ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓᑕ ᑲᑎᒪᔪᓂᑦ ᐅᓂᒃᑳᖓ: ᒐᕙᒪᐅᓐᖏᑦᑐᑦ ᑲᑐᔾᔨᖃᑎᑦ, ᐋᑐᕚ, ᕕᕝᕗᐊᕆ 7, 2018

ᐅᑯᐊ ᓇᖕᒥᓂᖅ ᐅᖃᐅᓯᖅᑎᒃ ᐊᒻᒪᓗ ᑕᐅᑦᑐᕆᔭᖏᑦ ᑎᑎᕋᖅᓯᒪᔪᑦ ᐅᓂᒃᑳᒥ ᑎᑎᕋᖅᑕᐅᔪᑦ ᓯᑐᓛᑐᔅ / BDO ᐅᖃᐅᓯᕆᓯᒪᓐᖏᑕᖏᑦ ᐅᒡᕙᓘᓐᓃᑦ ᑕᐅᑦᑐᕆᓐᖏᑕᖏᑦ ᑲᓇᑕᐅᑉ ᒐᕙᒪᒃᑯᑦ

ᐱᔾᔪᑎᖓ: ᖃᐅᔨᒪᑎᑦᑎᓂᖅ ᐱᕙᓪᓕᐊᑎᑕᐅᓂᖓᓂᒃ ᓄᑖᖅ ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓ (ᐊᕙᓗᒃᓴᖓ) ᖃᐅᔨᓂᐊᕐᒪᑕ ᐱᔪᒪᔭᖏᓐᓂᒃ, ᓯᕗᓪᓕᐅᑎᖁᔭᖏᓐᓂᒃ ᐊᒻᒪᓗ ᖃᓄᖅ ᐋᕿᒃᑕᐅᖁᔭᖏᓐᓂᒃ ᐱᓇᓱᐊᖃᑎᒋᔭᖏᑦᑕ ᐊᒻᒪᓗ ᑎᒍᒥᐊᖅᑎᖏᑕ; ᐊᒻᒪᓗ ᓇᓗᓇᐃᕐᓗᒋᑦ ᑲᑐᑎᔭᐆᔪᓐᓇᖅᑐᑦ ᑎᑭᐅᑎᓂᐊᕐᒪᑕ ᐱᔪᒪᔭᒥᖕᓄᑦ ᑐᕌᖅᑕᒥᖕᓄᑦ.

ᑲᑎᒪᖃᑕᐅᔪᑦ:
ᑭᒡᒐᖅᑐᑎᑦ ᓄᓇᒥᐅᑕᓕᕆᔪᑦ, ᑐᑭᓕᐅᕆᔨᐅᔪᑦ ᐊᒻᒪᓗ ᐃᓕᑦᑎᔾᔪᑕᐅᓂᐊᖅᑐᓄᑦ ᖃᐅᔨᓴᐃᓂᒻᒪᕆᑦ ᓇᑭᑐᐃᓐᓇᖅ ᑲᓇᑕᒥ ᐃᓚᐅᓚᐅᖅᑐᑦ ᑲᑎᒪᔪᓂ, ᑖᒃᑯᐊᓗ ᑭᒡᒐᖅᑐᑎᑦ ᐊᕙᓗᒃᓴᖓᓄᑦ ᐱᕙᓪᓕᐊᑎᓯᖃᑎᒌᑦ ᐱᓇᓱᐊᖃᑎᒌᒃᑐᑦ. ᓴᐳᓐᓂᐊᖅᑕᐅᖁᓪᓗᒋᑦ ᐸᒡᕕᓴᒃᑕᐅᔭᕆᐊᖃᖏᓂᖏᑦ ᐃᓚᐅᖃᑕᐅᓚᐅᖅᑐᑦ, ᐊᑎᖏᑦ ᐃᓄᐃᑦ ᑎᑎᕋᐅᓯᕆᓯᒪᓐᖏᓚᑦ, ᑭᓯᐊᓂᒃ ᑕᐃᑯᓇᓂ ᐊᐱᕆᔭᐅᓪᓗᑎᒃ ᐊᖏᖅᓯᒪᔪᓂᒃ ᐅᖃᐅᓯᕆᓚᐅᖅᑕᖏᓐᓂᒃ ᐊᑐᕈᓐᓇᖅᑎᑦᑎᓚᐅᖅᑐᑦ.

ᐅᓂᒃᑳᓕᐊᑉ ᒥᒃᓵᓄᑦ:

ᓴᓇᔭᐅᓂᖏᓐᓂᒃ ᐅᓂᒃᑳᓕᐊᑦ ᑲᑎᖅᓱᖅᑕᐅᓚᐅᖅᑐᑦ ᐅᖃᐅᓯᐅᕙᓚᐅᖅᓂᒃᑦ ᑲᑎᒪᔪᓂᑦ ᐃᓚᒋᔭᐅᓚᐅᖅᑐᓂᒃ ᒪᑯᓂᖓ 6-ᖑᔪᓂᒃ ᐱᔾᔪᑎᖃᖅᑐᓂᒃ ᑐᑭᓯᓂᐊᖅᑎᑕᐅᓪᓗᑎᒃ:

  1. ᐊᑕᖏᖅᓯᒪᓪᓗᒋᑦ ᐅᑭᐅᖅᑕᖅᑐᕐᒥ ᓇᑉᐸᕆᐊᓕᑦ ᐱᑕᖃᕆᐊᓖᑦ
  2. ᐅᑭᐅᖅᑕᖅᑐᖅ ᐱᒡᒐᙱᑦᑎᐊᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ
  3. ᖅᑐᓂᒃ ᑲᔪᓯᑏᓐᓇᒐᒃᓴᐅᔪᓂᒡ ᐊᔾᔨᒌᙱᓐᓂᖃᕈᓘᔭᖅᑐᓂᒡᓗ ᒪᑭᒪᔾᔪᑎᖃᕐᓂᖓ
  4. ᐅᑭᐅᖅᑕᖅᕐᒥ ᖃᐅᔨᓴᕐᑎᒻᒪᕇᑦ ᐊᒻᒪ ᓄᓇᖃᖅᑳᖅᑐᑦ ᖃᐅᔨᒪᔭᑐᖃᖏᑦ
  5. ᓴᐳᔾᔨᓯᒪᔭᖃᕐᓂᖅ ᐊᕙᑎᒋᔭᕐᒥᒃ ᐱᒻᒪᑐᒃᓯᑦᑎᐊᕐᓂᕐᓗ ᐅᑭᐅᖅᑕᖅᑑᑉ ᐆᒪᕕᐅᔪᓂᑦ ᐊᔾᔨᒌᙱᑦᑑᓂᕆᔭᖓᓂᒃ
  6. ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᓪᓚᐅᓯᐅᔪᑦ ᐅᖃᐅᓯᒃᓴᖃᓕᖅᑎᑦᑎᓇᓲᑎᓂᒃ ᐊᐱᖅᑯᓯᖃᖅᖢᑎᒃ, ᑖᒃᑯᐊᓗ ᒥᑭᔪᓂᒃ ᐊᑖᒍᑦ ᑎᑎᕋᐅᓯᕆᓯᒪᓪᓗᑎᒃ. ᐃᖕᒥᒃᑯᑦ ᓂᓪᓕᖅᐸᒃᑐᐃᓐᓇᐅᓚᐅᖅᑑᒐᓗᐊᑦ, ᑭᓯᐊᓂ ᐃᓛᓐᓂᑦ ᑕᒪᒃᑭᕐᓂᕋᖅᓯᒪᕙᒃᖢᑎᒃ.

ᑐᓴᖅᑕᐅᔪᑦ ᓄᐊᑕᐅᔪᑦ ᑕᒪᑐᒪᓐᖓᑦ ᑲᑎᒪᓂᕐᒥᑦ ᐊᑐᖅᑕᐅᓂᐊᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᑐᖓᕕᒃᓴᕆᔭᐅᔪᓐᓇᕐᓂᐊᖅᑐᓂᒃ ᐊᕙᓗᒃᓴᖓᓄᑦ, ᑕᐃᒃᑯᓂᖓᓗ ᐃᓚᖃᕐᓗᑎᒃ ᐊᓯᖏᓐᓂᒃᑕᐅᖅ ᑲᑎᖅᓱᖅᑕᐅᓯᒪᖕᒥᔪᓂᒃ ᑲᓇᑕᓕᒫᒥ ᐊᕕᒃᑐᖅᓯᒪᓂᖏᓐᓂᓗ ᐊᒥᓱᓄᑦ-ᐃᑎᒍᒥᐊᖅᑎᐅᔪᓄᑦ ᐊᒃᑐᖅᑕᐅᓯᒪᔪᓐᓇᖅᑐᓄᑦᑕᐅᖅ ᐅᖃᐅᓯᐅᑎᑕᐅᓯᒪᖕᒥᔪᓂᒃ ᐊᒻᒪᓗ ᑲᔪᓰᓐᓇᖅᑐᒥᒃ ᐃᓚᐅᑕᐅᖃᑦᑕᕐᓂᖏᓐᓄᑦ ᓄᓇᖃᖅᑐᑐᖃᐃᑦ ᒐᕙᒪᒋᔭᖏᑦ ᐊᒻᒪᓗ ᑭᒡᒐᖅᑐᐃᔨᖏᑦ ᐊᒻᒪᓗ ᐅᑭᐅᖅᑕᖅᑐᖅᐸᓯᐅᑉ ᐊᕕᒃᑐᖅᓯᒪᓂᖏᓐᓂ ᑲᓇᑕᐅᓪᓗ ᐊᕕᒃᑐᖅᓯᓂᖏᓐᓂ ᒐᕙᒪᒋᔭᐅᔪᓄᑦ ᓇᖕᒥᓂᖅ ᐃᓚᒋᔭᐅᕋᑦᑕᖅᓯᒪᔪᓂᒃ ᐱᕙᓪᓕᐊᑎᑦᑎᖃᑎᒌᒐᓱᐊᖅᑎᐅᔪᓄᑦ ᑲᒪᒋᔭᐅᕙᓪᓕᐊᓂᖓᓄᑦ.

ᑐᓴᖅᑕᐅᖁᔭᐅᔪᓂᑦ ᑐᖓᕕᒃᓴᓕᕆᓂᖏᓐᓄᑦ ᐊᕙᓗᒃᓴᖓᓂᒃ

ᑐᑭᑖᕆᔭᐅᓚᐅᖅᑐᑦ ᐊᒻᒪᓗ ᑐᓴᖅᑕᐅᔪ ᑖᒃᑯᐊᑦᑕᐃᓐᓇᐅᓚᐅᕐᒪᑕ ᐅᖃᐅᓯᐅᔪᑦ ᐅᓪᓗᓕᒫᖅ ᐊᒻᒪᓗ ᑖᓐᓇᑕᐃᓐᓇᖅ ᐊᔾᔨᒌᓐᖏᑦᑐᓄᑦ ᑐᑭᓕᐅᕈᑕᕙᒡᖢᓂ ᐅᑯᐊ ᐊᑖᓂ ᑎᑎᕋᖅᓯᒪᕗᑦ, ᐱᒻᒪᕆᐅᓂᖅᓴᖅᑕᖃᕋᓂ ᓇᓕᐊᖕᓂᒃ.

"ᓇᓗᓇᐃᖅᓯᔭᕆᐊᖃᖅᑐᒍᑦ ᑐᐊᕕᕐᓇᖅᑐᑕᖃᕐᓂᖓᓄᑦ ᑕᑯᔭᔅᓴᐅᔪᓂᑦ ᐊᓯᔾᔨᖅᑐᓂᑦ ᓴᖅᑭᖅᑎᑕᐅᕙᓪᓕᐊᑎᓪᓗᒍ ᐅᑭᐅᑕᖅᑐᒥ ᐊᑐᐊᒐᖅ ᓴᓇᓯᒪᓂᖓ." – Hᐃᐊᓐᕆᐊᑕ ᑖᒻᓴᓐ KAIROS ᑲᓇᑕ

ᒪᒃᑭᖅᓯᒪᑦᑎᐊᖅᑐᓂᒃ ᐅᑭᐅᖅᑕᖅᑐᒥ ᓇᑉᐸᕆᐊᓕ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᑭᓲᕙᑦ ᐱᕐᔪᐊᖑᔪᑦ ᓇᑉᐸᕆᐊᓕᑦ ᐊᑐᖅᑕᐅᔭᕆᐊᓖᑦ ᓯᕗᓪᓕᐅᔾᔭᐅᔭᕆᐊᓖᑦ ᐅᑭᐅᖅᑕᖅᑐᕐᒧᑦ?
  2. ᑭᓱᓪᓚᕆᑦ ᐱᕕᖃᕐᑎᑦᑎᔾᔪᑕᐅᕙ ᐱᓇᓱᐊᖃᑎᒌᓄᑦ ᐊᒻᒪᓗ ᖃᓄᐃᓕᐅᖃᑎᒌᒍᓯᐅᔪᓐᓇᖅᑐᑦ ᐆᒃᑐᖅᑕᐅᓪᓗᐊᖅᐸᑦ ᕿᓂᖅᑕᐅᓗᑎᒃ?

ᐱᓕᕆᑎᑦᑎᓂᖅ ᐃᓅᖃᑎᒌᓐᓂᕐᒧᑦ ᓇᑉᐸᕆᐊᓕᓂᑦ

  • ᐱᓕᕆᑎᑦᑎᓂᖅ ᐃᓅᖃᑎᒌᓐᓂᕐᒧᑦ ᓇᑉᐸᕆᐊᓕᓂᑦ ᐱᖃᓯᐅᔾᔨᔭᕆᐊᓕᒃ ᐱᓕᕆᑎᑦᑎᔪᓐᓇᖅᑐᓂᑦ ᑮᓇᐅᔭᓕᕆᓂᕐᒧᑦ ᓇᑉᐸᕆᐊᓕᓄᑦ
  • ᐱᓕᕆᑎᑦᑎᓂᖅ ᐱᔭᐅᔭᕆᐊᖃᖅᑐᖅ ᓄᓇᖃᖅᑳᖅᓯᒪᔪᓄᑦ ᐱᓐᖑᐊᕐᕕᓄᑦ ᐊᑐᖅᑕᐅᔪᓐᓇᕐᓗᑎᓪᓗ ᐃᑲᔪᖅᑐᐃᓗᓂ ᖃᓄᐃᖏᑎᐊᓂᕐᒧᑦ ᐊᒻᒪ ᐱᖅᑯᓯᓄᑦ ᖃᓄᐃᓘᖅᓱᑕᐅᔪᓂᑦ (ᓲᕐᓗ ᕿᓚᐅᔾᔭᖅᑐᑦ ᑖᓂᓯᖅᑐᑦ)
    • ᐃᓱᒪᒋᔭᐅᔭᕆᐊᖃᕐᒥᔪᑦ ᐱᓕᕆᑎᑦᑎᓗᓂ ᐊᐅᓚᓂᖃᑦᑎᐊᓂᖅᓴᓂᑦ ᐆᓇᖅᑐᓂᑦ ᐊᒻᒪ ᖃᐅᒪᖃᓂᕐᒧᑦ, ᐊᑎᓪᓕᒋᐊᖅᑕᐅᓗᑎ ᐊᐅᓚᔾᔪᑎᖏᓐᓄᑦ ᐊᑭᖏᑦ
    • ᓄᓇᒦᖔᖅᓯᒪᔪᑦ ᐊᐅᓚᔪᓐᓇᐅᑏᑦ ᐊᑦᑎᓪᓕᒋᐊᖅᑎᑎᖏᑐᐃᓐᓇᕆᐊᓖᑦ ᐊᑭᖏᑦ (ᓲᕐᓗ ᓯᕿᓂᕐᒧᑦ ᐆᒻᒪᖅᑯᑎᓕᐅᕈᑏᑦ ᐋᖅᑭᑕᐅᓐᓂᕈᑎ ᐱᓐᖑᐊᕐᕕᒧᑦ, ᐊᑐᓗᐊᖏᓐᓂᖃᓕᖅᑐᓂ ᐊᐅᔭᒃᑯᑦ ᐊᒻᒪ ᐊᑐᓗᐊᕐᓂᖃᓕᖅᑐᓂ ᐅᑭᐅᒃᑯᑦ)
  • ᐃᓕᓐᓂᐊᕐᑦ ᐊᑐᖅᑕᐅᔭᕆᐊᑦ ᐱᓐᖑᐊᓂᕐᒧᑦ ᐊᑐᖅᑕᐅᓗᑎ "ᐃᓕᓐᓂᐊᕐᓇᐅᔭᖅᑎᓪᓗᒍ"
  • ᐱᓕᕆᑎᑦᑎᓂᖅ ᐱᔭᐅᔭᕆᐊᓕᒃ ᐱᖅᑯᓯᓄᑦ ᓈᒻᒪᑦᑐᓄᑦ ᐋᓐᓂᐊᕕᓐᓂᑦ
  • ᑮᓇᐅᔭᖅᑐᓗᐊᖏᑦᑐᓂ ᐃᓪᓗᓕᕆᓂᖅ ᓈᒻᒪᑦᑐᓂᑦ ᐅᑭᐅᑕᖅᑐᒧᑦ ᐊᕙᑎᖓᓄᑦ ᓯᕗᓪᓕᐸᐅᔭᐅᔭᕆᐊᓕᒃ

"ᓇᓗᓇᐃᖅᑕᐅᓯᒪᒻᒪᑕ ᐃᓄᐃᑦ ᐱᒃᑯᒋᔭᖏᑦ ᐊᒻᒪ ᐅᑉᐱᕆᔭᖏᑦ ᐃᓱᒪᒋᔭᐅᓯᐅᔾᔭᐅᖃᑕᐅᔭᕆᐊᓖᑦ ᐱᓕᕆᖃᑎᖃᖅᑎᓪᓗᒋᑦ ᓄᓇᓕᓐᓂᑦ ᐊᒻᒪ ᓴᓇᓂᕐᒥᑦ ᓇᑉᐸᕆᐊᓕᓇᑉᐸᕆᐊᓕᖕᓂᒃ." – ᑎᐊᐳᕋ ᑕᒍᓐᓈᖅ, KAIROS ᑲᓇᑕ

ᐊᓯᖏᑦ ᓇᑉᐸᕆᐊᓕᑦ ᐱᔭᐅᔭᕆᐊᓖᑦ

  • ᐅᑭᐅᑕᖅᑐᒥᐅᑕᐃᑦ ᐱᔪᒥᓇᖏᑦᑐᒦᑦᑐᑦ ᐊᑦᑎᑦᑐᒥᑦ ᖃᕋᓴᐅᔭᒃᑯᑦ ᓯᓚᐃᓐᓇᒃᑯᑦ ᐊᐅᓪᓚᑎᑦᑎᓂᕐᒥᑦ, ᐆᑦᑑᑎᒋᓗᒍ, ᐅᑭᐅᑕᖅᑐᒥᐅᑕᐃᑦ ᖃᕋᔭᐅᒃᑯᑦ ᐱᒍᓐᓇᕋᔪᓲᖑᖏᑦᑐᑦ ᑎᑎᕋᖅᓯᒪᔪᓂᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᐱᕙᓪᓕᐊᓂᖏᓐᓄᑦ
    • ᐊᑐᐊᒐᓕᐅᖅᑏᑦ ᐅᔾᔨᓱᖅᑎᑕᐅᔭᕆᐊᓖᑦ ᐃᖅᑲᓇᐃᔭᐅᑎᓂᑦ ᐊᓯᔾᔨᐸᓪᓕᐊᔪᓂᑦ ᐱᓕᕆᑎᑦᑎᓇᓱᐊᖅᑎᓪᓗᒋᑦ ᓱᑲᓐᓂᖓ ᐱᐅᓯᑎᒋᐊᖅᑕᐅᓗᓂ
  • ᓇᓗᓇᐃᖅᓯᒪᑦᑎᐊᖅᑐᑦ, ᐱᔭᔅᓴᐅᓂᖏᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᑕᖃᕆᐊᖃᖅᑐᑦ ᓄᓇᓕᒻᒧᑦ ᐊᐅᓚᑕᐅᔪᓄᑦ ᐱᓕᕆᑎᑦᑎᓂᕐᒧᑦ ᓄᓇᒦᖔᖅᑐᓂᑦ ᐊᐅᓚᔪᓐᓇᐅᑎᓂᑦ  ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 1
  • ᓇᑉᐸᕆᐊᓕᑦ ᐅᑭᐅᑕᖅᑐᒥ ᐃᓱᒪᒋᔭᐅᔪᑦ (ᓲᕐᓗ ᓯᑯᖓ, ᐃᓪᓗᕋᓛᑦ, ᐊᑐᕆᐊᑦ, ᐊᓯᖏᓪᓗ.) ᐱᖃᓯᐅᔾᔭᐅᓯᒪᒋᐊᖃᖅᑐᑎᑦ
  • ᐱᓕᕆᑎᑦᑎᓂᖅ ᐱᑕᖃᕆᐊᖃᖅᑐᖅ ᑐᐊᕕᕐᓇᖅᑐᓕᕆᓂᕐᒧᑦ ᐱᔪᓐᓇᕐᓂᖏᓐᓄᑦ ᐊᒻᒪ ᑕᒻᒪᕇᒃᑯᑎᒐᓚᐃᑦ ᐊᒻᒪ ᑐᑭᓯᒋᐊᕈᑏᑦ ᓄᐊᑕᐅᓂᖏᓐᓄᑦ ᐊᒻᒪ ᖃᐅᔨᓴᐃᓂᕐᒧᑦ (ᓲᕐᓗ ᑐᑭᓯᔭᐅᑦᑎᐊᓂᖅᓴᐅᓗᑎ ᓯᑯᐃᑦ ᐃᔾᔪᓂᖏᑦ, ᐃᖅᑲᖓᓄᑦ ᓄᓇᖑᐊᑦ, ᐱᖃᓗᔭᐃᑦ ᐊᑦᑕᓇᕈᓐᓇᖅᑐᑦ, ᐊᓯᖏᓪᓗ) ᐃᑲᔪᕐᓗᓂ "ᑐᐊᕕᕐᓇᑐᓂᑦ" ᓴᖅᑭᖅᑐᖁᓇᒍ
  • ᐃᓕᓐᓂᐊᕐᓂᓕᕆᓂᖅ, ᐃᓕᓐᓂᐊᑎᑦᑎᓂᖅ ᐊᒻᒪ ᖃᐅᔨᓴᓂᕐᒧᑦ ᐱᓕᕆᔾᔪᑏᑦ ᑐᑭᒧᐊᖅᑎᑕᐅᔭᕆᐊᓖᑦ ᐊᒻᒪ ᐱᖃᓯᐅᔾᔭᐅᓯᒪᓗᓂ ᐅᑭᐅᑕᖅᑐᒥᐅᑕᒥᑦ ᐊᒻᒪᓴ ᓄᓇᖃᖅᑳᖅᓯᒪᔪᓂᑦ ᐃᓱᒪᒋᔭᐅᔪᓂᑦ
  • ᐅᑭᐅᑕᖅᑐᒥ ᐃᓕᓐᓂᐊᓂᕐᒧᑦ ᐃᓕᓐᓂᐊᕐᕕᐅᔪᑦ ᐱᓇᓱᐊᖅᑎᑕᐅᒐᔪᖏᑦᑐᑦ ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ
  • ᐃᓕᓐᓂᐊᕐᓂᓕᕆᓂᖅ ᐃᑲᔪᖅᓯᒍᓐᓇᖅᑐᖅ ᐱᔪᓐᓇᕐᓂᖃᓕᓂᕐᒧᑦ ᓇᒻᒥᓂᖅ−ᐊᐅᓚᓂᕐᒧᑦ
  • ᓇᓗᓇᐃᖅᓯᒪᓴᑦᑎᐊᖅᑐᖅ ᑕᑯᓐᓇᖅᑕᐅᔪᖅ ᓴᖅᑭᖅᑎᑕᐅᔭᕆᐊᓕᒃ ᐃᓕᓐᓂᐊᕆᐊᒃᑲᓂᖅᐸᑦᑐᓄᑦ ᐅᑭᐅᑕᖅᑐᒥᑦ
  • ᑮᓇᐅᔭᖃᖅᑎᑕᐅᓂᖅ ᐱᖃᓯᐅᔾᔨᔭᕆᐊᓕᒃ ᐃᓕᓐᓂᐊᑎᑦᑎᓂᕐᒧᑦ ᓇᑉᐸᕆᐊᓕᑦ ᐊᐅᓚᓂᖏᓐᓄᑦ ᐊᒻᒪ ᒪᑭᒪᑎᑕᐅᓂᖏᓐᓄᑦ

"ᓯᓚᒃᑯᑦ ᖃᕋᓴᐅᔭᒃᑯᑦ ᐊᐅᓪᓚᑎᑦᑎᓂᖅ ᐃᓚᒋᔭᐅᔪᖅ ᐅᓪᓗᒥᒨᖓᔪᓂᑦ ᓯᓚᕐᔪᐊᒥᑦ ᐃᓱᒪᒋᔭᐅᓪᓗᐊᑕᖅᑐᓂᑦ" – ᑎᒻ ᓯᑕᐃᔪ, ᑲᓇᑕᒥ ᓄᓇᓖᑦ ᑲᑐᔾᔨᖃᑎᒌᖏᑦ

ᖃᒧᖓᔪᓐᓇᕐᓂᖓ ᒫᓐᓇᐅᔪᒥᑦ ᓇᑉᐸᕆᐊᓕᓄᑦ ᑮᓇᐅᔭᖃᖅᑎᑕᐅᓂᕐᒧᑦ

  • ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᑦ ᓇᓗᓇᐃᖅᓯᒪᑦᑎᐊᕆᐊᓖᑦ ᐊᒻᒪ ᐅᖃᓕᒫᔅᒐᓇᖏᓪᓗᑎ ᑮᓇᐅᔭᖅᑎᑕᐅᓕᕐᓗᓂ ᓄᓇᓕᓐᓄᑦ
  • ᖃᓄᖅ ᑲᓇᑕᒥ ᐅᑭᐅᑕᖅᑐᒥ ᖃᓱᖓᔪᓐᓇᕐᓂᖓ ᑲᓇᑕᒥ ᓇᑉᐸᕆᐊᓕᓄᑦ ᐱᓕᕆᑎᑦᑎᓂᕐᒧᑦ ᐸᕐᓇᐅᑦ (ᓲᕐᓗ ᓯᓚᑦᑎᐊᕙᖃᓂᕐᒧᑦ, ᐃᓄᒋᐊᑦᑐᑎᓂᑦ ᐊᒻᒪ ᐅᑭᐅᑕᖅᑐᒥ ᓄᓇᓖᑦ ᑮᓇᐅᔭᖃᖅᑎᑕᐅᓂᖏᑦ) ᐱᓕᕆᔭᖃᕐᓗᑎ ᓇᑉᐸᕆᐊᓕᓄᑦ ᐊᒥᒐᕈᑎᐅᔪᑦ ᐅᑭᐅᑕᖅᑐᒥᑦ?
  • ᓇᒻᒥᓂᖃᖅᑎᐅᔪᓄᑦ ᐱᓕᕆᑎᑕᐅᓂᖏᑦ ᖃᓱᖓᑎᑕᐅᔭᕆᐊᓖᑦ ᐃᑲᔫᑎᖃᓂᐊᕐᓗᑎ ᐅᑭᐅᑕᖅᑐᒥᐅᑕᓄᑦ
    • ᑕᒪᓐᓇ ᐱᓕᕆᐊᖑᔪᓐᓇᕐᒥᔪᖅ ᑖᒃᓯᓂᑦ ᓄᐊᑦᑎᓗᑎ ᓇᒻᒥᓂᖃᖅᑎᐅᔪᓂᑦ ᐱᓕᕆᓂᖃᖅᑐᓂᑦ
  • ᖃᓄᖅ ᐊᑐᐊᒐᖅ ᐃᑲᔪᕈᓐᓇᖅᑲ ᖃᓱᖓᑎᑦᑎᓂᕐᒥᑦ ᑲᓇᑕᐅᑉ ᓯᓚᑖᓃᖔᖅᑐᓂᑦ ᐱᓕᕆᑎᑦᑎᔪᙵᓂᑦ ᑎᑭᑦᑎᓂᐊᕐᓗᑎ ᐅᑭᐅᑕᖅᑐᒥᑦ ᐱᔪᒪᔭᐅᔪᓂᑦ?

ᓇᑉᐸᕆᐊᓕᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᖃᓄᐃᓕᖓᓂᕆᔭᖏᑦ

  • ᓇᑉᐸᕆᐊᓕᑦ ᐊᑐᓕᕈᓐᓇᖅᑐᑦ ᓯᓚᖓᓄᑦ ᐊᓯᔾᔨᐸᓪᓕᐊᔪᒧᑦ ᐋᖅᑭᔅᓯᒪᓂᕆᔭᕆᐊᖃᖅᑕᖓ ᐃᓱᒪᓕᐅᓂᕐᒧᑦ ᓇᓪᓕᐊ ᓇᑉᐸᕆᐊᓕᓄᑦ ᑮᓇᐅᔭᖃᖅᑎᑕᐅᓂᖓᓄᑦ

ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᓯᕗᓪᓕᕐᒥ ᖃᓄᐃᓕᐅᓗᐊᕆᐊᖃᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᓄᓇᓖᑦ ᖃᓄᖏᑦᑐᓐᓇᖅᓯᔪᓐᓇᕐᓂᐊᕐᒪᑕ?
  2. ᖃᓄᐃᑦᑐᓂᒃ ᐱᕕᒃᓴᖃᕈᓐᓇᖅᐸᑦ ᐃᓚᒌᓕᕐᕕᐅᔪᓐᓇᖅᑐᓂᒃ ᑕᒪᐃᓐᓄᓪᓗ ᑲᑐᔾᔨᖃᑎᒌᒡᕕᐅᓕᕈᓐᓇᖅᑐᓂᒃ?

ᑎᑭᑦᑎᓂᖅ ᐱᔭᐅᔭᕆᐊᖃᑐᐃᓐᓇᖅᑐᓂᑦ

  • ᐊᒥᓱᑦ ᐃᓚᐅᖃᑕᐅᔪᑦ ᐊᖏᓚᐅᖅᑐᑦ ᐱᔭᐅᔭᕆᐊᖃᑐᐃᓐᓇᖅᑐᑦ ᓯᕗᓪᓕᖅᐸᐅᔭᕆᐊᓖᑦ ᑎᑭᑕᐅᓗᑎ, ᓇᓗᓇᐃᔭᖅᓯᒪᔪᓂᑦ ᓯᓚᕐᔪᐊᒥᑦ ᑲᑐᔾᔨᖃᑎᒌᕐᔪᐊᓂᑦ ᓇᓗᓇᐃᖅᑕᐅᓂᖓ ᐱᔪᓐᓇᐅᑎᖏᑦ ᓄᓇᖃᖅᑳᖅᓯᒪᔪᑦ (UNDRIP); ᑖᓐᓇ ᐊᑐᖅᑕᐃᓐᓇᐅᔪᖅ ᐃᓱᒪᒋᔭᐅᔪᓄᑦ ᐅᖃᐅᓯᐅᕙᓪᓕᐊᔪᓄᑦ
  • ᑐᐊᕕᕐᓚᖅᑐᒥᑦ ᐱᓕᕆᐊᖑᔭᕆᐊᖃᓕᖅᑐᖅ ᐊᔪᓴᕐᓂᐅᔪᖅ ᓯᕗᒧᒋᐊᓚᐅᖏᓂᑦᑎᓐᓂᑦ ᐊᓯᖏᓐᓂᑦ (ᓲᕐᓗ ᐊᑭᑐᓂᖓ ᐃᓅᓇᓱᐊᓂᕐᒧᑦ ᐱᖃᓯᐅᑎᓪᓗᓂ ᓂᕿᑦ, ᐃᖏᕋᓂᕐᒧᑦ ᐊᒻᒪ ᐃᓪᓗᑭᔅᓴᕐᓂᐅᔪᓄᑦ, ᐋᓐᓂᐊᕕᑦᑕᖃᖏᓗᐊᕐᓂᖏᓐᓄᑦ, ᐊᓯᖏᓪᓗ.)
    • ᒐᕙᒪᑐᖃᒃᑯᑦ ᖃᐅᔨᒋᐊᕐᕕᖃᒃᑲᓐᓂᕆᐊᓖᑦ ᐅᑭᐅᑕᖅᑐᒧᑦ ᓂᕿᑦᑎᐊᕙᓕᕆᓂᕐᒧᑦ ᐱᓕᕆᐊᒥᑦ, ᐃᑲᔪᖅᑐᐃᔪᑦ ᐊᖏᓂᖅᓴᒥᑦ ᐱᓕᕆᓂᖃᖅᑎᑕᐅᓪᓗᑎ ᓂᕿᖃᖅᑎᑦᑎᓂᕐᒧᑦ ᐅᑭᐅᑕᖅᑐᒥᑦ
    • ᐱᔭᔅᓴᐅᓂᖏᑦ ᐃᓄᐃᑦ ᓂᕿᖏᑦ ᐅᑭᐅᑕᖅᑐᒥᑦ ᐃᑲᔪᓱᖅᑕᐅᔭᕆᐊᓖᑦ
    • ᐱᓕᕆᑎᑦᑎᓂᐅᔪᑦ ᐱᔭᐅᔭᕆᐊᖃᖅᑐᑦ ᐱᖅᑯᓯᓄᑦ ᓈᒻᒪᑦᑐᓂᑦ ᒪᒥᓴᓂᕐᒧᑦ ᐊᒻᒪ ᓂᐊᖁᓕᕆᓂᕐᒧᑦ ᐱᔨᑦᑎᕋᐅᑎᓂᑦ

ᐸᕐᓇᐸᓪᓕᐊᓂᖅ ᐊᒻᒪ ᑐᑭᓯᐅᒪᓂᖅ ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᕕᔅᓴᐅᔪᓂᑦ

  • ᑐᑭᓯᐅᒪᑦᑎᐊᓂᖅᓴᐅᓗᓂ ᖃᓄᖅ ᐅᔭᕋᓐᓂᐊᕐᓂᐅᔪᖅ ᐃᑲᔪᕐᑎᖃᖅᓯᒪᒻᒪᖔᖅ ᐊᒻᒪ ᐊᑦᑐᖅᑕᐅᔪᓂᑦ ᓄᓇᓕᓐᓂᑦ ᐅᑭᐅᑕᖅᑐᒥᑦ ᐱᑕᖃᕆᐊᖃᖅᑐᑦ
  • ᑮᓇᐅᔭᖃᖅᑎᑕᐅᓂᐅᔪᖅ ᐃᑲᔪᖅᑐᐃᔭᕆᐊᓕᒃ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᑲᑎᒪᑎᑦᑎᑎᓂᐅᔪᓄᑦ ᐊᒻᒪ ᕿᒥᕐᕈᓗᒋᑦ/ᖃᐅᔨᓴᕐᓗᒋᑦ ᐃᓚᒍᑕᖏᒃ ᐱᑕᖃᖅᑎᑕᐅᔪᑦ ᓄᓇᓕᓐᓄᑦ
    • ᖁᕝᕙᕆᐊᖅᑕᐅᓂᖓ ᑲᓱᖅᓯᒪᓂᖓ ᐊᒻᒪ ᐊᑦᑎᓐᓕᒋᐊᖅᑐᑦ ᐃᖏᕋᔾ)ᔪᑎᓄᑦ ᐃᑲᔪᖅᑐᐃᒍᓐᓇᕐᒥᔪᑦ ᑕᒪᑐᒥᖓ

ᐃᓕᓐᓂᐊᕐᓂᓕᕆᓂᖅ ᐊᒻᒪ ᐃᓕᓐᓂᐊᑎᑦᑎᓂᖅ

  • ᐃᓕᓐᓂᐊᕐᓂᓕᕆᓂᖅ ᐊᒻᒪ ᐃᓕᓐᓂᐊᑎᑦᑎᓂᖅ ᐃᓚᓕᐅᔾᔨᔭᕆᐊᓕᒃ ᐅᑭᐅᑕᖅᑐᒧᑦ ᐱᖅᑯᓯᓄᑦ ᐊᒻᒪ ᐱᖅᑯᓯᑐᖃᕐᓄᑦ ᐊᒻᒪ ᐱᓕᕆᐊᖑᓗᑎᑦ ᐅᑭᐅᑕᖅᑐᒥᐅᑕᓄᑦ
  • ᐆᑦᑑᑎᒋᓗᒍ, ᑲᖏᖅᑐᒑᐱᒻᒥ ᐱᖅᑯᓯᓄᑦ ᐃᓕᓐᓂᐊᕐᕕᖃᖅᑐᖅ ᐊᑐᖅᑕᐅᔪᓐᓇᐅᔪᓐᓇᖅᑐᖅ ᒪᓕᒐᔅᓴᐅᓗᓂ
  • ᐱᓕᕆᑎᑦᑎᔪᖃᕈᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ, ᑕᑯᔅᓴᐅᑎᑦᑎᔭᕆᐊᓕᒃ ᐅᑭᐅᑕᖅᑐᒥᑦ ᐃᖅᑲᓇᐃᔮᔅᓴᓂᑦ

ᐊᐳᕈᑎᐅᔪᑦ ᐱᔭᔅᓴᐅᓂᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᓂᕿᖏᑦ

  • ᑕᒻᒪᖅᓯᒪᔪᓂᑦ ᐃᓱᒪᒋᔭᐅᔪᖃᖅᑐᖅ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᓂᕿᖏᑦ ᐱᔭᔅᓴᐅᓂᖏᓐᓄᑦ, ᐊᔾᔨᒋᖏᑕᖓ ᐱᓪᓚᕆᐅᔪᒥᑦ, ᐆᑦᑑᑎᒋᓗᒍ:
    • ᖃᐅᔨᓴᕐᓂᑕᖃᖅᓯᒪᔪᖅ ᓇᓗᓇᐃᖅᓯᔪᓂᑦ ᖃᑦᑏᓐᓇᕈᖅᐸᓪᓕᐊᓂᖏᓐᓄᑦ ᓄᓇᖃᖅᑳᓯᒪᔪᓄᑦ ᓂᕿᖏᓐᓂᑦ (ᓲᕐᓗ ᑐᑦᑐᐃᑦ, ᐃᖃᓗᐃᑦ)
    • ᐊᕙᑎᖓᓄᑦ ᐊᓯᔾᔨᖅᑐᑦ ᐊᖑᓇᓱᑦᑎᓂᑦ ᐅᖓᓯᓐᓂᓴᖅᒨᕆᐊᖃᓕᐸᑦᑐᑦ ᐊᒻᒪ ᓄᓇᓕᖏᓐᓂᑦ ᐅᖓᓯᓐᓂᖅᓴᓄᑦᑦ
    • ᐊᓯᔾᔨᖃᑦᑕᕈᓐᓇᖅᑐᑦ ᓄᓇᖃᖅᑳᖅᓯᒪᔪᓄᑦ ᓂᕿᖏᑦ ᐊᑐᐃᓐᓇᐅᓂᖏᓐᓄᑦ ᐊᕐᕌᒍᒥᑦ ᐊᕐᕌᒍᒧᑦ
    • ᐃᓚᖏᑦ ᒪᒃᑯᑦᑐᐃᑦ ᐃᓕᓐᓂᐊᓚᐅᖅᓯᒪᖏᑦᑐᑦ ᑐᑦᑐᒐᓱᐊᓂᕐᒥᑦ ᐊᖑᓇᓱᑦᑕᐅᒋᐊᖃᖏᓐᓂᖏᓐᓄᑦ
    • ᐊᑭᑐᓂᖓ ᐃᓅᓇᓱᐊᓂᕐᒧᑦ ᓴᖅᑭᑎᑦᑎᔪᓐᓇᖅᑐᖅ ᒫᓐᓇᐅᔪᒥᑦ ᑲᔪᖏᖅᓯᒪᓗᓂ ᑮᓇᐅᔭᑎᒍᑦ ᐊᑭᓖᔪᓂᑦ ᐃᖅᑲᓇᐃᔮᓂᑦ ᐊᖑᓇᓱᖏᖔᖅᑐᑎᑦ
    • ᐃᓚᖏᑦ ᐊᑐᐊᒐᐃᑦ ᑭᓪᓕᖃᖅᑎᑦᑎᔪᑦ ᓂᐅᕕᐊᔅᓴᖃᕐᓗᓂ ᓄᓇᖃᖅᑳᖅᓯᒪᔪᓄᑦ ᓂᕿᓂᑦ ᐊᒪ ᐊᓐᓄᕌᖏᓐᓄᑦ ᓄᓇᕗᑦ ᓯᓚᑖᓄᑦ ᐊᕕᑦᑐᖅᓯᒪᔪᓄᓪᓘᓐᓃᑦ ᑲᓇᑕᒥ
  • ᐱᔭᔅᓴᐅᓂᖏᑦ ᓄᓇᖃᖅᑳᖅᓯᒪᔪᓄᑦ ᓂᖀᑦ ᐅᑭᐅᑕᖅᑐᒥᑦ ᐊᑦᑐᐊᓂᖃᖅᑐᖅ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᐅᑭᐅᑕᖅᑐᒥᑦ ᓄᓇᓖᑦ ᓴᖅᑭᑎᑦᑎᔪᓐᓇᖏᑦᑐᑦ ᐅᖓᓯᑦᑐᒥᑦ (ᓲᕐᓗ ᐅᑭᐅᑕᖅᑐᒥᐅᑕᐃᑦ ᑕᐅᖅᓰᖃᑎᖃᕆᐊᓖᑦ ᐃᓗᐊᓂ ᓯᓚᑖᓂᓗ ᑲᓇᑕᒥ, ᐱᓕᕆᐊᓕᐅᕐᓗᑎ ᐱᓕᕆᖃᑎᒌᑦᑎᐊᓂᒃᑯᑦ ᒐᕙᒪᐅᔪᓂᑦ)
    • ᑕᐅᖅᓰᑎᑦᑎᓂᕐᒧᑦ ᑐᑭᓯᔭᐅᒃᑲᓂᕐᓂᖏᓐᓄᑦ ᐱᑕᖃᕆᐊᓕᒃ ᑐᑭᓯᓂᐊᕐᓗᒋᑦ ᐊᑦᑐᐃᓂᖃᕐᓂᖏᑦ ᑕᐅᖅᓰᓂᕐᒧᑦ ᐊᖏᕈᑎᓂᑦ
  • ᑐᔅᓯᐊᕐᕕᓕᕆᔩᑦ ᐃᖅᑲᓇᐃᔭᖃᑎᖃᖅᑐᑦ ᐅᑭᐅᑕᖅᑐᒥᐅᑕᓂᑦ ᐃᓕᓴᕆᔭᐅᓗᓂ ᓄᓇᖃᖅᑳᖅᓯᒪᔪᓄᑦ ᑕᕐᓂᓕᕆᓂᖓ ᐊᒻᒪ ᐱᓕᕆᐊᖑᓗᓂ ᓯᓚᐅᑉ ᐊᓯᔾᔨᕐᓂᖓᓄᑦ ᑐᐊᕕᕐᓇᖅᑐᑦ
    • ᐃᓄᐃᑦ ᐃᓱᒫᓗᑦᑐᑦ ᓯᓚᐅᑉ ᐊᓯᔾᔨᕐᓂᖓ ᐊᑦᑐᐃᓂᖃᖅᑎᑦᑎᔪᖅ ᓂᐊᖁᓕᕆᓂᕐᒧᑦ ᐊᒪ ᑎᒥᒧᑦ ᖃᓄᐃᖏᑎᐊᕐᓂᖓᓄᑦ ᐊᑦᑐᖅᑕᐅᔪᓂᑦ (ᓲᕐᓗ ᐊᓯᔾᔨᖅᑐᓂᑦ ᓄᓇᒦᖔᖅᑐᓂᑦ ᓂᕆᔭᐅᕙᑦᑐᓂᑦ)
  • ᓴᓇᓯᒪᓂᕆᔭᖓ ᐱᕈᕐᕕᒋᒋᐊᖃᖅᑕᖓ ᐊᖅᒪ ᐃᑲᔪᕐᓗᓂ ᒫᓐᓇᐅᔪᒥᑦ ᐱᓕᕆᐊᓂᑦ ᐊᒻᒪ ᐊᑐᐊᒐᕐᓂᑦ (ᓲᕐᓗ ᒐᕙᒪᑐᖃᒃᑯᑦ ᐊᑐᐊᒐᖓ ᖃᓄᐃᓘᖅᑎᑦᑎᓂᕐᒧᑦ ᓄᓇᖃᖅᑳᖅᓯᒪᔪᓂᑦ ᐃᓚᒍᑕᖓ)
  • ᐱᓕᕆᐊᖅ ᐋᖅᑭᔅᑎᒪᓂᖓ ᑐᓐᖓᕕᖃᕆᐊᓕᒃ ᐅᑭᐅᑕᖅᑐᒥᐊᓄᑦ ᑐᑭᖓ ᖃᓄᐃᖏᑎᐊᓂᕐᒧᑦ ᐊᒻᒪ ᑐᓐᖓᕕᖃᖏᓪᓗᑎ ᐱᕙᓪᓕᐊᑎᑦᑎᓂᕐᒧᑦ ᑐᕌᒐᐅᔪᓂᑦ ᐊᒻᒪ ᐊᓯᖏᓐᓂᒃ ᑲᓇᑕᒥ/ᓯᓚᕐᔪᐊᒥᑦ ᓴᓇᓯᒪᓂᖏᓐᓄᑦ

ᓴᖏᔫᓂᖅ, ᑲᔪᓯᑏᓐᓇᒐᒃᓴᐃᑦ ᐊᒻᒪᓗ ᐊᔾᔨᒋᖏᑑᑕᐅᓂᖏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ

ᐅᖃᐅᓯᐅᔪᓂᑦ ᐊᐱᖅᑯᑏᑦ:

  1. ᖃᓄᐃᓘᕈᓐᓇᖅᑲᑦ ᓯᕗᕙᕆᐊᖅᑕᐅᓗᓂ ᒪᑭᑕᑎᑕᔅᓴᐅᔪᒥᑦ ᐱᕙᓪᓕᐊᑎᑦᑎᓂᕐᒥᑦ, ᐱᕈᖅᑎᓪᓗᒋᑦ ᒥᑭᔪᓂᑦ−ᑎᑭᓪᓗᒍ−ᕿᑎᕋᖅᑐᓄᑦ ᐅᑭᐅᑕᖅᑐᒥᑦ ᓇᒻᒥᓂᕆᔭᐅᔪᑦ, ᐊᒻᒪ ᓯᐊᒻᒪᕐᓗᒍ ᐅᑭᐅᑕᖅᑐᒥ ᑮᓇᐅᔭᓕᕆᓂᖓ?
  2. ᖃᓄᐃᓕᓯᒍᓐᓇᖅᑲᑦ ᐱᔪᓐᓇᕐᓂᖃᓕᖅᑎᑦᑎᓗᑎ/ᖃᐅᔨᒪᓂᐅᔪᓂᑦ ᐊᒻᒪ ᐃᓚᐅᖃᑕᐅᓂᖅᓴᐅᓗᑎ ᐅᑭᐅᑕᖅᑐᒥᐅᑕᐃᑦ ᐅᑭᐅᑕᖅᑐᒥᑦ ᑮᓇᐅᔭᓕᕆᓂᐅᔪᓂᑦ?
  3. ᖃᓄᐃᑦᑑᕙᑦ ᓇᓗᓇᐃᖅᓯᒪᔪᓄᑦ ᐱᕕᔅᓴᐅᔪᑦ ᐱᓕᕆᖃᑎᒌᓐᓂᕐᒧᑦ ᐊᒻᒪ ᖃᓄᐃᓕᓯᒋᐊᖃᑎᒌᓐᓂᕐᒧᑦ ᕿᒥᕐᕈᔭᐅᔭᕆᐊᖃᖅᑲᑦ?

ᐅᑭᐅᑕᖅᑐᒥᑦ ᑮᓇᐅᔭᓕᕆᓂᐅᔪᑦ

  • ᒪᕐᕉᔫᕐ ᑮᓇᐅᔭᓕᕆᓂᐅᔪᑦ ᐅᑭᐅᑕᖅᑐᒥᑦ ᐃᑲᔪᖅᓱᖅᑕᐅᒋᐊᓖᑦ: ᑮᓇᐅᔭᑎᒍᑦ ᐊᒻᒪ ᓄᓇᒨᖓᔪᓂᑦ
    • ᐃᑲᔫᑎᐅᔪᑦ ᓄᓇᒦᖔᖅᑐᓂᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐃᑲᔫᑏᑦ ᐃᑲᔪᖅᑐᐃᔪᑦ ᓄᓇᒦᖔᖅᑐᓄᑦ (ᓲᕐᓗ ᐱᑦᑯᓰᑦ) ᑮᓇᐅᔭᓕᕆᓂᕐᒧᑦ ᐃᓱᒪᒋᔭᐅᔭᕆᐊᓖᑦ
  • ᐊᑐᐊᒐᐃᑦ ᑭᓪᓕᖃᖅᑎᑦᑎᔪᑦ ᓄᓇᒦᖔᖓᔪᓄᑦ ᑭᓇᐅᔭᓕᕆᓂᕐᒥᑦ (ᓲᕐᓗ ᐊᖑᓇᓱᓐᓂᖅ, ᓴᓇᔭᐅᓯᒪᔪᑦ ᓴᓇᐅᒐᐃᓪᓗ, ᐊᓐᓄᕌᑦ, ᐊᓯᖏᓪᓗ.) ᑕᒪᒃᑭᓐᓂ ᐃᓗᐊᓂ ᐅᑭᐅᑕᖅᑐᒥ ᐊᒻᒪ ᐊᐅᓚᖅᑎᑕᐅᓂᖏᓐᓄᑦ ᓯᓚᑖᓄᑦ ᐅᑭᐅᑕᖅᑐᒥᑦ ᐊᑦᑎᓪᓕᒋᐊᖅᑕᐅᔭᕆᐊᓕᒃ ᐅᕝᕙᓘᓐᓃᑦ ᐲᖅᑕᐅᓗᓄᓂᓘᓐᓃᑦ
    • ᐊᑕᐅᓯᖅ ᐃᓚᐅᖃᑕᐅᔪᖅ ᐅᖃᐅᔾᔨᒋᐊᓚᐅᖅᑐᖅ ᐅᑉᐱᕆᔭᖃᖏᓐᓂᐅᖑᔪᖅ ᐆᒐᕐᓂᑦ ᖃᑦᑏᓐᓇᕈᖅᐸᓪᓕᐊᓂᖏᓐᓄᑦ ᑲᑕᒍᑎᖃᖅᑎᑦᑎᓚᐅᖅᑐᖅ
    • ᐊᓯᐊ ᐃᓚᐅᖃᑕᐅᔪᖅ ᑭᐅᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᖃᐅᔨᑎᑦᑎᒍᓐᓇᖅᑐᑦ ᐊᑐᖅᑕᐅᔪᓂᑦ ᑐᑦᑐᐃᑦ ᐊᐅᓚᑕᐅᓂᖏᓐᓄᑦ
  • ᖃᓄᕐᓕ ᑖᓐᓇ "ᐃᓅᖃᑎᒌᓐᓂᕐᒧᑦ ᐃᑲᔫᑎᑦ" ᑮᓇᐅᔭᓕᕆᓂᕐᒧᑦ (ᓲᕐᓗ ᑮᓇᐅᔭᓕᐅᕋᓱᐊᖏᑦᑐᑦ) ᐃᑲᔪᕐᓂᖃᖅᑲ ᐅᑭᐅᑕᖅᑐᒧᑦ ᑮᓇᐅᔭᓕᕆᓂᖓᓄᑦ ᐊᒻᒪ ᖃᓄᖅ "ᐃᑲᔫᑎᖃᕐᓂᖏᑦ" ᑐᑭᖃᖅᑲ ᐅᑭᐅᑕᖅᑐᒧᑦ?

ᐃᓕᓐᓂᐊᕐᓂᓕᕆᓂᖅ

  • ᐃᓕᓐᓂᐊᕐᓂᓕᕆᓂᖅ ᐃᑲᔪᖅᑐᐃᔪᖅ ᓄᓇᒦᑦᑐᓂᑦ ᑮᓇᐅᔭᓕᕆᓂᕐᒥᑦ, ᓲᕐᓗ ᑮᓇᐅᔾᔭᔅᓴᒋᐊᖃᕐᓂᖅ ᖃᒧᑕᐅᔭᖅᑖᕐᓗᓂ ᐊᒻᒪ ᐊᓯᖏᓐᓂᑦ ᓱᓇᒃᑯᑖᓂᑦ
  • ᐃᓕᓐᓂᐊᕐᓂᓕᕆᓂᕐᒧᑦ ᐃᓕᓐᓂᐊᕋᔅᓴᐃᑦ ᐃᑉᐱᒍᓱᓐᓂᖃᑦᑎᐊᕆᐊᓖᑦ ᐊᔾᔨᒌᖏᑦᑐᓂᑦ ᐃᓕᓐᓂᐊᑎᑦᑎᔾᔪᑎᓂᑦ ᐊᒻᒪ ᐱᖅᑯᓯᓄᑦ ᐊᔾᔨᒌᖏᓐᓂᖏᑦ
    • ᐆᑦᑑᑎᒋᓗᒍᒍ, ᐊᕐᓇᐃᑦ ᐱᑦᑎᐊᓂᖅᓴᐅᕙᑦᑐᑦ ᐊᖑᑏᑦ ᓴᓂᐊᓂ ᐃᓕᓐᓂᐊᓂᕐᒥᑦ ᐱᔾᔪᑎᒋᓪᓗᒍ ᖃᕋᓴᐅᔭᒃᑯᑦ ᐃᓕᓐᓂᐊᓂᕐᒥᑦ ᐊᒥᓲᓂᖅᓴᓂᑦ ᐃᓕᓐᓂᐊᕋᔅᓴᖃᖅᑎᑦᑎᔪᖅ ᓴᓇᐊᓂ ᐃᓕᓐᓂᐊᖏᖔᖅᑐᓂ ᖃᓄᐃᓘᖅᑕᖓᓄᑦ
  • ᐃᓕᓐᓂᐊᕐᓂᓕᕆᓂᖅ ᑐᕋᕆᐊᓕᒃ ᐅᑭᐅᑕᖅᑐᒥᐅᑕᓄᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᓄᓇᓕᒻᒧᑦ ᐃᓂᐅᔪᓄᑦ; ᒫᓐᓇᐅᔪᒥᑦ ᐊᒥᓱᑦ ᐃᓐᓄᑦᑕᐅᓯᒪᔪᑦ ᖃᓪᓗᓈᑦ ᓄᓇᖏᓐᓂᕐᒥᐅᑕᓄᑦ ᐊᒻᒪ ᐃᓚᒋᐊᕐᓗᒍ, ᐅᑭᐅᑕᖅᑐᒥᐅᑕᐃᑦ ᐃᓕᓐᓂᐊᕐᓂᖃᕆᐊᓖᑦ ᖃᓪᓗᓈᑦ ᓄᓇᖏᓐᓂᑦ ᐱᔪᓐᓇᖅᑎᑕᐅᓗᑎ ᐅᑭᐅᑕᖅᑐᒥ ᓄᓇᓕᒻᒥᑦ ᐃᓂᐅᔪᓂᑦ

ᖃᐅᔨᓴᖅᑕᐅᓂᖓ ᑮᓇᐅᔭᓕᕆᓂᕐᒧᑦ ᐱᕈᕐᓂᖓ

  • ᖃᐅᔨᓴᖅᑕᐅᓂᖓ ᑮᓇᐅᔭᓕᕆᓂᕐᒧᑦ ᐱᕈᕐᓂᖓ ᐃᓱᒪᒋᔭᖃᕆᐊᓕᒃ ᐊᓯᐊᒎᕈᑎᔅᓴᐃᑦ ᐃᓅᖃᑎᒌᓐᓂᕐᒧᑦ, ᐃᓄᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ ᐊᒻᒪ/ᐅᕝᕙᓘᓐᓃᑦ ᐊᕙᑎᓕᕆᓂᕐᒧᑦ ᐊᖏᔪᓄᑦ ᖃᓄᐃᓕᓯᒋᐊᕈᑏᑦ

ᐱᕈᖅᐸᓪᓕᐊᓂᖅ ᒫᓐᓇᐅᔪᒥᑦ ᓴᖏᓂᐅᔪᓂᑦ

  • ᐱᕕᔅᓴᑕᖃᖅᑐᖅ ᖃᓱᖓᑎᑕᐅᓂᖏᓐᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᒥᓱᒐᓚᓐᓂᑦ ᐱᓕᕆᖃᑎᒌᑦᑐᓂᑦ
    • ᐆᑦᑑᑎᒋᓗᒍ, ᐅᐱᒋᒍᒃ ᓄᓇᕗᑦ ᐱᓕᕆᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᖏᓐᓂᑦ ᐊᒻᒪ ᒐᕙᒪᑐᖃᒃᑯᓐᓂᑦ, ᐃᓕᓐᓂᐊᑎᑦᑎᕙᑦᑐᑦ, ᐃᓕᓐᓂᐊᑎᑦᑎᓂᕐᒥᑦ ᐊᒻᒪ ᐊᓯᖏᓐᓂᑦ ᐃᑲᔪᖅᑐᐃᔪᓂᑦ ᓄᓇᕗᒻᒥ ᒪᒃᑯᑦᑐᓂᑦ ᐱᓕᕆᔨᐅᔪᒪᔪᓄᑦ
  • ᐊᑕᐅᓯᖅ ᐃᓚᐅᑕᐅᔪᖅ ᐅᖃᐅᓯᕆ<ᐅᖅᑕᖏᑦ ᐊᑐᓚᐅᖅᓯᒪᔭᖏᑦ ᐱᕈᖅᐸᓕᐊᓪᓗᓂ ᖁᑦᑎᑦᑐᒥ ᐅᑭᐅᑕᖅᑐᒥᑦ, ᑕᑯᔅᓴᐅᓇᓚᐅᖅᑐᖅ:
    • ᐅᑉᐱᕆᔭᐅᓂᖏᑦ ᓄᓇᓖᑦ ᐃᑲᔪᖃᑦᑕᐅᑎᓂᖏᓐᓄᑦ
    • ᐃᓅᒍᓐᓇᕐᓗᓂ ᓄᓇᐃᓐᓇᕐᒥᑦ
    • ᐅᑉᐱᕆᔭᐅᓂᖏᑦ ᐊᔅᓱᕈᖅᑐᑎ ᐃᖅᑲᓇᐃᔭᕐᓂᖏᑦ (ᓲᕐᓗ ᒪᑭᔅᓴᕋᐃᖃᑦᑕᕐᓂᖅ, ᓯᓂᓕᖅᓴᕋᐃᖃᑦᑕᕐᓂᖅ, ᑭᒃᑯᓕᒫᑦ ᐃᓚᐅᖃᑕᐅᓪᓗᑎᑦ ᐊᒻᒪ ᐃᑲᔪᖅᑐᐃᓪᓗᑎ)

ᐊᑭᑐᓂᖓ ᐃᓅᓇᓱᐊᓂᕐᒧᑦ

  • ᐊᐅᓪᓚᑎᑦᑎᖃᑦᑕᕐᓂᐅᔪᖅ ᐱᔭᐅᔭᕆᐊᖃᖅᑐᓂᑦ ᐊᒻᒪ ᐱᔨᑦᑎᕋᐅᑎᓂᑦ ᐅᑭᐅᑕᖅᑐᒧᑦ, ᖁᕝᕙᓯᑦᑐᒻᒪᕆᒻᒥᑦ ᐊᑭᖃᕈᓐᓇᖅᑐᖅ, ᐊᑭᑐᓂᖓ ᐊᐅᓪᓚᖅᑎᑕᐅᓂᖏᓐᓄᑦ, ᐅᖅᓱᐊᓗᐃᑦ ᐊᒻᒪ ᓂᖀᑦ ᐊᑦᑎᓪᓕᒋᐊᖅᑕᐅᔭᕆᐊᓖᑦ

ᐅᑭᐅᖅᑕᖅᑐᕐᒥ ᖃᐅᔨᓴᖅᑐᓕᕆᓂᖅ ᐊᒻᒪᓗ ᓄᓇᖃᖅᑐᑐᖃᐃᑦ ᖃᐅᔨᒪᔭᑐᖃᖏᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

  • ᖃᓄᐃᓕᐅᖅᑎᐅᖃᕈᓐᓇᖅᐸ ᖃᓄᖅᑑᕈᑕᐅᔭᕆᐊᖃᖅᑐᓄᑦ ᐊᑑᑎᖃᑦᑎᐊᕐᓂᖅᓴᐅᔪᓐᓇᖅᑐᓂᒃ ᓄᓇᓕᖕᓄᑦ ᖃᐅᔨᒪᔭᐅᔭᕆᐊᖃᖅᑐᓂᒃ ᐃᑲᔫᑕᐅᔪᓐᓇᕐᓂᖅ?
  • ᖃᓄᐃᓕᐅᕈᓐᓇᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᐃᓚᐅᓂᖅᓴᐅᓕᕈᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥ ᖃᐅᔨᓴᖅᑕᐅᕙᒃᑐᑦ ᐱᔾᔪᑕᐅᓂᖏᓐᓂ ᐊᒻᒪᓗ ᐊᑐᖅᑕᐅᓂᖅᓴᐅᓕᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓱᒪᓕᐅᕈᑕᐅᔭᕆᐊᖃᖅᑐᓂ?
  • ᖃᓄᐃᑐᓪᓚᕆᖕᓂᒃ ᐱᑕᖃᖅᐸᑦ ᐱᕕᒃᓴᐅᓕᕈᓐᓇᖅᑐᓂᒃ ᐃᓚᒌᒃᓱᕐᕕᐅᓕᕈᓐᓇᖅᑐᓂᒃ ᐊᒻᒪᓗ ᑕᒪᐃᓐᓄᑦ ᑲᑐᔾᔨᖃᑎᒌᒍᑕᐅᓕᕈᓐᓇᖅᑐᑦ

ᐊᑐᖅᑕᐅᓂᖏᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᓂᐅᔪᑦ

  • ᐅᖃᖅᓯᒪᓂᖓ "ᐃᓚᓕᐅᔾᔨᒡᓂᖅ" ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᖃᐅᔨᓴᖅᑎᓄᑦ ᐊᓯᔾᔨᖅᑕᐅᔭᕆᐊᓕᒃ ᐱᒻᒪᕆᐅᑎᑦᑎᔪᓂᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᐊᔾᔨᒋᓗᓂᐅᒃ ᖃᐅᔨᓴᖅᑏᑦ ᖃᐅᔨᒪᔭᖏᓐᓄᑦ
    • ᖃᓪᓗᓈᓃᖔᖅᓯᒪᔪᑦ ᖃᐅᔨᓴᕐᓂᐅᔪᑦ ᑕᑯᓐᓇᖅᑕᐅᔪᑦ "ᑖᓐᓇᔅᓴᑐᐊᖅ" ᓈᒻᒪᑦᑐᓂ ᖃᐅᔨᓴᕐᓂᖅ
    • ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᔪᑦ ᐃᓕᓴᖅᓯᔭᕆᐊᓖᑦ ᑖᒃᑯᐊ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᑦ ᓇᓗᓇᐃᖅᑕᐅᓯᒪᓪᓗᑎ ᕼᐊᓐᓇᓚᖏᓐᓃᑦᑐᓂᑦ ᐊᕐᕌᒍᓂᑦ ᐃᓅᕕᒋᓯᒪᔭᖓᒍᑦ
  • ᑐᑭᖓ ᐱᖅᑯᓯᑐᖃᕐᓄᑦ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᐊᔾᔨᒌᖏᓐᓂᖃᖅᑐᑦ ᐊᕕᑦᑐᖅᓯᒪᓂᖏᑎᒍᑦ; ᖃᐅᔨᓴᖅᑏᑦ ᐊᒻᒪ ᒐᕙᒪᐃᑦ ᐃᓕᓴᖅᓯᔭᕆᐊᓖᑦ ᐊᒻᒪ ᐃᑉᐱᒋᐱᑦᑎᐊᕐᓗᓂᒋᑦ ᑖᒃᑯᐊ ᐊᔾᔨᒌᖏᓐᓂᖏᑦ
    • ᐅᖃᖅᓯᒪᓂᖓ "ᐱᖅᑯᓯᑐᖃᖅ" ᖃᐅᔨᒪᓂᐅᔪᖅ ᐃᓱᒪᒋᔭᐅᔪᖅ ᑭᓪᓕᖃᖅᑎᑦᑎᔪᖅ ᑕᑯᓐᓇᖅᑕᐅᓂᖓᓄᑦ ᑭᓪᓕᓯᓂᐊᖅᑕᐅᓯᒪᔪᖅ ᐊᒻᒪ ᓯᕗᒧᑦ ᑕᑯᓐᓇᕐᓇᓂ
  • ᐊᒥᓱᓂᑦ ᐊᑐᐊᒐᖅᑕᖃᖅᑐᑦ (ᓲᕐᓗ ᐅᑭᐅᑕᖅᑐᒥᑦ ᑲᑎᒪᔩᑦ) ᐃᓚᓕᐅᔾᔭᐅᓂᖏᓐᓄᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᑦ ᓄᓇᓕᒻᒧᑦ−ᐊᐅᓚᑕᐅᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᖃᐅᔨᓴᓂᕐᒧᑦ
    • ᓴᓇᓯᒪᓂᖓ ᑲᔪᖏᖅᓴᐃᒍᓐᓇᖅᑐᖅ ᐊᑐᓕᖅᑎᑕᐅᓂᖏᓐᓄᑦ ᐱᐅᓛᓂᑦ ᐊᑐᖅᑕᐅᕙᑦᑐᑦ
    • ᐆᑦᑑᑎᒋᓗᒍ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᖃᖅᐸᓪᓕᐊᔪᑦ ᐃᓚᓕᐅᔾᔭᐅᓗᓂ ᐃᓄᐃᑦ ᐱᖅᑯᓯᖓ ᐊᒪ ᖃᐅᔨᒪᔭᖏᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪ ᐊᑐᖅᑕᐅᔪᓄᑦ
  • ᐊᔭᐅᖅᓯᒋᐊᓂᕐᒧᑦ ᐃᖏᕋᔾᔪᑎᖏ ᓇᓗᓇᐃᖅᓯᔭᕆᐊᓖᑦ ᐱᐅᓛᓂᑦ ᐊᑐᖅᑕᐅᕙᑦᑐᑦ ᐊᑐᓕᖅᑎᑕᐅᔪᑦ ᐊᒻᒪ ᑲᔪᓰᓐᓇᖅᑐᒥᑦ ᐃᓕᓐᓂᐊᕐᓂᖃᓕᖅᑐᓂ/ᐊᑐᓕᕈᓐᓇᓂᕐᒧᑦ ᑖᒃᑯᓂᖓ ᐱᓇᓱᐊᖅᑕᐅᔪᓂᑦ
  • ᐱᓕᕆᑎᑦᑎᓂᖅ ᐱᑕᖃᕆᐊᖃᖅᑐᖅ ᑐᑭᓯᒋᐊᕈᑏᑦ ᑐᖅᑯᖅᑕᐅᓂᖏᓐᓄᑦ ᐊᒻᒪ ᐊᐅᓚᑕᐅᓂᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᐅᑭᐅᑕᖅᑐᒥᑦ

ᓄᓇᓕᒻᒥᑦ ᐱᖃᑕᐅᑎᑦᑎᓂᖅ ᖃᐅᔨᓴᓂᕐᒥᑦ

  • ᐅᖃᖅᓯᒪᓂᖓ "ᐃᓚᐅᖃᑕᐅᓗᑎ" ᐅᕝᕙᓘᓐᓃᑦ "ᑐᓂᓯᕕᒋᔭᖓ" ᐊᓯᔾᔨᖅᑕᐅᔭᕆᐊᓖᑦᐅᑭᐅᑕᖅᑐᒥᐅᑕᓄᑦ ᓯᕗᓕᖅᑎᑕᐅᔪᑦ ᖃᐅᔨᓴᓂᕐᒧᑦ ᐱᓕᕆᐊᑦ ᐱᓕᕆᖃᑎᒋᔭᐅᓪᓚᕆᓕᕐᓗᑎ
    • ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᖅᑕᐅᓯᒪᒋᐊᓕᒃ ᓯᓚᑦᑐᓴᕐᕕᒃᔪᐊᒥᐅᖏᑦᑐᖅ ᐃᓕᓐᓂᐊᖅᑏᑦ ᐱᓇᓱᐊᕈᓐᓇᖅᑎᑕᐅᓗᑎ
  • ᓄᓇᓕᒻᒥᑦ ᐱᖃᑕᐅᑎᑦᑎᓂᖅ ᑭᖑᓂᐊᒍᑦ ᐃᓱᒪᒋᔭᐅᒐᔪᑦᑐᖅ ᐊᖏᔪᓄᑦ ᖃᐅᔨᓴᓂᕐᒧᑦ ᑐᓂᔭᐅᔪᓄᑦ (ᓲᕐᓗ ᑮᓇᐅᔭᖃᖅᑎᑕᐅᖏᓐᓂᖓ ᓄᓇᓕᒻᒨᑲᓐᓂᕐᓗᑎ ᐱᔭᕇᖅᑦᓯᒪᓕᖅᑎᓪᓗᒍ ᖃᐅᔨᓴᕐᓂᐅᔪᖅ)
    • ᓄᓇᓖᑦ ᐱᔪᓐᓇᐅᑎᖃᕆᐊᓖᑦ ᐋᒡᒑᕈᓐᓇᕐᓗᑎ ᖃᐅᔨᓴᓂᕐᒧᑦ ᓇᓕᒧᓐᓂᖃᖏᑦᑐᓂᑦ ᓯᕗᓪᓕᐅᑎᒋᐊᓕᖏᓐᓄᑦ, ᐱᓗᐊᖅᑐᒥᑦ ᐊᑐᕈᓐᓇᕐᒪᑦ ᐊᖏᓂᖅᓴᐅᔪᒥᑦ ᓄᓇᓕᐅᔪᒧᑦ ᑲᒪᒋᔭᐅᒍᓐᓇᖅᑐᓂᑦ ᐱᖃᑕᐅᑎᑕᐅᓗᓂ
    • ᐆᑦᑑᑎᒋᓗᒍ, ᓄᓇᑦᓯᐊᕗᑦ ᒐᕙᒪᒃᑯᑦ ᑐᑭᓯᒋᐊᕈᑎᓂᑦ ᑐᓂᓯᖃᑦᑕᐅᑎᓂᕐᒧᑦ ᐊᖏᕈᑎᖃᑐᑦ ᐊᒻᒪ ᐊᖏᖅᓯᔭᕆᐊᖃᖅᑐᑎᑦ ᖃᓄᐃᑦᑐᑐᐃᓐᓇᕐᓂᑦ ᖃᐅᔨᓴᕐᓂᐅᔪᓂᑦ ᓄᓇᑦᓯᐊᕗᒻᒥ
  • ᖃᐅᔨᓴᖅᑏᑦ ᐃᓕᓯᒪᑦᑎᐊᖏᑐᐃᓐᓇᕆᐊᓖᑦ ᐱᖃᑕᐅᑎᑦᑎᓗᑎ ᐅᕝᕙᓘᓐᓃᑦ ᐃᓚᓕᐅᔾᔨᓗᑎ ᓄᓇᓕᓐᓄᑦ ᖃᐅᔨᒪᔭᐅᔪᓄᑦ
    • ᐊᑯᓂᐅᓇᖅᑐᖅ ᐱᓕᕆᖃᑎᖃᕈᓐᓇᓂᕐᒥᑦ ᓄᓇᓕᓐᓂᑦ
  • ᐆᑦᖅᑐᕋᐅᑎᑦᑎᐊᕙᐅᓛᖑᔪᖅ ᔭᐃᓐ ᒐᓛᔅᑯ ᐱᖃᓐᓇᕆᔭᐅᔪᖅ ᓄᓇᖃᖅᑳᖅᓯᒪᔪᓄᑦ ᐅᑭᐅᑕᖅᑐᒥᐅᑕᓄᑦ ᖃᐅᔨᓴᕐᓂᖃᕐᓗᓂ ᓄᓇᓕᓐᓂᑦ ᐊᒻᒪ ᓄᓇᓕᖏᓐᓄᑦ; ᐃᓕᓐᓂᐊᖅᑎᒥᓃᑦ ᒫᓐᓇ ᐊᖏᔪᖅᑕᑲᐅᑎᓂᑦ ᐃᖅᑲᓇᐃᔮᖃᓕᖅᑐᑦ
    • ᐃᖅᑲᓇᐃᔮᑖᕋᓱᐊᖅᓯᒪᔪᑦ ᕿᒪᐃᓪᓗᑎ ᐃᑲᓇᐃᔮᒥᓂᑦ ᐃᓕᓐᓂᐊᖅᑕᒥᓂ ᐱᔭᕇᓂᐊᕐᓗᓂᐅᒃ, ᐱᔾᔪᑎᒋᓕᐊᖅᑰᖅᑕᖓ ᐃᑲᔪᖅᓱᖅᑕᐅᓗᐊᕐᓂᖓᓄᑦ ᐃᖅᑲᓇᐃᔮᖏᓐᓄᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᐱᔭᐅᔭᕆᐊᖃᖅᑐᑦ (ᓲᕐᓗ ᐃᓪᓗᓕᕆᓂᖅ, ᓂᕿᓄᑦ ᐊᑦᑕᓇᐃᖅᓯᒪᓂᖅ, ᐋᓐᓂᐊᖅᑐᓕᕆᓂᖅ, ᐊᓯᖏᓪᓗ.) ᑎᑭᑕᐅᖅᑳᕆᐊᓖᑦ ᐊᒻᒪ ᓯᕗᓪᓕᐸᐅᔾᔭᐅᓗᑎ

ᓴᐳᓐᓂᐊᖅᑕᐅᓂᖓ ᐊᕙᑎ ᐊᒻᒪᓗ ᓴᐳᓐᓂᐊᖅᑕᐅᓂᖏᑦ ᐅᑭᐅᖅᑕᖅᑐᒥ ᐊᔾᔨᒌᖏᑦᑑᑏᑦ ᐆᒪᔪᐃᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

  1. ᖃᓄᖅ ᓄᓇᖃᖅᑳᖅᑐᑦ ᓄᓇᖃᖅᑎᐅᔪᓪᓗ ᖃᐅᔨᒪᓂᕆᔭᖏᑦ/ᐊᑐᖅᓯᒪᓂᑯᒋᔭᖏᓪᓗ ᐊᑐᖅᑕᐅᔪᓐᓇᖅᐸᑦ ᖃᓄᐃᓕᐅᕈᑕᐅᓕᕐᓂᐊᕐᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔾᔨᒌᙱ?
  2. ᑭᓱᓂᓪᓚᕇᑦ ᐊᑐᖅᑎᑕᐅᔪᓐᓇᖅᐸᑦ ᐱᕕᖃᕐᑎᑦᑎᔾᔪᑕᐅᔪᓐᓇᖅᐸᒃ ᐱᓕᕆᖃᑎᒌᖕᓂᐊᕐᓗᓂ ᖃᓄᐃᓕᐅᖅᑕᐅᑎᑦᑎᖃᑎᒌᖕᓂᐊᕐᓗᓂᓗ?

ᐊᑦᑐᐊᓂᖃᖅᑐᑦ ᐊᓯᖏᓐᓄᑦ ᐅᖃᐅᓯᐅᔪᓄᑦ

  • ᓂᕿᓄᑦ ᐊᑦᑕᓇᐃᖅᓯᒪᓂᖅ ᐊᒻᒪ ᓴᖏᔫᓂᖓ ᑮᓇᐅᔭᓕᕆᓂᐅᔪᑦ (ᓲᕐᓗ ᐳᓚᕋᖅᑐᓕᕆᓂᖅ) ᐊᑦᑐᐊᓂᖃᓪᓚᕆᑦᑐᑦ ᓴᐳᔾᔨᑦᑎᓂᕐᒧᑦ ᓄᓇᒥᑦ
  • ᑖᒃᑯᐊ ᑲᑎᓐᖓᓂᖃᖅᑎᑦᑎᔪᑦ ᐋᖅᑭᒍᑎᐅᔪᓂᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓴᐳᒻᒥᔭᐅᔪᓄᑦ

ᓴᐳᒻᒥᔭᐅᔪᑦ

  • ᐸᕐᓇᐃᕙᓪᓕᐊᓂᕐᒧᑦ ᐱᕙᓪᓕᐊᓂᖏᓐᓄᑦ ᓴᖅᑭᖃᑦᑕᖅᑐᑦ ᓯᓚᑖᓂ ᒐᕙᒪᑐᖃᒃᑯᑎᒍᑦ ᐱᕙᓪᓕᐊᓂᖏᑎᒍᑦ ᐃᓕᓴᕆᔭᐅᔭᕆᐊᖃᖅᑐᖅ (ᓲᕐᓗ ᐅᑭᐅᑕᖅᑐᒥ ᓄᓇᒥᑦ ᐊᑐᕐᓂᐊᓂᕐᒧᑦ ᐸᕐᓇᐅᑏᑦ, ᓄᓇᖃᖅᑳᖅᓯᒪᔪᓄᑦ ᓴᐳᒻᒥᔭᐅᔪᑦ)
  • ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᑎᔭᕆᐊᓖᑦ ᓄᓇᓕᒻᒧᑦ−ᐊᐅᓚᑕᐅᔪᒥᑦ ᖃᐅᔨᓴᓂᕐᒥᑦ ᓄᓇᖃᖅᑳᖅᓯᒪᔪᓄᑦ ᓴᐳᒻᒥᔭᐅᔪᑦ ᐊᒻᒪ ᓄᓇᓄᑦ ᐊᑐᓂᕐᒧᑦ ᐸᕐᓇᐅᑎᑎᑦ ᐱᐅᖅᓱᐊᕕᓐᓄᑦ
    • ᐆᑦᑑᑎᒋᓗᒍ, ᓄᓇᖃᖅᑳᖅᓯᒪᔪᓂᑦ ᓴᐳᒻᒥᑦᑎᔩᑦ ᐱᓕᕆᐊᖅ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓯᒪᔪᖅ ᐃᑲᔪᖅᑐᑎ ᓄᓇᖃᖅᑳᖅᓯᒪᔪᓄᑦ ᓄᓇᓕᒻᒧᑦ−ᐊᐅᓚᑕᐅᔪᒥᑦ ᖃᐅᔨᓴᓂᕐᒥᑦ ᐱᓕᕆᐊᓂᑦ

ᐱᔪᓐᓇᕐᓂᓕᐅᖅᑎᑦᑎᓂᖅ

  • ᓄᓇᖃᖅᑳᖅᓯᒪᔪᓄᑦ ᑎᒥᐅᔪᑦ ᑐᓂᓯᒍᒪᔪᑦ ᐅᑭᐅᑕᖅᑐᒥ ᑲᑎᒪᔨᖏᑦ ᖃᐅᔨᓴᖅᑕᐅᓂᖏᓐᓄᑦ, ᑭᓯᐊᓂ ᐱᔪᓐᓇᕐᓂᖃᖅᓯᒪᖏᑦᑐᑦ ᑭᐅᓂᐊᕐᓗᑎ
  • ᐱᔪᓐᓇᕐᓂᓕᐅᖅᑎᑦᑎᓂᖅ ᐅᑭᐅᑕᖅᑐᒥ ᓄᓇᓕᖏᓐᓄᑦ ᓇᓗᓇᐃᖅᑕᐅᓯᒪᒋᐊᓕᒃ ᐊᑐᐊᒐᕐᒥᑦ ᐊᒻᒪ ᐱᓕᕆᐊᓂᑦ ᐃᓱᒪᒋᔭᐅᔪᓂᑦ, ᐱᕈᖅᐸᓪᓕᐊᔪᖅ ᒫᓐᓇᐅᔪᒥᑦ ᐱᖁᑎᖏᓐᓂᑦ

ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕐᓂᓕᕆᓂᖅ ᐊᒻᒪ ᖃᐅᔨᓴᕐᓂᖅ

  • ᐃᓕᓐᓂᐊᕆᐊᒃᑲᓂᕐᕕᐅᔪᑦ ᐃᓕᓐᓂᐊᕐᕖᑦ ᐅᑭᐅᑕᖅᑐᒦᒋᐊᓖᑦ:
    • ᐃᓄᐃᑦ ᐃᓕᓐᓂᐊᕆᐊᖃᑦᑕᕆᐊᓖᑦ ᓄᓇᓕᒋᔭᖏᓐᓂᑦ ᐊᒻᒪ ᓄᓇᓕᒻᒦᖏᓐᓇᕐᓗᑎᑦ
    • ᑎᐊᒃᓯᐊᓐᑕ ᐱᓕᕆᕕᒃ ᖃᐅᔨᓴᓂᕐᒧᑦ ᐊᒻᒪ ᐃᓕᓐᓂᐊᓂᕐᒧᑦ, ᐱᓕᕆᖃᑎᒌᒍᑎᐅᔪᖅ ᓯᓚᑦᑐᓴᕐᕕᒃᔪᐊᖅ ᐃᐅᐴᑕ, ᐊᑐᐊᒐᔅᓴᑦᑎᐅᕙᐅᔪᖅ
  • ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᓕᓐᓂᐊᕐᕖᑦ ᐃᓕᓴᖅᓯᔭᕆᐊᓖᑦ (ᓲᕐᓗ ᓇᓗᓇᐃᒃᑯᑕᖅ) ᐊᔾᔨᒌᖏᑦᑐᓂᑦ ᖃᐅᔨᒪᓂᖃᖅᑐᓂᑦ ᐱᖃᓯᐅᑎᓪᓗᑎ ᐃᖅᑲᓇᐃᔭᓂᕐᒧᑦ ᐊᒻᒪ ᖃᐅᔨᓴᓂᕐᒧᑦ ᐃᓕᓐᓂᐊᓂᕐᒧᑦ
  • ᐊᕕᑦᑐᖅᓯᒪᔪᓂᑦ ᐊᒻᒪ ᐊᒥᓲᓂᖅᓴᐅᓂᖏᓐᓄᑦ ᒪᒃᑯᑦᑐᐃᑦ ᐃᓕᓴᕆᔭᐅᔭᕆᐊᓕᒃ ᐸᕐᓇᐃᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᐱᓕᕆᐊᓂᑦ
  • ᑲᑎᓐᖓᓂᖃᓗᐊᖅᐸᖏᑦᑐᑦ ᖃᐅᔨᓴᕐᓂᐅᔪᑦ ᐊᒻᒪ ᐱᓕᕆᐊᖑᔪᓂᑦ ᓄᓇᒥᑦ, ᒐᕙᒪᑐᖃᒃᑯᑦ ᑲᒪᒋᔭᕆᐊᓕᖏᑦ ᑲᑎᓐᖓᓂᖃᓗᐊᖏᓐᓂᖏᓐᓄᑦ ᐊᒻᒪᒧ ᐱᔪᓐᓇᕐᓂᓕᐅᖅᑎᑦᑎᓂᕐᒥᑦ ᐱᕕᔅᓴᐅᔪᓐᓇᖅᑐᓂᑦ ᖃᐅᔨᓴᖅᑎᓄᑦ ᐊᒻᒪ ᓄᓇᓕᓐᓄᑦ

ᓯᓚᐅᑉ ᐊᓯᔾᔨᕐᓂᖓ

  • ᖁᐊᖑᐃᓐᓇᖅᑐᖅ ᐊᐅᑉᐸᓪᓕᐊᓕᖅᑐᖅ ᐊᑐᐃᓂᖃᖅᑐᓂ ᖃᖓᑕᓲᓄᑦ ᒥᕝᕕᖏᑦ
  • ᑐᓂᓯᖃᑦᑕᐅᑎᓂᖅ ᑐᑭᓯᒋᐊᕈᑎᓂᑦ ᐊᕙᑎᓕᕆᓂᕐᒧᑦ ᐊᒻᒪ ᓯᓚᐅᑉ ᐊᓯᔾᔨᕐᓂᖓᓄᑦ ᐊᑦᑐᖅᑕᐅᔪᑦ ᖁᕝᕙᕆᐊᖅᑎᑦᑎᔪᓐᓇᖅᑐᑦ ᓄᓇᓖᑦ ᐱᔪᒪᓂᕆᔭᖏᓐᓂᑦ ᐊᒻᒪ ᐱᖃᑕᐅᑎᑕᐅᓂᖏᓐᓄᑦ

ᐊᑐᓕᖅᑎᑕᐅᓂᖓ ᓴᓇᓯᒪᓂᖓ

  • ᒐᕙᒪᓕᒫᑦ ᐃᑲᔪᖅᑐᐃᒋᐊᓖᑦ ᓴᓇᓯᒪᓂᖓᓂᑦ ᐊᔾᔨᒌᓐᓂᖃᖅᑐᓂᑦ ᐊᑐᓕᖅᑎᑕᐅᓂᖃᓂᐊᕐᖓᑦ
  • ᓴᓇᓯᒪᓂᖓ ᐋᖅᑭᔅᓱᐃᔭᕆᐊᓕᒃ ᒫᓐᓇᐅᔪᒥᑦ ᐱᓕᕆᐊᓂᑦ ᐃᑲᔪᖅᑐᕐᓗᒍ (ᓲᕐᓗ ᐊᒥᒐᓚᐃᑦ ᐱᓕᕆᐊᑦ ᐃᑲᔪᖅᑐᐃᔪᑦ ᐅᖅᓱᐊᓗᑦᑐᓗᐊᖏᑎᑦᑎᓂᕐᒥᑦ) ᐊᒻᒪ ᓴᖅᑭᖅᑎᑕᐅᒃᑲᓂᖏᓪᓗᑎᑦ ᑖᒃᑯᐊ ᐱᓇᓱᐊᖅᑕᐅᔪᑦ
  • ᑕᒪᒃᑭᓐᓄᑦ ᕿᓚᒥᐅᔪᒧᑦ ᐃᓱᒪᓂᐅᔪᖅ ᐊᒻᒪ ᐊᑯᓂᐅᔪᒧᑦ ᑕᑯᓐᓇᖅᑕᐅᔪᑦ (ᓲᕐᓗ ᐅᖓᑖᓄᑦ ᓂᕈᐊᓐᓇᐅᖃᑦᑕᑎᓪᓗᒍ) ᐱᑕᖃᕆᐊᖃᖅᑐᖅ
  • ᓴᓇᓯᒪᓂᖓ ᐊᑐᓕᕈᓐᓇᕆᐊᓕᒃ ᐱᔾᔪᑎᒋᓪᓗᒍ ᐋᖅᑭᔅᓯᒪᓂᖏᑦ ᐊᓯᔾᔨᖅᓴᕋᐃᓐᓂᖏᓐᓄᑦ
    • ᐅᖃᐅᓯᖃᓪᓗᐊᑕᕆᐊᖃᖅᑐᑦ ᐱᕙᓪᓕᐊᓂᖓᓄᑦ ᐋᖅᑭᒍᑎᐅᖏᖔᖅᑐᓂᑦ
    • ᓴᓇᓯᒪᓂᖓ ᐃᒪᐃᑦᑕᕆᐊᖃᑐᐃᓐᓇᕆᐊᓕᒃ "ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑏᑦ" ᓲᕐᓗ ᓯᑯ ᐊᐅᑉᐸᓪᓕᐊᓂᖓᓄᑦ
    • ᓴᓇᓯᒪᓂᖓ ᐃᒪᐃᑦᑕᕆᐊᖃᑐᐃᓐᓇᕆᐊᓕᒃ "ᕿᒥᕐᕈᓗᑎ ᐃᓚᒍᑕᖏᓐᓂᑦ", ᓲᕐᓗ ᖃᖓᒃᑯᑦ ᓴᓇᓯᒪᓂᖓᓄᑦ ᐱᔭᐅᔭᕆᐊᖃᖅᑐᑦ ᐊᖏᖅᑕᐅᒐᔭᖅᐸᑦ
  • ᓴᓇᓯᒪᓂᖓ ᐃᓱᒪᒋᔭᖃᕆᐊᓕᒃ ᖃᓄᖅ ᐃᑲᔪᕈᓐᓇᕐᓗᓂ ᐱᓕᕆᐊᓂᑦ ᑲᒪᒋᔭᖃᖅᑐᓂᑦ ᐊᒥᓱᒐᓚᓐᓂᑦ ᐱᔾᔪᑕᐅᔪᓂᑦ
  • ᓇᓗᓇᐃᖅᓯᒪᔪᓂᑦ ᖃᓄᐃᓕᓯᒋᐊᕈᑎᑕᖃᖅᑳ ᓇᓗᓇᐃᖅᓯᒍᓐᓇᖅᑐᓂᑦ ᐊᓂᒍᐃᔪᓂᑦ ᐃᓱᒪᒋᔭᐅᔪᓂᑦ? ᓲᕐᓗ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑏᑦ ᑲᒪᒋᔭᖃᖅᑐᑦ ᐱᔪᓐᓇᖅᓯᑎᑦᑎᓕᕈᓐᓇᓂᕐᒥᑦ, ᓯᓚᐅᑉ ᐊᓯᔾᔨᕐᓂᖓᓄᑦ, ᐋᖅᑭᒍᑏᑦ, ᐊᓯᖏᓪᓗ.
  • ᓴᓇᓯᒪᓂᖓ ᐱᖃᓯᐅᔾᔨᔭᕆᐊᓕᒃ ᑐᓐᖓᕕᐅᓂᖏᓐᓄᑦ ᐊᐅᓚᓂᕆᔭᖏᑦ ᐅᓂᒃᑳᓕᐅᕐᓗᑎ ᑲᔪᓯᑦᑎᐊᕐᓂᖓᓄᑦ ᓴᓇᓯᒪᓂᖓ ᐅᑭᐅᑕᖅᑐᒥᐅᑕᓄᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᒐᕙᒪᐃᑦ ᐱᓕᕆᖃᑎᒌᒋᐊᓖᑦ, ᓇᓕᒧᓐᓂᖃᕐᓗᑎ ᐊᒻᒪ ᑐᓂᓯᓗᑎ ᐱᓕᕆᐊᓂᑦ ᐃᓚᓕᐅᔾᔭᐅᓯᒪᔪᒃᑯᑦ ᓄᓇᓕᓐᓄᑦ ᓄᓇᓕᐅᔪᑦ ᖃᐅᔨᓇᓱᖏᖔᕐᓗᑎ ᑭᓇᒨᕆᐊᖃᕐᓂᖏᓐᓄᑦ ᖃᖓᒃᑯᑦ
    • ᐆᑑᑐᒋᓗᒍ, ᓄᓇᖃᖅᑳᖅᓯᒪᔪᓕᕆᔨᒃᑯᑦ "ᐸᓐᓂᖅᑑᒥ ᐱᓕᕆᐊᑦ" ᑲᑎᖅᓱᖅᓯᒪᔪᑦ ᐃᓅᖃᑎᒌᓐᓂᕐᒧᑦ ᐱᔨᑦᑎᖅᑕᓄᑦ ᐱᓕᖕᐊᓄᑦ ᐊᑕᐅᓯᐅᓪᓗᒍ ᐱᔨᑦᑎᑕᐅᓪᓗᓂ ᐊᐅᓚᓂᖓ (ᓲᕐᓗ ᐊᑕᐅᓯᖅ ᐱᓇᓱᐊᖅᑐᖅ ᐱᔪᓐᓇᖅᑎᑕᐅᓗᓂ ᑎᑎᕋᖅᑕᐅᓯᒪᔪᓂᑦ ᑮᓇᐅᔭᓂᑦ)
  • ᓄᓇᖃᖅᑳᓯᒪᔪᓄᑦ ᐱᔪᓐᓇᐅᑏᑦ ᒪᑐᐃᖓᑦᑎᐊᕆᐊᓕᒃ ᓴᓇᓯᒪᓂᖓᓂᑦ
  • ᑐᑭᒧᐊᖅᑎᑕᐅᔭᕆᐊᓖᑦ ᐅᑭᐅᑕᖅᑐᒥᐅᑕᓄᑦ

ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

  1. ᑭᓱᓂᒃ ᓄᓇᒥᖕᓄᑦ ᑲᓇᑕᐅᑉ ᒐᕙᒪᖓ ᓄᓇᖁᑎᒋᔭᕐᒥᓅᖓᔪᓂᒃ ᓯᕗᓪᓕᐅᔾᔨᓯᒪᔭᕆᐊᖃᖅᐸᑦ ᓄᓇᕐᔪᐊᕐᒥᐅᖑᖃᑎᒌᓄᑦ?
  2. ᖃᓄᐃᑦᑐᓂᒃ ᐃᓱᒪᒋᔭᖃᖅᐱᑦ ᐱᒻᒪᕆᐅᓂᖅᐹᖑᔪᓂᒃ ᐊᔪᕈᑕᐅᔪᓂᒃ ᐊᒻᒪᓗ ᐱᕕᒃᓴᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᓂᖓᓂ ᐊᓯᖏᓐᓄᑦ ᓄᓇᓕᒡᔪᐊᕐᓄᑦ ᐊᒻᒪᓗ ᓴᐳᓐᓂᐊᖅᑕᐅᔭᕆᐊᖃᓂᖓᓄᑦ ᐊᑐᒐᕆᔭᐅᔭᕆᐊᖃᕐᓂᐊᖅᑐᓂᒃ ᖁᓕᐅᓂᐊᖅᑐᓂᒃ ᐊᕙᑎᓕᓂᒡᓗ 10-20-ᓂᒡᓗ ᐊᕐᕋᒍᓂᐊᖅᑐᓂᒃ?

ᑲᓇᑕᐅᑉ ᓯᓚᑖᓄᑦ ᐊᑐᐊᒐᖅ

  • ᑲᓇᑕᐅᑉ ᐊᑐᐊᒐᖓ ᑲᒪᒋᔭᖃᕐᓗᓂ ᐅᓇᑕᖅᑕᐃᓕᓂᕐᒧᑦ, ᒪᓕᑦᑐᒍ ᓴᖅᑭᖅᑎᑕᐅᓂᖓᓄᑦ ᐱᔾᔪᑎᖏᓐᓄᑦ ᐅᑭᐅᑕᖅᑐᒥ ᑲᑎᒪᔩᑦ
  • ᑲᓇᑕᐅᑉ ᓯᓚᑖᓄᑦ ᐊᑐᐊᒐᖅ ᑕᑯᓐᓇᖅᑕᐅᔭᕆᐊᓕᒃ ᐋᖅᑭᒍᑎᐅᔪᑎᒍᑦ, ᓲᕐᓗ. ᐊᑐᓕᖅᑎᑕᐅᓂᖓ UNDRIP ᐱᓕᕆᖃᑎᖃᓕᐅᓂᕐᒥᑦ ᐅᑭᐅᑕᖅᑐᒥ ᓄᓇᖃᖅᑳᖅᓯᒪᔪᓂᑦ ᐃᓄᖏᓐᓄᑦ
  • ᑲᓇᑕ ᑲᔪᓯᑎᑦᑎᒋ ᐊᖃᖏᑦᑐᖅ ᑲᓇᑕᐅᑉ ᓯᓚᑖᓄᑦ ᐊᑐᐊᒐᖅ ᖃᓄᐃᓕᒋᐊᖅᑕᐅᓂᖓᓄᑦ ᑭᓯᐊᓂ ᐋᖅᑭᒍᑎᐅᔪᑦ ᐊᑐᕐᓂᖃᓚᐅᖅᑎᓪᓗᒋᑦ (ᓲᕐᓗ "ᐊᑕᐅᓯᕐᒥᑦ ᓂᐱᖃᖅᑐᒍᑦ")

ᑲᓇᑕᐅᑉ ᓯᓚᑖᓃᖔᖅᑐᓄᑦ ᐱᓕᕆᑎᑦᑎᓂᖅ

  • ᑲᓇᑕ ᓴᖅᑭᑎᑦᑎᔭᕆᐊᓕᒃ ᐊᑐᐊᒐᕐᒥᑦ ᑐᕌᖓᔪᓄᑦ ᑲᓇᑕᐅᑉ ᓯᓚᑖᓃᖔᖅᑐᓄᑦ ᐱᓕᕆᑎᑦᑎᓂᖅ; ᓄᓇᓕᖅᔪᐊᖑᔪᑦ ᐅᑭᐅᑕᖅᑐᒦᖏᑦᑐᑦ ᐱᓕᕆᑎᑦᑎᓂᖃᕈᒪᖏᑦᑐᑦ (ᓲᕐᓗ ᓴᐃᓃᓯᒃᑯᑦ); ᑲᓇᑕᐅᑉ ᑭᓪᓕᖏᑦ ᐅᓇᒻᒥᔭᐅᑐᐃᓐᓇᕆᐊᓖᑦ
  • ᐃᓱᒪᒋᔭᐅᓯᒪᔪᖅ ᐅᑭᐅᑕᖅᑐᖅ ᐊᓯᔾᔨᕐᓂᖓ ᑲᑎᒪᓂᐅᔪᖅ ᑯᐸᐃᒃ ᓄᓇᓕᐸᐅᔭᖓᓂ ᐅᖃᐅᔾᔨᒋᐊᓚᐅᖅᑐᑦ ᐅᑭᐅᑕᖅᑐᒥ ᑲᑎᒪᔩᑦ ᐊᖏᖅᓯᓗᑎ ᑮᓇᐅᔭᒃᑯᕕᒻᒥᑦ ᐅᕝᕙᓘᓐᓃᑦ ᐊᓯᑎᒍᑦ ᐋᖅᑭᔅᓯᒪᔪᓂᑦ/ᐊᑐᐊᒐᕐᒥᑦ ᖃᐅᔨᓴᕐᓗᑎ ᐊᒻᒪ ᑐᑭᒧᐊᖅᑎᑦᑎᓗᑎ ᑲᓇᑕᐅᑉ ᓯᓚᑖᓃᖔᖅᑐᓄᑦ ᐱᓕᕆᑎᑦᑎᓂᕐᒥᑦ ᐅᑭᐅᑕᖅᑐᒥᑦ
  • ᓯᓚᕐᔪᐊᒥᑦ ᑮᓇᐅᔭᓕᕆᓂᕐᒧᑦ ᑲᑎᒪᓂᖓ ᓯᓚᕐᔪᐊᓕᒫᒧᑦ ᑲᑎᒪᔨᖏᑦ ᐅᑭᐅᑕᖅᑐᒧᑦ ᑐᔅᓯᕋᓚᐅᖅᑐᑦ ᐅᑭᐅᑕᖅᑐᒥ ᐱᓕᕆᑎᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ (ᓲᕐᓗ ᒪᓕᑦᑕᐅᔭᕆᐊᓖᑦ ᑲᒪᒋᔭᖃᑦᑎᐊᓂᕐᒧᑦ ᐱᓕᕆᑎᑦᑎᓂᕐᒧᑦ ᐅᑭᐅᑕᖅᑐᒥᑦ) 2015−ᒥᑦ

ᓄᓇᖃᖅᑳᖅᓯᒪᔪᓄᑦ ᑕᑯᓐᓇᖅᑕᐅᔪᑦ

  • ᐃᓄᐃᑦ ᓅᒍᒪᑎᓐᓇᒋ ᓅᑦᑎᑕᐅᓚᐅᖅᓯᒪᔪᑦ ᑲᓇᑕ ᐱᒋᓂᕋᖅᑲᑕᐅᓗᓂ; ᑲᓇᑕ ᓅᑦᑎᑦᑎᓂᐅᔪᖅ ᑐᑭᖃᖅᑎᑕᐅᓗᓂ ᓲᕐᓗ ᑲᓇᑕ ᓴᐳᒻᒥᑏᓐᓇᖅᑐᖅ ᐅᑭᐅᑕᖅᑐᒥᑦ
  • ᓄᓇᖃᖅᑳᖅᓯᒪᔪᑦ ᐃᓄᖏᑦ ᑭᓱᓕᕆᔾᔪᑎᖃᕆᐊᓖᑦ ᐊᒻᒪ ᐃᑲᔪᕐᓗᑎ ᓂᐱᖃᖅᑎᑕᐅᓗᑎ ᐅᑭᐅᑕᖅᑐᒥ ᑲᑎᒪᔨᖏᓐᓂᑦ

ᐊᕙᑎᓕᕆᓂᕐᒧᑦ ᐊᑦᑐᖅᑕᐅᔪᑦ ᐅᑭᐅᑕᖅᑐᒥ

  • ᓯᓚᐅᑉ ᐊᓯᔾᔨᐸᓪᓕᐊᓂᖓ ᐊᑦᑐᐃᓂᖃᖅᐸᓪᓕᐊᔪᖅ ᐊᒻᒪ ᐊᖏᔪᒥᑦ ᐊᑦᑐᐃᓂᖃᓂᖃᓂᐊᖅᑐᖅ ᐅᑭᐅᑕᖅᑐᒧᑦ, ᐱᖃᓯᐅᑎᓪᓗᓂ ᐅᑭᐅᑕᖅᑐᖅ ᐊᑦᑕᓇᐃᖅᓯᒪᓂᖓ
  • ᐃᒪᕐᒧᑦ ᐃᒋᑕᐅᕙᑦᑐᑦ ᐊᒻᒪ ᐊᐅᑦᑕᔫᑦ ᑎᑭᕋᖅᐸᓪᓕᐊᔪᑦ ᐅᑭᐅᑕᖅᑐᒧᑦ ᐊᓯᖏᓐᓃᖔᖅᑐᓂᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᓴᓇᓯᒪᓂᖓ ᐃᓕᓴᖅᓯᔭᕆᐊᓕᒃ ᑐᐊᕕᕐᓇᖅᑐᑕᖃᕐᓂᖓᓄᑦ; ᓯᓚᐅᑉ ᐊᓯᔾᔨᕐᓂᖓ ᐊᒻᒪ ᐊᕕᑦᑐᖅᓯᒪᔪᓂᑦ ᓱᑲᑦᑎᑦᑎᒋᐊᖅᑐᐃᓐᓇᐅᓂᐊᖅᑐᑦ ᐊᓯᔾᔨᖅᑐᒥᑦ ᐊᒻᒪ ᐊᕐᕕᓂᓕᓐᓂᑦ ᐊᕐᕌᒍᓂᑦ ᓯᕗᓪᓕᐅᑎᔭᕆᐊᖃᖅᑕᕗᑦ ᐊᔾᔨᒋᖏᑐᐃᓐᓇᕆᐊᖃᖅᑕᖏᑦ
  • ᓴᓇᓯᒪᓂᖓ ᐊᑐᓕᕈᓐᓇᕆᐊᓕᒃ ᐊᔾᔨᒌᖏᑦᑑᑎᓄᑦ ᐅᑭᐅᑕᖅᑐᒥᑦ ᓄᓇᒋᔭᖏᓐᓂᑦ ᐊᒻᒪ ᐱᓪᓚᕆᐅᔪᓂᑦ, ᐊᔾᔨᒌᖏᓐᓂᖃᕈᓐᓇᖅᑐᑦ ᐊᕕᑦᑐᖅᓯᒪᓂᖏᑎᒍᑦ ᐊᒻᒪ ᓄᓇᓕᑎᒍᑦ
ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas