᐃᓚᖃᕆᐊᖃᖅᐳᑦ ᖃᐅᔨᓴᖅᑕᐅᓂᖏᓐᓂᒃ ᖃᓄᐃᓕᖓᓂᐊᖅᑐᔮᕆᔭᐅᔪᓂ ᐃᓕᑕᕆᔭᐅᓯᒪᓂᖏᓐᓂᒃ ᐅᓗᕆᐊᓇᖅᑐᖃᕐᓂᖏᓐᓂᒃ ᐊᒻᒪᓗ ᖃᓄᐃᓕᖓᓕᕈᑕᐅᔪᓐᓇᕐᓂᖏᓐᓂᒃ
  • ᐃᑲᔪᖅᓱᖅᑕᐅᓯᒪᔭᕆᐊᖃᖅᐳᑦ ᐊᕙᑎᒥᒃ ᓱᓕ ᐊᒃᑐᖅᑕᐅᓯᒪᓐᖏᓂᖓᓂᒃ ᖃᐅᔨᒪᔾᔪᑎᒃᓴᓂᒃᑕᐅᓯᒪᔭᕆᐊᖅᑐᓂᒃ
• ᒐᕙᒪᒃᑯᑦ ᐱᐅᓂᖅᓴᓂᒃ ᑐᑭᓯᓇᖅᑎᑦᑎᑎᐊᒃᑲᓐᓂᕆᐊᖃᖅᐳᑦ ᐊᒻᒪᓗ ᑐᓴᐅᒪᑎᑦᑎᓗᑎᒃ ᐊᖏᔫᑎᓂᒃ ᓴᓈᖃᕐᕕᖕᓂᒃ ᓄᓇᓕᖕᓂᓗ ᓇᓃᓂᖏᓐᓂᒃ ᑕᕆᐅᕐᒥ ᐃᒪᖏᑦ ᓴᐳᓐᓂᐊᕐᕕᐅᓕᖅᑐᑦ (ᓱᕐᓗ ᓄᓇᖑᐊᓕᐊᕆᔭᐅᓯᒪᔪᓂᒃ ᐃᒪᕐᓂᒃ) ᐊᒻᒪᓗ ᖃᓄᐃᑦᑐᓂᒃ ᐊᔪᕐᓇᖅᑎᑎᕝᕕᐅᕙᖕᒪᖓᑕ (ᓱᕐᓗ ᓄᓇᓕᖕᒥᐅᑦ ᓱᓕ ᐃᖃᓗᒃᓯᐅᕐᕕᒋᔪᓐᓇᖅᑕᖏᓐᓂᒃ ᐃᒪᖏᑦ?)
• ᐃᓕᑕᕆᔭᐅᓯᒪᔪᓂᒃ ᑕᕆᐅᕐᒥ ᐃᒪᖏᑦ ᓴᐳᓐᓂᐊᖅᑕᐅᓯᒪᓂᖏᑦ ᕿᒥᕐᕈᐊᖅᑕᐅᓇᔭᖅᑐᑦ ᐊᑑᑎᖃᕐᓂᖏᓐᓂᒃ ᑐᑭᓯᓂᐊᕈᑕᐅᓗᑎᒃ
  • ᑕᐃᒪᐃᓕᖓᑎᑦᑎᓇᔭᕆᕗᑦ ᐊᑐᖅᑕᐅᓂᖏᓐᓂᒃ ᖃᓄᐃᓕᐅᕈᑎᒃᓴᐅᓂᖏᓐᓄᑦ ᐊᕙᑎᒥᒃ ᖃᐅᔨᓴᕈᓰᑦ, ᑐᑭᓕᐅᖅᑕᐅᓯᒪᔪᖃᖅᑎᓪᓗᒍ ᖃᓄᐃᓕᐅᕈᑕᐅᓇᓱᖕᓂᖏᑦ ᐱᔾᔪᑎᒃᓴᖃᕈᑕᐅᓪᓗᑎᒃ ᐊᑐᓕᖁᔭᓕᐊᓂᒃ ᓴᐳᓐᓂᐊᖅᑕᐅᓯᒪᕕᖕᖏᓂ

ᓴᐳᓐᓂᐊᖅᑕᐅᓯᒪᓂᖏᑦ ᑕᕆᐅᕐᒥ ᐃᒪᐃᑦ ᐅᓗᕆᐊᓇᖅᑐᖃᕆᐊᖃᖏᓂᖏ ᐊᒻᒪᓗ ᐊᕙᑎᖓ ᐅᑭᐅᖅᑕᖅᑐᒥ

• ᒪᓕᒐᐃᑦ ᐅᓗᕆᐊᓇᖅᑐᖃᖅᑎᑦᑎᑕᐃᓕᒪᓂᕐᒧᑦ (ᐃᖏᕐᕋᔪᓕᕆᔨᒃᑯᓐᓂᒃ ᑲᓇᑕᒥ ᓲᕐᓗ) ᖁᑦᑎᒃᑐᐊᓘᒐᓗᐊᖅᑎᓪᓗᒋᑦ, ᐊᔾᔨᒌᒃᑐᒥᒃ ᑕᐃᒪᖓᑦ ᒪᓕᒃᑕᐅᑎᑕᐅᔪᐃᓐᓇᐅᕙᖏᓚᑦ
• ᑐᑭᓯᓇᑦᑎᐊᖏᓗᐊᕋᑦᑕᖅᑐᑦ ᑭᓇᒃᑯᓐᓄᑦ ᐊᐅᓚᑕᐅᕙᖕᒪᖓᑕ, ᓴᕿᑎᑕᐅᔪᓐᓇᕐᓂᖏᓐᓄᑦ, ᖃᐅᔨᓴᖅᑕᐅᔪᓐᓇᕐᓂᖏᓄᑦ ᐊᒻᒪᓗ ᒪᓕᒃᑕᐅᑲᐃᕙᖕᓂᖏᓐᓄᑦ ᐅᒥᐊᕐᔪᐊᒃᑯᑦ ᒪᓕᒐᕆᔭᐅᑎᑕᐅᔪᑦ; ᐃᓚᖏᑦ ᓄᓇᓖᑦ ᑎᒥᖁᑎᖏᑦ ᓴᕿᓯᒪᓕᖅᑐᑦ ᒪᓕᒐᖃᕐᓂᕋᐃᔨᐅᓗᑎᒃ ᐅᒥᐊᕐᔪᐊᓕᕆᓂᕐᒧᑦ
• ᑐᑭᓯᓇᑦᑎᐊᒃᑲᓐᓂᕆᐊᖃᖅᑐᑦ ᑕᐃᒃᑯᐊ ᓇᓕᒧᒌᒃᑎᑕᐅᔭᕆᐊᖃᕐᓂᖏᑦ ᐅᓗᕆᐊᓇᖅᑐᒦᑕᐃᓪᓕᒪᔭᕆᐊᖃᕐᓂᖏᑦ ᐅᒥᐊᕐᔪᐊᑦ ᐊᒻᒪᓗ ᓴᐳᓐᓂᐊᖅᑕᐅᓯᒪᔭᕆᐊᖃᕐᓂᖏᑦ ᐊᕙᑎᑦ, ᓲᕐᓗ ᖃᖓᑐᐃᓐᓇᖅ ᓯᓚᓗᓕᑳᓪᓚᒃᐸᑦ ᐅᒥᐊᕐᔪᐊᖅ ᑕᕆᐅᒥᒃᑯᑦ ᐃᒪᒃᑯᑦ ᓴᐳᓐᓂᐊᖅᑕᐅᓯᒪᔪᒃᑰᕆᐊᖃᓕᖅᑎᓪᓗᒍ
• ᑐᐊᕕᕐᓇᖅᑐᓕᕆᔾᔪᑎᒃᓴᐃᑦ ᐱᑕᖃᖅᑎᑕᐅᔭᕆᐊᖃᖅᑐᑦ ᓄᓇᓕᖕᓂ ᓴᓇᔭᐅᓯᒪᓗᑎᒃ

ᐱᒻᒪᕆᐅᓂᖏᑦ ᓄᓇᓕᖕᓂ ᖃᐅᔨᒪᔭᑐᖃᐃᑦ

• ᑕᕆᐅᕐᒥ ᐃᒪᕐᒥ ᓴᓈᖃᖅᑐᑦ ᑐᖓᕕᖃᕋᔪᖕᒪᑕ ᓄᓇᓕᖕᒥᐅᑦ ᖃᐅᔨᒪᔭᑐᖃᖏᓐᓂᒃ ᐃᓕᑕᕆᔭᐅᓇᓱᖕᓂᖏᓐᓄᑦ ᓯᑰᑉ ᐃᔾᔪᑎᒋᓂᖏᑦ ᐊᒻᒪᓗ ᓵᑦᑑᓂᖏᑦ ᑕᕆᐅᑉ ᓯᒡᔭᖅᐸᓯᐅᓂᖏᓐᓂ ᓯᑯᓯᒪᓕᖅᑐᓂ ᑕᕿᕆᕙᒃᑕᖏᓐᓂ
• ᓯᑯᓕᕆᓂᕐᒥᒃ ᐃᓄᖕᓄᑦ ᖃᐅᔨᒪᔭᐅᔪᑐᖃᐃᑦ ᖃᐅᔨᒪᓂᕆᔭᐅᕙᒃᑐᑦ ᐊᑐᖅᑕᐅᔪᓐᓇᕐᒥᔪᑦ ᑕᒃᑯᓄᖓ ᐊᑐᖅᑕᐅᓂᖏᓐᓂᒃ ᖃᐅᔨᓴᕈᑎᓂᒃ ᖃᕆᑕᐅᔭᑰᖅᑐᓂᒃ, ᑐᑭᓯᐅᒪᔭᐅᑦᑎᐊᒃᑲᓐᓂᕐᓂᐊᕐᒪᑕ ᓯᑯᐃᑦ ᖃᓄᐃᓂᖏᑦ, ᐊᒻᒪᓗ ᐊᒃᑐᖅᑕᐅᓯᒪᔪᓐᓇᕐᓂᖏᑦ ᓯᓚᒥᒃ ᐊᓯᔾᔨᖅᐸᓪᓕᐊᓂᕐᒥᒃ.

ᓇᓕᒧᒌᖅᑎᑦᑎᓂᖅ ᓴᓗᒪᔪᓂᒃ ᐆᒻᒪᖁᓯᐅᕈᑎᖃᕐᓂᖅ ᓴᐳᓐᓂᐊᕐᓂᕐᒧᑦ ᐊᕙᑎᒥᒃ

• ᐳᓪᓚᓄᐊᖅᑐᑦ ᐅᖅᓱᐊᓗᐃᑦ ᐳᕉᐲᓐ (Propane) ᐊᑐᖅᑕᐅᔪᓐᓇᖅᐳᖅ ᓴᓗᒪᓂᖅᓴᐅᓂᖏᓄᑦ ᐅᖅᓱᐊᓗᒋᔭᐅᓗᑎᒃ ᐅᑭᐅᖅᑕᖅᑐᒥ; ᐱᖁᑎᕐᔪᐊᑦ ᐱᑕᖃᓕᕇᖅᐳᑦ ᐃᓚᖏᓐᓂᒃ ᓄᓇᓕᖕᓂ ᑕᒻᒪᒃᑯᐊ ᑎᑭᑎᑕᐅᖃᑦᑕᕈᓐᓇᖅᓱᑎᒃ ᐅᒥᐊᕐᔪᐊᒃᑯᑦ ᑕᐃᒃᑯᑎᑐᓐᓇ ᑎᑭᓴᖅᑕᐅᕙᒃᑎᑐᑎᑦ ᐅᖅᓱᐊᓗᐃᓪᓗ ᐅᖅᓱᕐᓘᑏᓪᓗ (ᐅᖂᓴᐅᑎᓄᑦ), ᐅᓗᕆᐊᓇᖏᓗᑎᒃ ᑕᕆᐅᕐᒥ ᑯᕕᔭᐅᔪᓐᓇᕐᓂᖏᑦ, ᖃᖓᑕᓱᒃᑰᖅᑕᐅᔪᓐᓇᕐᓂᖏᓐᓄᑦ ᑭᓯᐊᓂ ᒥᑭᔫᑎᐅᓂᖅᓴᐃᑦ ᐅᖅᓱᐊᖃᐅᑎᖏᑦ
• ᑲᑎᒪᔪᓂ ᐅᖃᐅᓯᐅᓚᐅᕐᒥᔪᑦ ᐊᓯᖔᖏᑦ ᓴᓗᒪᓂᖅᓴᐃᑦ ᐆᒻᒪᖁᓯᐅᕈᑎᓄᑦ ᐊᑐᖅᑕᐅᖔᕈᓐᓇᕐᓂᖏᑦ ᖃᐅᔨᒋᐊᖅᑕᐅᑦᑎᐊᕆᐊᖃᕐᒥᔪᓂᒃ ᐅᑭᐅᖅᑕᖅᑐᒥ, ᒪᑯᓂᖓ ᐃᓚᖃᕐᓗᑎᒃ:
  • ᐃᒪᖅᑐᖅᑐᓂᒃ ᐆᒻᒪᖁᓯᐅᕐᕕᒃᓴᐃᑦ, ᓴᓇᔭᐅᓂᖏᑦ ᐱᖁᑎᕐᔪᐊᒃᓴᐃᑦ ᐊᑭᑐᔫᐊᓘᒐᓗᐊᖅᓱᑎᒃ, ᐊᑐᓕᕈᑎᒃ ᐊᑭᑭᓐᓂᖅᓴᐅᕙᖕᓂᐊᖅᑐᑦ ᐅᖅᓱᕐᓘᑎᓂᒃ Dᐄᓱᓪᒥᒃ ᐊᑐᖅᑕᐅᕙᒃᑐᓂᒃ, ᐃᓕᐅᖃᖅᑕᐅᓯᒪᓕᕈᑎᒃ
  • ᐅᖅᓱᐊᓗᕕᓂᕐᓂᒃ ᐊᑐᖅᑕᐅᕌᓂᒃᓯᒪᔪᓂᒃ ᐅᖅᓱᐊᓗᒃᓴᓕᐅᕐᕕᒃᓴᐃᑦ, ᐊᒃᑕᖃᕈᓃᕈᑕᐅᔪᓐᓇᖅᑐᑦ ᒫᓐᓇᐅᓕᖅᑐᕐᓗ ᐱᒋᐊᖅᑎᑕᐅᔪᓐᓇᕐᓂᖏᑦ ᖃᐅᔨᓴᖅᑕᐅᓕᖅᓱᑎᒃ ᐃᖃᓗᖕᓂ
  • ᐊᓄᕆᑐᖅᑐᓂᒃ ᑲᐃᕕᒃᑐᑦ ᐆᒻᒪᖁᓯᐅᕐᕖᑦ, ᑭᓯᐊᓂ ᑕᒪᒃᑯᐊ ᐊᑐᒐᒃᓴᖃᐃᓐᕆᐊᖃᓲᖑᔪᑦ ᐊᔪᓕᕈᑎᒃ ᐅᖅᓱᕐᓘᑎᓂᒃ Dᐄᓱᓪᒥᒃ
  • ᐅᖂᓴᐅᑎᑦ ᐊᑐᓕᖅᑎᑕᐅᔪᓐᓇᕐᓂᖏᑦ ᑕᐃᒃᑯᓇᖓᑦ ᐅᖅᓱᕐᓘᑎᑐᖅᑐᓂᒃ ᐆᒻᒪᖁᓯᐅᕐᕕᖕᓂᖔᖅᑐᑦ, ᐃᑯᐊᓪᓚᐃᔭᕆᐊᖃᕈᓂᕈᓐᓇᕐᒪᑕ ᐊᑐᖅᑕᐅᓂᖏᓐᓂᒃ ᐊᒥᐊᒃᑯᓂᒃ ᐅᖅᓱᒃᓴᔭᕐᓂᒃ

ᐊᓯᖏᑦ ᐅᖃᐅᓯᒃᓴᐃᑦ

• ᐊᑭᕋᕇᕈᑕᐅᓕᕈᓐᓇᖅᐳᑦ ᑕᐃᒃᑯᓇᖓᑦ ᓴᐳᓐᓂᐊᖅᑎᐅᒐᓱᐊᖅᑐᓂᒃ ᐆᒪᔪᕐᓂᒃ ᐊᒻᒪᓗ ᑕᐃᒃᑯᓇᖓᑦ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᐱᓇᓱᐊᒐᖃᖅᑐᓂᒃ (ᓲᕐᓗ ᐃᖃᓗᒃᓯᐅᖅᑎᓂᒃ)
• ᐃᒪᕐᒥᐅᑕᐃᑦ ᓄᖑᑎᕆᔪᓐᓇᖅᑐᑦ ᐊᓯᖏᓐᓂᒃ ᐃᒪᕐᒥᐅᑕᓂᒃ ᐃᒪᕐᓗᑯᐃᑦ ᑯᕕᔭᐅᕋᑦᑕᕐᓂᖏᓐᓂᒃ ᐅᒥᐊᕐᔪᐊᕐᓂᖓᖅᓯᒪᔪᑦ ᐱᒻᒪᕆᐅᔪᓂᒃ ᐃᓱᒫᓘᑕᐅᕗᑦ ᓴᐳᓐᓂᐊᖅᑕᐅᓯᒪᔭᕆᐊᖃᕐᓂᖏᓐᓂᒃ ᐊᔾᔨᒌᖏᑦᑑᑏᑦ ᐆᒪᔪᐃᖁᑎᒋᔭᐅᔪᑦ

ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

1. ᑭᓱᓂᒃ ᓄᓇᒥᖕᓄᑦ ᑲᓇᑕᐅᑉ ᒐᕙᒪᖓ ᓄᓇᖁᑎᒋᔭᕐᒥᓅᖓᔪᓂᒃ ᓯᕗᓪᓕᐅᔾᔨᓯᒪᔭᕆᐊᖃᖅᐸᑦ ᓄᓇᕐᔪᐊᕐᒥᐅᖑᖃᑎᒌᓄᑦ?
2. ᖃᓄᐃᑦᑐᓂᒃ ᐃᓱᒪᒋᔭᖃᖅᐱᑦ ᐱᒻᒪᕆᐅᓂᖅᐹᖑᔪᓂᒃ ᐊᔪᕈᑕᐅᔪᓂᒃ ᐊᒻᒪᓗ ᐱᕕᒃᓴᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᓂᖓᓂ ᐊᓯᖏᓐᓄᑦ ᓄᓇᓕᒡᔪᐊᕐᓄᑦ ᐊᒻᒪᓗ ᓴᐳᓐᓂᐊᖅᑕᐅᔭᕆᐊᖃᓂᖓᓄᑦ ᐊᑐᒐᕆᔭᐅᔭᕆᐊᖃᕐᓂᐊᖅᑐᓂᒃ ᖁᓕᐅᓂᐊᖅᑐᓂᒃ ᐊᕙᑎᓕᓂᒡᓗ 10-20-ᓂᒡᓗ ᐊᕐᕋᒍᓂᐊᖅᑐᓂᒃ?

ᑲᑐᔾᔨᖃᑎᒌᒍᓐᓇᕐᓂᖅ ᐅᑭᐅᖅᑕᖅᑐᖅᐸᓯᖕᒧᑦ ᐃᓱᒪᓘᑕᐅᔪᓄᑦ

• ᑕᐃᒪᖓᑦ ᑲᓇᑕᒥ ᐱᓕᕆᓯᒪᑦᑎᐊᖏᑦᑐᒻᒪᕆᐊᓗᕗᖅ ᑕᒪᐃᓐᓂᒃ ᐃᑲᔫᑎᒃᓴᓂᒃ ᐱᓕᕆᐊᖑᔭᕆᐊᖃᖅᑐᓂᒃ ᐊᓯᖏᓐᓂᒃ ᐅᑭᐅᖅᑕᖅᑐᖅᐸᓯᐅᓂᕐᒥᑕᐅᖅ ᓄᓇᓕᒡᔪᐊᕐᓂ
  • ᓲᕐᓗ ᐆᒃᑑᑎᒋᓗᒍ, ᔪᐊᕆᑉᒥᐅᑦ ᑮᓇᐅᔭᒃᓴᓂᒃᓯᒪᕐᔪᐊᖅᐳᑦ ᐅᑭᐅᖅᑕᖅᑐᖅᐸᓯᐅᓂᕐᒧᑦ ᐃᓱᒪᓗᑕᐅᒋᔭᖏᓐᓂᒃ ᑭᓯᐊᓂᓕ ᑲᓇᑕ ᐃᓚᒋᔭᐅᓯᒪᖏᓚᖅ ᐊᑐᒐᒃᓴᓂᒍᓐᓇᖅᑕᒥᓂᒃ ᐅᕝᕙᓗᓐᓃᑦ ᐃᓚᒋᔭᐅᔾᔪᑎᒃᓴᒥᓂᒃ ᔪᐊᕆᑉᒥᐅᑕᓄᑦ ᐊᑐᓕᖅᑎᑕᐅᔪᓐᓇᖅᑐᓂᒃ ᐱᔾᔪᑎᖃᖅᑐᓂᒃ
  • ᐊᓯᒃᑲᓐᓂᖓᓂᒃᑕᐅᖅ ᐆᒃᑑᑎᒋᓗᒍ, ᑲᓇᑕ ᓯᕗᓪᓕᐅᖃᑦᑕᖅᓯᒪᖏᓚᖅ ᖃᓄᐃᓕᐅᖅᑲᑕᐅᔪᓐᓇᖅᑐᓂᒃ ᐃᓚᒋᔭᐅᔪᓐᓇᕐᓂᖅᓂ ᓄᓇᕐᔪᐊᓕᒫᒥ ᐅᒥᐊᕐᔪᐊᓕᕆᓂᕐᒧᑦ ᒪᓕᒐᓕᕆᓂᕐᒧᑦ, ᑕᒪᐃᓐᓂᖓᓄᑦ ᑲᓇᑕᒥ ᐊᔪᕐᓇᕐᓂᖅᓴᐅᔪᓂᒃ ᒪᓕᒐᖃᖅᑎᑦᑎᕗᑦ ᑕᐃᒃᑯᓇᖓᑦ ᓴᓂᐊᓂᒃ ᓄᓇᕐᔪᐊᕐᒥ ᒪᓕᒐᕆᔭᐅᔪᓂᒃ
• ᑲᓇᑕ ᑕᑯᒃᓴᐅᓂᖅᑕᐅᔭᕆᐊᖃᖅᐳᖅ ᐱᑕᖃᕐᓂᖓᓂᒃ ᓄᓇᕐᔪᐊᓕᒫᒥ (ᐃᓚᐅᕋᑦᑕᕐᓗᑎᒃ ᓄᓇᕐᔪᐊᕐᒥ ᑲᑎᒪᓂᖏᓐᓂᒃ ᐱᔾᔪᑎᖃᖅᑐᓂᒃ ᐅᑭᐅᖅᑕᖅᑐᖅᐸᓯᖕᒥᒃ, ᒐᕙᒪᒃᑯᓐᓂᖔᖅᑐᓂᒡᓗ ᑭᒡᒐᖅᑐᐃᔨᖃᓗᕐᑎᒃ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᑦ ᑲᑎᒪᓂᖏᓐᓂᒃ, ᐊᓯᖏᓐᓂᓗ)
• ᑲᓇᑕᒥ ᐊᑯᓂᐅᔪᒧᑦ ᓯᕗᓂᒃᓴᒧᑦ ᑕᐅᑐᒐᖃᕆᐊᖃᖅᐳᖅ ᓄᓇᕐᔪᐊᕐᒥᐅᑕᓂᒃ ᐱᓕᕆᖃᑎᖃᕐᓗᑎᒃ ᐊᒻᒪᓗ ᐃᓚᖃᕋᓱᐊᖅᐸᒡᓗ (ᓲᕐᓗ ᑲᓇᑕ ᒪᑐᐃᖓᔪᒥᒃ ᐱᓕᕆᖃᑎᒋᔭᐅᔪᓐᓇᖅᐹ ᑦᓴᐃᓂᓇᒥᐅᑕᓄᑦ ᐊᒻᒪᓗ/ᐅᕝᕙᓗᓐᓂᑦ ᕋᓯᐊᒥᐅᑕᓄᑦ?)
• ᐱᓕᕆᖃᑎᒋᔭᐅᓗᑎᒃ ᓄᓇᕐᔪᐊᓕᒪᒥ ᐅᑭᐅᖅᑕᖅᑐᖅᐸᓯᖕᒥᐅᑕᓄᑦ ᐃᓱᒪᓗᑕᐅᔪᓂᒃ, ᐃᓚᒋᔭᐅᕋᑦᑕᕐᓗᑎᒡᓗ ᐅᑭᐅᖅᑕᖅᑐᕐᒥᐅᑕᐃᑦ ᐊᒻᒪᓗ ᐅᑭᐅᖅᑕᖅᑐᒥ ᓄᓇᖃᖅᑐᑐᖃᐃᑦ
• ᓄᓇᕐᔫᑉ ᐅᑭᐅᖅᑕᖅᑐᖅᐸᓯᐊᓄᑦ ᐊᖏᕈᑏᑦ ᓴᓇᔭᐅᓯᒪᒐᓗᐊᖅᓱᑎᒃ, ᐊᑐᓕᖅᑎᑕᐅᓯᒪᖏᓚᑦ, ᑕᑯᒋᐊᖅᑕᐅᔭᕆᐊᖃᖅᐳᑦ ᐊᑐᓕᖅᑎᑕᐅᔭᕆᐊᖃᕐᓂᖏᑦ

ᐅᑭᐅᖅᑕᖅᑐᒥ ᓴᐳᓐᓂᐊᕐᓂᖅ ᐊᒻᒪᓗ ᓄᓇᖁᑎᒋᔭᐅᓂᖏᑦ ᑲᓇᑕᒧᑦ

• ᑮᓇᐅᔭᒃᓴᓂᒃᑕᐅᔪᓐᓇᕐᓂᖏᑦ ᐊᒻᒪᓗ ᓄᓇᖏᓐᓂ ᒐᕙᒪᐅᔪᑦ ᐅᑭᐅᖅᑕᖅᑐᒥ ᑐᕌᖓᒐᔪᒃᐳᑦ ᓴᐳᓐᓂᐊᕈᑎᒃᓴᖏᓐᓄᑦ (ᓲᕐᓗ ᑐᓴᐅᒪᖃᑦᑕᐅᑎᔾᔪᑎᒃᓴᖏᑦ ᐊᒻᒪᓗ ᐊᑦᑕᑕᕈᑎᒃᓴᐃᑦ ᐅᖓᓯᒃᑐᒥᒃ ᖃᕆᑕᐅᔭᒃᑯᑦ ᐱᓗᐊᖅᑐᒥᒃ ᐅᓇᑕᖅᑐᒃᓴᖏᓐᓄᑦ)
• ᑐᖓᕕᕐᔪᐊᒃᓴᐃᑦ ᐅᑎᒧᑦ ᑭᖑᐱᐊᖅᑐᖅᑐᔮᖅᐳᑦ ᓯᕗᒃᑲᑕᐃᓇᓱᖕᓂᖏᓐᓂ ᐅᓗᕆᐊᓇᕈᑕᐅᔪᓄᑦ ᖃᓄᐃᓕᐅᕈᑎᒃᓴᕆᓇᓱᒃᑕᖏᓐᓂ ᐅᑭᐅᖅᑕᖅᑐᓂᖓᓄᑦ, ᓯᕗᓪᓕᐅᕙᒌᕋᓱᐊᕆᐊᖃᖅᑎᓪᓗᒋᑦ ᐱᓂᕐᓗᒃᑕᐅᑎᑦᑎᑕᐃᓕᒪᔭᕆᐊᖃᕐᓂᕐᒥᓂᒃ (ᓲᕐᓗ ᖃᓄᐃᓕᐅᕆᐊᓕᓵᕐᓂᖏᓐᓂᒃ ᑦᓴᐃᓇᒥᐅᑕᐃᑦ ᐅᑭᐅᖅᑕᖅᑐᖅᐸᓯᖕᒧᑦ ᐊᑐᐊᒐᓕᐊᕆᓚᐅᖅᑕᖏᓐᓂᒃ ᓴᕿᑎᑕᐅᓚᐅᖅᑐᓂᒃ ᐃᓱᖅᐸᓯᖓᓂ ᔭᓄᐊᕆᑉ 2018-ᖑᑎᓪᓗᒍ)

ᐃᑲᔪᕐᓂᖃᕈᓐᓇᕐᓂᖏᑦ ᐅᑭᐅᖅᑕᖅᑐᒥ ᐅᒥᐊᕐᔪᐊᑦ ᓂᐅᕐᕈᐊᖃᖅᑐᑦ

• ᑲᓇᑕ ᑕᐅᑐᒐᖃᖏᓗᐊᖅᑐᖅ ᑐᑭᓯᓇᑦᑎᐊᕆᐊᖃᖅᑐᔮᖅᑐᓂᒃ ᖃᓄᖅ ᐊᐅᓚᑦᑎᕙᖕᓂᐊᕐᒪᖓᑕ ᐊᒻᒪᓗ ᐃᑲᔫᓯᐊᖅᑖᕈᓐᓇᕐᒪᖓᑕ ᐅᒥᐊᕐᔪᐊᓂᒃ ᓂᐅᕐᕈᐊᓂᒃ ᐅᓯᔪᓂᒃ ᐅᑭᐅᖅᑕᖅᑐᕐᒥᐊᕈᔾᔨᕙᒃᑐᓂᒃ
• ᑲᓇᑕᒧᑦ ᐃᒪᖁᑎᒋᔭᐅᓂᖏᑦ ᐊᖅᑯᓯᕆᐊᑉ (ᓄᓇᕐᔪᑉ ᐊᑭᐊᓄᑦ) ᐅᑭᐅᖅᑕᖅᑐᖅᐸᓯᒃᑯᑦ ᐃᑳᕆᐊᖅᑐᕐᕕᐅᕙᒃᑎᑐᒍᑦ ᐃᒪᖓ ᐃᓱᒪᒋᔭᐅᔭᕆᐊᖃᖅᐳᖅ
• ᐅᒥᐊᕐᔪᐊᒃᑰᕐᕕᐅᔪᓐᓇᕐᓂᖏᓐᓂᒃ ᒪᑐᐃᖓᑎᑦᑎᓗᑎᒃ 9-ᓂᒃ ᑕᕿᓂᒃ ᐊᕐᕋᒍᒥᒃ, ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᐳᑦ
• ᑮᓇᐅᔭᒃᓴᓂᒃᑕᐅᓯᒪᓂᖏᑦ ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᐅᕈᑎᒃᓴᐃᑦ ᐱᐅᓯᒋᐊᖅᑕᐅᓗᑎᒃ
• ᐊᒥᓱᐊᓘᖕᒪᑕ ᓄᓇᖃᖅᑐᑐᖃᐃᑦ ᓂᐅᕐᕈᑎᒃᓴᖃᖅᐸᒃᑐᑦ ᕿᓯᖕᓂᒃ ᓴᓇᓯᒪᔪᓂᒃ, ᓂᐅᕕᐊᒃᓴᐅᑦᑕᐃᓕᒪᑎᑕᐅᔪᓂᒃ ᐊᒥᐊᓕᑲᒥᐅᑦ ᓄᓇᖏᓐᓂ (ᓲᕐᓗ ᐆᒃᑑᑎᒋᓗᒍ, ᓄᓇᓕᖕᒥᐅᑦ ᐃᑲᔪᖅᑕᐅᔪᓐᓇᖏᑦᑐᑦ ᑕᒪᒃᑯᓄᖓ ᓂᐅᕐᕈᐊᖃᖅᑐᓄᑦ ᐅᒥᐊᕐᔪᐊᒃᑰᕐᕕᐅᓂᖏᓐᓄ)
• ᐸᕐᓇᑕᐅᓯᒪᑦᑎᐊᒃᑲᓐᓂᕆᐊᖃᖅᑐᑦ ᐃᓂᒃᓴᓂᒃᑕᐅᓯᒪᑦᑎᐊᕈᓐᓇᖅᑐᑦ ᐊᖏᔪᑏᑦ ᓂᐅᕐᕈᐊᕐᓄᑦ ᐅᒥᐊᕐᔪᐊᑦ, ᓲᕐᓗ ᒪᑯᓂᐊ ᐆᒃᑑᑎᒋᓗᒍ: ^{ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 3}
  • ᐅᒥᐊᕐᔪᐊᑦ ᐳᓚᖃᑎᑦ ᑲᒻᐸᓂᐅᔪᑦ ᓈᒪᔪᓂᒃ ᖃᐅᔨᑎᑦᑎᕙᒌᖃᑦᑕᖏᒻᒪᑕ ᓄᓇᓕᖕᓄᑦ ᐸᕐᓇᒃᓯᒪᔪᓐᓇᕐᓂᖏᓐᓄᑦ ᓂᐅᕐᕈᑎᑕᐅᓂᐊᓕᖅᑐᓄᑦ ᐅᒥᐊᕐᔪᐊᖏᓐᓂᒃ
  • ᐊᑕᐅᓯᕐᒥᓗᓐᓃᑦ ᐆᒃᑑᑎᒋᓗᒍ, ᐳᓚᕋᑦᑐᑦ ᓂᐅᕐᕈᐊᑦ ᐊᖏᔪᐊᓗᖕᒥᒃ ᓂᕆᑎᑕᐅᓚᐅᖅᑐᑦ ᐊᑐᐃᓐᓇᐅᔪᓂᒃ ᓄᓇᓕᖕᓄᑦ
  • ᑕᐅᑐᕋᓈᖅᑕᐅᔪᒃᓴᐃᑦ ᐃᓄᐃᑦ ᑎᑭᑎᑕᐅᔭᕆᐊᖃᓲᖑᕗᑦ ᐊᓯᖏᓂᖓᖅᑐᑦ ᓄᓇᓕᖕᓂ ᖃᖓᑕᓱᒃᑯᑦ
• ᓄᓇᓖᑦ ᔪᑳᓐᒥ ᑳᑐᕋᔅᓯᒥ ᐃᑲᔪᖅᓱᖅᑕᐅᓯᒪᑦᑎᐊᖅᑐᑦ ᐅᒥᐊᕐᔪᐊᕐᓄᑦ ᓂᐅᕐᕈᐊᓕᖕᓄᑦ ᐱᑕᖃᖅᑎᑕᐅᓂᖏᓐᓄᑦ ᓄᓇᓕᖓᑕ ᕿᑎᒻᒪᕆᖓᓂ ᐃᓄᒋᐊᒡᕕᖕᓂ ᓇᖕᒥᓂᖅ ᐱᓕᕆᕕᖃᖅᑎᑕᐅᓪᓗᑎᒃ

ᐅᒥᐊᕐᔪᐊᒃᑯᑦ ᐅᓯᑲᑦᑕᕐᓂᖅ ᐱᔭᐅᔪᒪᓇᔭᖅᑐᑦ ᐅᑭᐅᖅᑕᖅᑐᒥ

• ᐊᒥᓱᑦ ᐃᓚᐅᔪᒪᔪᑦ ᐱᓕᕆᔨᐅᔪᑦ ᐅᖃᐅᓯᖃᖅᓯᒪᔪᑦᐅᓯᔭᐅᔪᓐᓇᕐᓂᖏᓐᓂᒃ ᐱᓕᕆᔪᒪᔪᑦ ᐊᔪᕐᓇᖅᑐᒃᑰᖃᑦᑕᖅᓯᒪᓂᕐᒥᓂᒃ ᓴᓇᔭᐅᔪᓐᓇᕐᓂᖏᓐᓄᑦ ᑕᒪᒃᑭᖅᑐᓂᒃ ᐊᑐᒐᒃᓴᐃᑦ ᐊᑐᐊᒐᐃᑦ ᐱᑕᖃᖏᓂᖏᓐᓄᑦ
  • ᐃᓚᐅᓚᐅᕐᒥᔪᖅ ᐃᓄᒃ ᐊᑐᓕᖁᔭᓕᐅᓚᐅᖅᐳᖅ ᐃᓄᐃᑦ ᑲᑐᔾᔨᖃᑎᒌᖓᓂᒃ ᓇᐅᑦᑎᖅᑐᐃᔨᐅᖃᑕᖁᔨᓗᓂ ᓄᓇᕐᔪᐊᓕᒫᒥ ᑕᕆᐅᕐᒧᑦ ᐃᒪᓕᕆᓂᕐᒧᑦ ᑲᑐᔾᔨᖃᑎᒌᔪᐊᕐᓂᒃ
• ᐊᖏᕈᑏᑦ ᐃᓛᓐᓂᒃᑯᑦ ᓴᓇᔭᐅᕙᖕᒪᑕ ᑐᑭᓯᓂᐊᕈᑕᐅᓯᒪᖏᑦᑎᐊᖅᓱᑎᒃ, ᑕᐃᒪᐃᓂᖓᓄᓪᓗ ᐱᐅᖏᑦᑐᒥᒃ ᐊᒃᑐᖅᓯᓯᒪᓕᖅᐸᒃᑐᑦ ᐅᒥᐊᕐᔪᐊᓕᕆᓂᕐᒥᒃ ᓴᓈᖃᖅᑐᓂᒃ, ᓲᕐᓗ ᑕᐃᒃᑯᓂᖓ ᑲᓇᑕᒥ-ᔪᐊᕆᑉᒥᐅᑕᓂᒡᓗ ᑕᐱᕇᖕᓂᖏᓐᓄᑦ ᑕᒪᒃᑭᖅᑐᓂᒃ ᑮᓈᐅᔭᓕᐅᕈᑎᒃᓴᓄᑦ ᐊᒻᒪᓗ ᓂᐅᕈᑎᒃᓴᖃᕈᓐᓇᕐᓂᖏᓐᓄᑦ ᐊᖏᕈᑎᓕᐅᕆᔭᐅᓯᒪᔪᓂᒃ

ᐅᑭᐅᖅᑕᖅᑐᒥ ᑕᐅᑐᒐᕆᔭᐅᓂᖏᑦ ᑮᓇᐅᔭᓕᐅᕈᑎᒃᓴᓄᒃ ᐱᕙᓪᓕᐊᔾᔪᑎᒃᓴᓄᑦ

• ᓴᖏᓂᖅᓴᓂᒃ ᐃᑲᔪᖅᓱᖅᑕᐅᔭᕆᐊᖃᖅᐳᑦ ᑲᓇᑕᒥᐅᑦ ᐅᑭᐅᖅᑕᖅᑐᖅᐸᓯᖕᒥ ᐳᓚᕋᑦᑐᓕᕆᓂᕐᒧᑦ ᓴᓈᕆᔭᐅᕙᖕᓂᖏᑦ, ᒫᓐᓇᐅᔪᕐᓕ ᓂᒋᐊᓂ ᐅᑭᐅᖅᑕᖅᑐᖅᐸᓯᐅᓂᕐᒦᑦᑐᑦ ᐊᖏᓂᖅᓴᒻᒪᕆᖕᓂᒃ ᐳᓚᕋᑦᑐᓕᕆᓂᕐᒧᑦ ᓴᓈᒃᓴᖃᐅᕐᒪᑕ ᓴᓂᐊᓂ ᑲᓇᑕᐅᑉ ᐅᑭᐅᖅᑕᖅᑐᑐᖅᐸᓯᐊᓂᖓᓂᒃ ^{ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 4}
• ᐱᕕᒃᓴᖃᖅᐳᖅ ᓴᕿᑎᑦᑎᔪᓐᓇᕐᓂᖅ ᐱᓕᕆᕕᖕᒥᒃ ᐱᐅᓂᐹᖑᔪᓐᓇᖅᑐᓂᒃ ᓄᓇᖃᖅᑐᑐᖃᐃᑦ ᖃᐅᔨᒪᔭᑐᖃᕆᔭᖏᓐᓂᒃ ᐅᑭᐅᖅᑕᖅᑐᒥ ᐱᑕᖃᕈᓐᓇᕐᓂᖅ