ᐅᑭᐅᖅᑕᖅᑐᒥ ᐊᑐᐊᒐᒃᓴᓄᑦ ᖃᑭᔾᔪᑎᒃᓴᓄᑦ ᓂᐅᕕᖅᑐᓕᕆᓂᕐᒧᑦ ᑲᑎᒪᐅᑕᐅᓂᖓ: ᑐᕌᓐᑐ

ᐅᓇ ᑐᑭᓯᓇᖅᓯᑎᑦᑎᔾᔪᑕᐅᔪᖅ ᐅᑭᐅᖅᑕᖅᑐᒥ ᐊᑐᐊᒐᒃᓴᖅ ᖃᑭᔾᔪᑕᐅᔪᓐᓇᖅᑐᓂᒃ ᓂᐅᕐᕈᓯᕆᓂᕐᒧᑦ ᑲᑎᒪᐅᑎᖃᖅᑐᑦ ᑐᕌᓐᑐ, ᐋᓐᑎᐅᕆᐅ, ᑕᐃᑲᓂ ᕕᕗᐊᕆ 13, 2018.

ᑖᕙᑎ ᒪᒃᐃᒐᕐᒥᑦ

ᐅᓇ ᑐᑭᓯᓇᖅᓯᑎᑦᑎᔾᔪᑕᐅᔪᖅ ᐅᑭᐅᖅᑕᖅᑐᒥ ᐊᑐᐊᒐᒃᓴᖅ ᖃᑭᔾᔪᑕᐅᔪᓐᓇᖅᑐᓂᒃ ᓂᐅᕐᕈᓯᕆᓂᕐᒧᑦ ᑲᑎᒪᐅᑎᖃᖅᑐᑦ ᑐᕌᓐᑐ, ᐋᓐᑎᐅᕆᐅ, ᑕᐃᑲᓂ ᕕᕗᐊᕆ 13, 2018.

ᐃᓚᐅᔪᑦ ᓄᓇᖅᑲᖅᑳᖅᓯᒪᔪᑦ ᖃᑭᔾᔪᑎᒃᓴᖃᕈᓐᓇᖅᑐᑦ ᑮᓇᐅᔭᓕᐅᕈᑎᒃᓴᒥᖕᓄᑦ ᐊᒻᒪᓗ ᐱᕙᓪᓕᐊᑎᑦᑎᒍᓐᓇᖅᑐᑦ, ᓇᖕᒥᓂᖁᑎᖃᖅᑐᑦ ᓇᖕᒥᓂᖁᑎᖃᖅᑐᓄᖅ ᐊᐅᓚᑦᓯᔨᑦ, ᓯᑎ ᐃᖃᓗᐃᑦ ᐊᒻᒪᓗ ᓄᓇᕗᒥ ᓄᓇᓖᑦ ᑲᑐᔾᔨᖃᑎᒌᖏᑦ, ᑎᒥᐅᔪᑦ ᐊᒻᒪᓗ ᐊᐅᓚᑦᑎᔪᑦ ᓇᖕᒥᓂᕐᒥᖕᓂᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ, ᐊᐅᓚᑦᑎᔨᐅᔪᑦ ᖃᐅᔨᒪᔨᒋᔭᖏᑦ, ᐃᓕᓐᓂᐊᕐᕕᑦ, ᑲᓛᑦᖡᑦ ᒐᕙᒪᒃᑯᑦ, ᓄᓇᑦᓯᐊᖅ ᒐᕙᒪᒃᑯᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ.

ᐱᕐᔪᐊᖑᓂᖅᓴᐅᔪᑦ ᑐᑭᖏᑦ ᐊᒻᒪᓗ ᑐᓴᕐᑎᑦᑎᔾᔪᑎᖏ ᑕᒪᑐᒧᖓ ᐊᕿᒃᓱᐃᕕᐅᓂᐊᖅᑐᒧᑦ

ᑕᒪᐃᓐᓄᑦ ᐅᑭᐅᖅᑕᖅᑐᒥ ᓇᑉᐸᕆᐊᓕᑦ

  • ᐱᒻᒪᕆᐅᓂᖓᓂᒃ ᐊᑐᐊᒐᑦ ᑲᔪᓯᓗᑎᑦ ᐃᓚᒋᔭᐅᓗᑎᒃ ᒐᕙᒪᒃᑯᓄᑦ ᐊᔭᐅᕆᓗᑎᒃ. ᐃᓚᐅᔪᑦ ᐅᖃᓚᐅᖅᑐᑦ ᑕᐃᒪ ᐃᓚᐅᑎᓪᖢᒋᑦ ᓄᓇᖅᑲᖅᑳᖅᓯᒪᔪᑦ ᐃᓄᐃᑦ ᐊᑐᐊᒐᕐᒥ ᐊᒻᒪᓗ ᓇᕐᐸᕆᐊᓕᖕᓄᑦ ᐸᕐᓇᐃᖃᑕᐅᓗᑎᒃ ᐃᑲᔫᑎᒐᔭᖅᑐᖅ ᓄᓇᓖᑦ ᑲᔪᓯᑦᑎᐊᖏᓐᓇᕐᓂᐊᕐᒪᑕ, ᓵᑦᑎᓯᒪᒐᓗᐊᕈᑎᒃ ᓇᓪᓕᐊᖕᓄᑦ ᓂᕈᐊᖅᑕᐅᖃᑦᑕᖅᑐᓂᒃ ᓯᕗᓕᐅᖅᑎᐅᓂᐊᖅᑐᓂᒃ.
  • ᐃᓚᐅᔪᑦ ᑐᓴᖅᑕᐅᔪᒪᓚᐅᖅᑐᑦ ᐱᑕᖃᕆᐊᖃᕐᓂᖓᓂ ᐊᑯᓂᐅᔪᑰᖓᓂᐊᖅᑐᓄᑦ ᐃᓱᒪᒋᔭᕆᐊᓕᑦ, ᖃᐅᔨᒪᓗᑎᒃ ᐅᑯᐊ ᖃᓄᕆᑦᑐᑐᐃᓐᓇᐃᑦ ᑲᓇᑕᒥ ᑯᐊᐳᕆᓴᓐ ᐊᒻᒪᓗ ᐃᓱᒪᓗᑎᒃ ᑎᑭᐅᑎᒪᔪᓄᑦ 100 ᐅᑭᐅᓄᑦ ᐸᕐᓇᒃᓯᒪᓗᑎᒃ, ᑕᐃᑲᓂᓗ ᑲᓇᑕᒥᐅᑦ ᒐᕙᒪᒃᑯᖏᑦ ᑕᑯᔭᐅᓯᒪᖕᒪᑕ ᐊᓪᓗᑎᓂᖏᓐᓂᒃ ᒫᓐᓇᒧᑐᐊᖅ.
  • ᐃᓚᐅᔪᑦ ᓇᓗᓇᐃᓚᐅᖅᑐᑦ ᐊᑑᑎᖃᕐᓂᖓᓂ ᐱᖁᑎᓂᒃ ᖃᐅᔨᒪᕕᖃᕐᓂᖅ ᒫᓐᓇᐅᔪᖅ ᓇᑉᐸᖅᓯᒪᔪᓂ ᐊᒻᒪᓗ ᓯᕗᓂᒃᓴᑦᑎᓂ ᓂᕆᐅᒋᓇᖅᑐᑦ ᓇᑉᐸᕆᐊᖃᕈᒫᖅᑐᑦ ᐊᒻᒪᓗ ᑕᒪᒃᑯᓇᖓ ᑕᐃᒪ ᓯᕗᓪᓕᖅᐸᐅᑎᒋᐊᖃᓕᕋᔭᖅᑐᑦ ᐃᓚᐅᑎᓪᓗᒋᑦ ᕼᐋᒻᓚᒃᑯᑦ ᑲᑎᒪᔨᖏᑦ ᐅᓇ ᐋᕿᑦᑎᐊᕆᐊᕐᓗᓂ ᑖᒃᑯᓇᖓᑦ ᑕᒪᐃᓐᓂᑦ ᐱᓇᓱᐊᖃᑎᒌᓂᑦ ᑲᔪᓯᔪᒥᒃ ᐃᓂᖃᕐᑎᑦᑎᓂᐊᕐᒪᑕ.
  • ᐃᓚᐅᔪᑦ ᓂᓪᓕᐅᑎᖃᓚᐅᖅᑐᑦ ᐊᓯᑦᔨᕆᐊᖃᖅᑐᓂᒃ ᒫᓐᓇᐅᔪᖅ ᒪᓕᒐᖑᖁᔭᐅᔪᓂᒃ ᐊᒻᒪᓗ ᐱᖁᔭᕋᓛᓂᒃ ᓴᕿᑦᑎᓯᒪᖃᑦᑕᕐᓂᖏᓐᓄᑦ ᓂᕆᐅᓇᓐᖏᑦᑐᓂᒃ ᑭᖑᕙᖅᓯᒪᔾᔪᑎᖃᖅᖢᑎᒃ ᓇᑉᐸᕆᐊᓕᖕᓄᑦ ᐱᓕᕆᐊᒃᓴᓄᑦ ᐅᑭᐅᖅᑕᖅᑐᒥ (ᐊᓯᑦᔨᐅᑎᔪᓂᒃ ᖃᐅᒻᒪᖁᑎᓂᒃ ᓂᐅᕕᖃᕐᑕᕐᑎᑦᑎᓂᕐᒥᑦ ᐊᖕᖏᖃᑎᒌᒍᑎᖓ ᐃᑲᔪᕐᓂᐊᖅᑐ ᐊᑦᑎᒃᓯᓯᒪᑎᓐᓂᐊᕐᓗᒋᑦ ᐊᑐᓗᐊᕈᓐᓃᖅᑎᓪᓗᒋᑦ ᑏᓱᕐᒥᒃ ᖃᐅᒻᒪᖁᑎᒥᖕᓄᑦ ᐅᓇ ᐳᐃᒍᓐᓇᓐᖏᑦᑐᒥᒃ ᐆᒃᑑᑕᐅᔪᖅ ᓄᓇᕗᒻᒥ).
  • ᐅᑯᐊ ᑎᐅᓕᑐᐊᓕ ᐊᑭᓕᒃᓴᖏᑦ, ᐊᓯᖏᓪᓗ ᐱᖁᔭᕋᓛᑦ ᐊᒻᒪᓗ ᑐᓗᖅᑕᐅᑎᓕᐅᖅᑐᑦ, ᓄᖃᖅᑎᑕᐅᓯᒪᔪᓐᓇᖅᑐᑦ ᑮᓇᐅᔭᒃᓴᖃᑦᑎᐊᕐᓗᑎᒃ/ᒪᑐᐃᖅᓯᒍᑎᒃᓴᓄᑦ ᐱᒋᐊᕈᑎᒃᓴᓄᑦ ᐱᓕᕆᐊᒃᓴᓂᒃ ᐅᑭᐅᖅᑕᖅᑐᒥ (ᑕᒪᒃᑯᐊ ᓄᓇᒥᑦ ᐆᒻᒪᖁᑎᖃᕈᑕᐅᔪᓐᓇᖅᑐᑦ ᐃᖃᓗᖕᓂ ᑕᐃᒪ ᐆᒃᑑᑕᐅᓚᐅᖅᑐᖅ).
  • ᐅᑯᐊ ᓇᑉᐸᕆᐊᓕᖕᓄᑦ ᐱᔭᕐᓂᓐᖏᑐᑰᕈᑕᐅᕙᒃᑐᑦ ᐱᓗᐊᖅᑐᒥᒃ ᕼᐋᒻᓚᒃᑯᓂ ᐅᖃᐅᓯᐅᓚᐅᖅᑐᑦ, ᐃᓚᒋᔭᐅᓪᓗᑎᒃ ᐱᑕᖃᓐᖏᓂᖓ ᑎᐅᓕᑐᐊᓕᓂ ᐃᑲᔫᑎᒃᓴᓂᒃ ᑕᐃᒪᓗ ᓂᕈᐊᖅᑕᐅᓯᒪᔪᑦ ᐃᓱᒪᒋᑦᑎᐊᕆᐊᖃᖅᑕᖏᑦ ᐅᑯᐊ ᑕᒪᐅᖕᖓᕐᐸᓪᓕᐊᔪᑦ ᓄᓇᓕᖅᐸᐅᔭᓂᑦ ᐊᕕᒃᓯᕙᖕᒪᑦ ᐃᓚᖏᓐᓂᒃ ᐅᑭᐅᖅᑕᖅᑐᒥ ᓴᖕᖏᓂᖃᕈᑎᖏᓐᓂᒃ ᐱᖁᔭᖃᕐᕕᖏᓐᓂᑦ.

ᖃᖓᐅᓕᖅᐸᑦ ᑭᓱᖕᖑᕈᒫᕐᒥᓗᑎᒃ ᓇᑉᐸᕆᐊᓕᑦ

  • ᐃᓚᐅᔪᑦ ᐅᖃᓚᐅᖅᑐᑦ ᐱᕕᖃᕐᑎᑦᑎᔪᖃᓕᕈᓐᓇᖅᑐᖅ ᐱᕙᓪᓕᐊᑎᑦᑎᔪᓄᑦ ᐊᕕᒃᑐᖅᓯᒪᔪᓂ ᓇᑉᐸᕆᐊᓕᖕᓄᑦ ᐱᓕᕆᐊᒃᓴᓄᑦ ᐃᑲᔫᑎᓂᐊᖅᑐᖅ ᐃᓄᐃᑦ ᓄᓇᖓᓂ ᓴᓇᕙᓪᓕᐊᔭᕆᐊᓕᑦ ᐃᓗᐊᓂ ᑲᓇᑕ.
  • ᐊᑕᐅᓯᖅ ᐃᓚᐅᔪᖅ ᐃᒃᐱᒋᔭᖃᓚᐅᖅᑐᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᑐᑭᒧᐊᒃᑎᑦᑎᔨᐅᓇᓱᓐᖏᑦᑐᑦ ᓴᐃᔮᖅᑐᖃᓐᖏᑦᑐᖅ "ᓄᓇᓕᖕᓂ ᓴᓇᓂᖅ" ᓇᑉᐸᕆᐊᓕᖕᓂᒃ ᐃᒡᓗᕈᕆᐊᖃᖅᑐᓂᒃ ᐅᑭᐅᖅᑕᖅᑐᖅ ᑲᓇᑕ. ᐅᓇ ᐃᓚᐅᔪᖅ ᐅᖃᓚᐅᖅᑐᖅ ᐅᑯᐊ ᒐᕙᒪᑐᖃᒃᑯᑦ ᐃᓂᖃᖅᑐᑦ ᐱᓕᕆᓗᑎᒃᑕᐅᖅ ᐅᑭᐅᖅᑕᖅᑐᒥ,ᑖᒃᑯᐊᖓ ᐃᓄᒋᐊᓗᐊᖅᑎᓪᓗᒍ ᐃᓄᒋᐊᓐᖏᑎᑦᑎᓯᒪᖕᒪᑕ, ᐊᒻᒪᓗ ᐱᔪᒪᓕᖅᑐᑦ ᐅᓄᖅᓯᒋᐊᕐᓗᒋᑦ ᒐᕙᒪᑐᖃᒃᑯᑦ ᐊᖕᖏᖅᓯᒪᓂᑎᒃ ᐱᕙᓪᓕᐊᑎᑦᑎᓗᑎᒃ ᐅᑭᐅᖅᑕᖅᑐᒥ ᓇᑉᐸᕆᐊᓕᖕᓂᒃ ᐃᒡᓗᓕᐊᕆᔭᕆᐊᓕᖕᓂᒃ.
  • ᐃᓚᐅᔪᑦ ᐅᖃᖃᑎᒌᓚᐅᖅᑐᖅ ᐃᑲᔫᑎᓂᖓᓂᒃ ᖃᓄᕆᑦᑐᑐᐃᓐᓇᓄᑦ-ᐊᑑᑎᓕᒃ/ᖃᓄᕆᑦᑐᑐᐃᓐᓇᓄᑦ-ᐱᔾᔪᑎᖃᕈᓐᓇᖅᑐᖅ ᐃᒡᓗ, ᐃᓚᒋᔭᐅᓗᓂ ᓇᑉᐸᕐᓗᑎᒃ ᓄᓇᓕᖕᓂ. ᐃᓚᖏᑦ ᐃᓚᐅᔪᑦ ᐃᒃᐱᒍᓱᓚᐅᖅᑐᑦ ᑕᐃᒪᓐᓇ ᐱᒋᐊᕈᑎᒃ ᐱᓕᕆᔭᐅᔪᓐᓇᓐᖏᑦᑐᖅ ᒐᕙᒪᑐᖃᒃᑯᓂᑦ ᐱᔾᔪᑎᒋᓪᓗᒍ ᐊᔾᔨᒌᓐᖏᑑᑕᐅᓗᐊᕐᒪᑕ ᐊᒻᒪᓗ ᒪᓕᒃᑕᐅᔭᕆᐊᖃᕋᔭᖅᑐᑦ ᑕᐃᒪᓐᓇᐅᔭᕆᐊᖃᕋᔭᖅᑐᑦ ᐊᕙᒧᑦ ᐊᔾᔨᒌᓐᖏᑦᑐᑦ- ᐊᐅᓚᑦᓯᔨᑎᒍᑦ ᐊᒻᒪᓗ ᒪᓕᒐᕐᓂᒃ ᓴᖕᖏᓂᖃᕐᕕᐅᔪ ᐃᑲᔪᖃᑎᒌᒍᑎᒋᔭᕆᐊᒃᓴᖅ.

ᓇᑉᐸᕆᐊᓕᑦ ᐃᒡᓗᓕᐅᕐᓂᖅ ᐊᒻᒪᓗ ᐃᒻᒥᒎᖅᑐᑦ ᐱᓇᓱᐊᕐᑎᑦ

  • ᑮᓇᐅᔭᒃᓴᖅ ᐊᒻᒪᓗ ᓇᖕᒥᓂᖁᑎᓕᑦ ᐅᑭᐅᖅᑕᖅᑐᒥ ᓇᑉᐸᕆᐊᓕᑦ ᓴᖑᕙᓪᓕᐊᖕᒪᑦ ᐅᑯᐊ ᓄᓇᖅᑲᖅᑳᖅᓯᒪᔪᑦ ᐱᕙᓪᓕᐊᑎᑦᑎᔨᐅᔪᑦ ᑯᐊᐳᕆᓴᓐ ᐱᓕᕆᔪᒪᓂᖅᓴᐅᓕᖅᖢᑎᒃ ᓯᕗᓕᐅᖅᑎᐅᓗᑎᒃ ᓇᑉᐸᕆᐊᓕᖕᓄᑦ.
  • ᐃᓚᐅᔪᑦ ᐅᖃᖅᓯᒪᔪᑦ ᐱᓕᕆᔪᒪᓪᓗᑎᒃ ‘ᑲᑎᖓᓗᒋᑦ' ᐅᒡᕙᓘᓐᓃᑦ ‘ᐴᖃᖅᓯᒪᓗᑎᒃ" ᐊᒥᓱᑦ ᓴᓂᐊᓃᑦᑐᑦ ᑭᓯᐊᓂ ᐃᓚᒋᔭᐅᓪᓗᑎᒃ ᐃᒡᓗᓕᐅᕐᓂᕐᒧᑦ ᑕᐃᒪᓗ ᐱᔪᓐᓇᖅᓯᓂᐊᕋᒥᒃ ᓈᒻᒪᒃᑐᒥᒃ ᐊᖕᖏᔪᒻᒪᕆᐋᓗᖕᓂᒃ ᐱᔪᒪᔪᒪᓕᖅᑎᑦᑎᓗᑎᒃ ᖃᑭᔾᔪᑕᐅᔪᓐᓇᖅᑐᓂᒃ ᓂᐅᕕᕐᓗᑎᒃ. ᑕᒪᓐᓇᐅᔪᓐᓇᖅᑐᑦ ᑐᓂᔭᐅᓯᒪᔪᑦ ᒪᑐᐃᖓᓂᖓᓄ ᐅᐊᖕᓇᖓᓂ ᕿᑭᖅᑖᓗᖕᒧᑦ ᓱᓪᓗᐊᓗᒃ ᐊᑐᖅᑕᐅᔪᓐᓇᕐᓂᖓᓄ ᐅᓯᑲᖅᑕᖅᑐᓄᑦ ᐊᒻᒪᓗ ᐅᓇᑕᖅᑐᒃᓴᑯᑦ ᓇᑉᐸᖅᓯᓗᑎᒃ ᐱᓕᕆᐊᒃᓴᒥᖕᓄᑦ ᐅᓇ ᐆᒃᑑᑕᐅᓪᓗᓂ ᐅᖃᐅᓯᐅᓚᐅᖅᑐᖅ.
  • ᐃᓚᐅᔪᑦ ᓇᓗᓇᐃᓚᐅᖅᑐᑦ ᐅᑯᐊ ‘ᑲᑎᑦᑎᕆᓂᖅ' ᐱᓕᕆᐊᒃᓴᓂᒃ ᐃᑲᔪᕈᓐᓇᖅᑐᖅ ᐱᓕᕆᐊᕆᓗᒋᑦ ᕿᖕᖒᒪᓇᖅᑐᑦ ᑕᒪᐃᓐᓄᑦ ᐊᑐᖅᑕᐅᓂᐊᖅᑐᓄᑦ, ‘ᐊᖕᖏᓂᖅᓴᖅ ᑕᑯᓗᒍ"\' ᐱᒋᐊᕈᑎ ᑕᒪᑐᒧᖓ ᐃᒡᓗᓕᐅᖅᐸᓪᓕᐊᓂᕐᒧᑦ ᑕᐃᒪᓗ ᑕᐃᑲᓂᑦᑕᐃᓐᓇᖅ ᑐᓂᓯᓯᒪᓗᑎᒃ ᖃᑭᔾᔪᑎᒃᓴᖏᓐᓂᒃ ᓄᓇᓖᑦ ᐱᓕᕆᐊᖑᔪᑦ ᐃᓚᐅᖁᓪᓗᒋᑦ ᑕᒪᑐᒧᖓ. ᐊᒻᒪᓗᑦᑕᐅᖅ, ᐅᓇ ‘ᑲᑎᖓᑎᑦᑎᓂ'  ᐃᑲᔪᕈᓐᓇᖅᑐᖅ ᐅᖃᐅᔾᔪᐃᔨᐅᔪᓂᒃ ᐃᑲᔫᑎᓴᓄᑦ ᐊᑐᓂ ᐱᓕᕆᐊᖑᔪᓄᑦ ᐊᒻᒪᓗ ᐋᕿᒃᓱᐃᕙᓪᓕᐊᑎᐊᕈᓐᓇᕐᓂᖅᓴᐅᔪᑦ ᐱᖏᐊᕈᑎᖓ ᐅᑭᐅᖅᑕᖅᑐᒥᒃ ᐃᒡᓗᓕᐅᕐᓂᖅ ᓇᑉᐸᕆᐊᖃᖅᑐᓕᕆᓂᖅ.
  • ᓴᖕᖏᓂᖅᓴᒥᒃ ᐃᒻᒥᒎᖅᑐᑦ-ᐃᓚᐅᑎᓪᓗᒋᑦ ᑎᑭᐅᑎᓯᒪᑎᑦᑎᒍᓐᓇᖅᑐᑦ ᐊᑭᑐᓂᖅᓴᐅᔪᓂ ᖃᑭᔾᔪᑎᖃᕋᓱᐊᖅᑐᓄᑦ ᓂᐅᕕᕈᓐᓇᖅᑐᓂᒃ ᑕᐃᒪᓗ ᐊᔪᕈᓐᓃᖅᑎᓪᓗᒋᑦ ᒐᕙᒪᒃᑯᑦ ᐊᐅᓪᓗᑎᓗᒋᑦ ᑮᓇᐅᔭᒃᓴᖃᕐᑎᑦᑎᓂᖅ ᐃᒡᓗᓕᐊᓄᑦ ᐱᓯᒪᔪᓂᒃ ᐃᓅᓯᓕᕆᓂᕐᒧᑦ ᑭᓯᐊᓂ ᐃᒻᒥᒎᖅᑐᓂᒃ ᑕᒪᓐᓇ ᖃᑭᔾᔪᑕᐅᓇᓱᒍᒪᒐᔭᓐᖏᑦᑐᖅ.
  • ᐃᓚᖏᑦ ᐃᓚᐅᔪᑦ ᑐᐊᕕᕐᓇᕐᓂᕋᐃᓚᐅᖅᑐᑦ ᐱᑕᖃᕆᐊᖃᕐᓂᖓᓂ ᐃᑲᔫᑎᓂᒃ ᑮᓇᐅᔭᓂᒃ ᑎᐅᓕᑐᐊᓕ ᒐᕙᒪᒃᑯᖏᓐᓂᑦ ᑕᐃᒪᓗ ᐆᒃᑐᕐᓂᐊᕐᓗᑎᒃ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᓂᒃ ᐊᑐᕐᓂᐊᖅᑐᓄᑦ ᓄᓇᓕᖕᓄᑦ/ᐊᕕᒃᑐᖅᓯᒪᔪᓄᑦ ᐃᒡᓗᓕᐊᖑᓂᐊᖅᑐᑦ (ᑕᒪᒃᑯᐊᓗ ᐆᒻᒪᖁᑎᖃᕐᕕᒃᓴᖅ ᐃᖃᓗᖕᓂ ᐅᓇᑦᑲᑕᐅᖅ ᐅᖃᐅᓯᐅᓯᒪᔪᑦ ᑕᒪᑐᒨᓇ).
  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐃᓂᖓ ᓄᑖᖅ ᑲᓇᑕᐅᑉ ᐃᒡᓗᓕᐅᕐᓂᕐᒧᑦ ᑮᓇᐅᔭᒃᑯᕕᒃ, ᐊᒻᒪᓗ ᐊᑑᑎᖃᕈᓐᓇᕐᓂᖓ ᐅᑭᐅᖅᑕᖅᒥ ᓇᑉᐸᕆᐊᓕᖕᓄᑦ ᐱᔭᕐᓂᓐᖏᑑᔪᓄᑦ.
  • ᐊᑦᑎᒃᓯᓯᒪᑎᓪᓗᒋ ᐊᑦᑕᕐᓇᕈᓐᓇᖅᑐᑦ, ᐱᓗᐊᖅᑐᒥᒃ ᖃᑭᓇᓱᐊᖅᑐᑦ ᐊᒪᓗ ᐊᑐᖅᑐᐊᕐᓂᖓ ᓄᓇᓖᑦ, ᑕᒪᓐᓇ ᑕᑯᔭᐅᓯᒪᔪᖅ ᐃᓂᖃᕈᓐᓇᕐᓂᖓᓂ ᒐᕙᒪᒃᑯᓄᑦ ᐃᔭᕆᐊᑭᒡᓕᔾᔪᑕᐅᓗᓂ ᐱᐅᓯᕚᓪᓕᕈᑕᐅᓗᓂ ᖃᕿᔾᔪᑕᐅᓯᒪᔪᑦ ᐅᑭᐅᖅᑕᖅᑐᒥ ᐃᒡᓗᓕᐅᕐᓂᕐᒧᑦ ᓇᑉᐸᕆᐊᓕᒃ.

ᑭᓱᓂᒃ ᐱᓯᒪᔪᑦ ᓇᑉᐸᕆᐊᓕᑦ ᑭᖕᖑᒪᓇᖅᑐᑦ

  • ᐃᒃᐱᒋᔭᐅᔭᕆᐊᓕᑦ ᐃᖅᐸᖅᓯᒪᔪᑦ ᓄᓇᓕᖕᓂ-ᐊᖕᖏᔪᑦ ᓇᑉᐸᕆᐊᓕᑦ ᐃᒡᓗᒃᓴᐃᑦ ᑭᖕᖑᒪᒋᔭᖏᑦ ᐊᖕᖏᕋᒃᓴᖃᓐᖏᑦᑐᑦ, ᐃᒥᐊᓗᓗᐊᖃᑦᑕᖅᑐᑦ ᐊᒻᒪᓗ ᐊᓯᖏᓐᓂᒃ ᐋᖓᔮᕐᕈᑎᖃᖃᑦᑕᖅᑐᑦ. ᐱᑕᖃᕆᐊᖃᖅᑐᑦ ᐃᒡᓗ ᑕᒪᒃᑯᐊ ᐃᓚᒋᔭᐅᔪᑦ ᒪᒥᓴᐃᕕᑦ ᐊᒻᒪᓗ ᐃᓱᒪᒥᒃᑎᒍᑦᐋᓐᓂᐊᖃᖅᑐᓄᑦ ᐃᓂᒋᔭᐅᓂᐊᖅᑐᑦ.
  • ᑕᒪᐅᓐᓇ ᐊᕕᒃᑐᖅᓯᒪᔪᕐᑎᒍᑦ-ᐊᖕᖏᔪᑦ, ᖃᓄᐃᓕᖓᕕᒃᓴᖏ ᖃᓄᕆᑦᑐᑐᐃᓐᓇᓂᒃ ᐊᑐᖅᑕᐅᓂᐊᖅᑐᑦ ᐃᑳᕐᕖᑦ ᓱᓪᓗᐃᑦ ᐃᒪᕐᓂ ᐅᖃᐅᓯᐅᓚᐅᖅᑐᖅ ᓴᕿᑦᑎᔪᒪᓪᓗᑎᒃ ᖃᖓᑦᑕᖅᑎᑕᐅᓯᒪᔪᑎᒍᑦ, ᐆᒻᒪᖁᑎᓕᕆᓂᒃᑯᑦ, ᐊᒻᒪᓗ ᐃᖏᕐᕋᔪᓕᕆᓂᒃᑯᑦ ᐊᑐᖅᑕᐅᖃᑦᑕᕐᓂᐊᖅᑐᑦ ᐅᑭᐅᖅᑕᖅᑐᕐᒥ ᓱᓪᓗᖏᓐᓂ.
  • ᐊᖕᖏᔪᖅ ᒫᓐᓇᐅᔪᖅ ᐊᒻᒪᓗ ᑲᔪᓯᔪᒥᒃ ᖃᖓᑦᑕᖅᑎᑕᐅᓯᒪᔪᒍᑦ.ᐱᑐᒃᓯᒪᔾᔪᑕᐅᔪᑦ ᐃᖏᕐᕋᓯᑎᑕᐅᔪᓐᓇᖅᑐᑦ ᐅᖃᐅᓯᐅᓚᐅᖅᑐᑦ, ᐃᓚᒋᔭᐅᓪᓗᑎᒃ ᐊᖕᖏᔪᒥᒃ ᒫᓐᓇᐅᔪᖅ ᖃᑭᔾᔪᑕᐅᔪᖅ ᓂᐅᕕᖅᑕᐅᓯᒪᔪᖅ ᖃᖓᑦᑕᖅᑎᑕᐅᓯᒪᔪᓄᑦ ᐊᑕᑎᑦᑎᔾᔪᑖᑦ ᓄᓇᑦᓯᐊᕐᒥ ᑕᒪᐅᓐᓇ ᒪᑲᓐᔨᒃᑯᑦ ᐅᐊᔭᖓ ᐊᑕᔪᖅᓴᓇᔭᐅᔪᖅ ᐊᒻᒪᓗ ᐅᖃᓘᑎᑦ ᐅᐊᔭᖓ ᓂᐅᕕᖃᖑᓗᓂ ᖃᕿᔾᔪᑕᐅᓗᓂ ᐊᑖᒍᑦ ᑯᐸᐃᒃ ᐸᕐᓇᐅᑎᖓ ᐅᑭᐅᖅᑕᖅᑐᒧᑦ.
  • ᐃᓚᐅᔪᑦ ᐅᖃᖃᑎᒌᒍᑎᖃᓚᐅᖅᑐᑦ ᓴᓇᔭᐅᔪᓐᓇᖅᑐᓂᒃ ᖃᖓᑦᑕᖅᑎᑕᐅᓯᒪᔪᒍᑦ ᐊᑦᑕᑕᕐᕕᒃᓴᐃᑦ ᐊᒻᒪᓗ ᐆᒻᒪᖁᑎᖃᕐᕕᒃᓴᐃᑦ ᐊᑕᔪᑦ ᑰᒡᔪᐊᕌᓗᒃ ᐊᒻᒪᓗ ᓄᓇᕗᑦ ᑭᕙᓪᓕᒃᑯᑦ.

ᐅᑭᐅᖅᑕᖅᑐᖅ ᐃᓗᐊᒍᑦ ᓄᓇᕐᔪᐊᑦ

ᐅᑭᐅᖅᑕᖅᑐᒥᒃ ᓄᓇᖁᑎᑖᕐᓂᖅ ᐊᒻᒪᓗ ᐅᑭᐅᖅᑕᖅᑐᒥ ᓯᕗᓕᐅᖅᑎᐅᓂᖅ ᑐᑭᒧᐊᒃᑎᑦᑎᔨᐅᓂᖅ

  • ᐃᓚᐅᔪᑦ ᖃᐅᔨᑎᑦᑎᓚᐅᖅᑐᑦ ᑲᔪᓯᕗᖅ ᐱᕕᖃᕐᑎᑦᑎᓂᖅ ᑲᓇᑕᒧᑦ ᐅᖃᐅᓯᕆᓗᒍ ᓴᕿᑦᑎᓗᒍ ᓄᓇᖃᕐᓂᖅ ᐅᑭᐅᖅᑕᖅᑐᒥ ᑕᒪᐅᓐᓇ ᑭᓱᓕᕆᕕᐅᓂᐊᖅᑐᑦ ᐊᕙᓗᒃᓴᖓᓄᑦ, ᐃᓚᒋᔭᐅᔪᖅ ᐃᓂᖓ ᐅᑯᐊ ᐅᑭᐅᖅᑕᖅᑐᒥᐅᑦ ᐱᓕᕆᔭᖏᑦ ᐅᖃᐅᓯᕆᓪᓗᒋᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᓄᓇᖁᑎᖃᖅᑐᑦ.
  • ᐊᔾᔨᑎᐊᐸᓗᖏᑦ ᓇᓂᑐᐃᓐᓇᖅ ᑲᓇᑕᒥ ᐊᒻᒪᓗ ᐊᒥᐊᓕᒐ ᐅᑭᐅᖅᑕᖅᑐᐊᓂ ᐅᖃᐅᓯᐅᓚᐅᖅᑐᑦ, ᐃᓚᒋᔭᐅᓪᓗᑎᒃ: ᐅᓄᕐᓂᖏᓐᓂᒃ ᓄᓇᖅᑲᖅᑳᖅᓯᒪᔪᑦ, ᐊᑐᖅᑐᑦ ᑏᓱᒥᒃ ᐆᒻᒪᖁᑎᖃᕈᑎᒋᓪᓗᒍ, ᑮᓇᐅᔭᐃᔭᕈᑎᒋᓪᓗᒋ ᓄᓇᒥᑦ ᐲᖅᑕᐅᕙᓪᓕᐊᔪᑦ, ᐊᒻᒪᓗ ᓂᐅᕆᖃᑦᑕᖅᑕᑦ/ᓂᐅᕐᕈᑎᖃᕐᓂᖅ ᐱᖁᑎᓂᒃ ᐅᑭᐅᖅᑕᖅᑐᒥᑦ ᖃᓪᓗᓈ ᓄᓇᖓᓄᑦ (ᓲᕐᓗ ᐅᖅᓱᐊᓗᒃ).
  • ᐊᖕᖏᔪᑦ ᔫᑳᓐ-ᐋᓛᔅᑲ ᐃᓚᒌᒍᓯᖏᑦ ᐱᓗᐊᖅᑐᒥᒃ ᐅᖃᖅᑕᐅᓯᒪᔪᑦ ᐱᓪᓗᒋᑦ ᐱᕙᓪᓕᐊᑎᑦᑎᓂᖅ ᑕᒪᐃᓐᓄᑦ ᓇᑉᐸᕆᐊᓕᖕᓄᑦ ᐅᐊᖕᓇᖓᓂ ᐅᑭᐅᖅᑕᖅᑐᒥ.

ᑕᐅᖅᓰᓂᖅ ᐊᒻᒪᓗ ᓂᐅᕕᕐᓂᖅ ᖃᕿᔾᔪᑎᒃᓴᓂᒃ

  • ᐱᕕᖃᕐᑎᑦᑎᕗᑦ ᐱᕚᓪᓕᑦᑎᐊᖅᑎᓪᓗᒋᑦ ᑲᓇᑕ-ᔪᓇᐃᑦ ᓯᑕᐃᑦᔅ ᐃᓚᒌᒍᓯᖏᑦ ᑕᒪᐅᓐᓇ ᐊᕙᓗᒋᓂᐊᖅᑕᖓᓄᑦ ᐅᖃᐅᓯᐅᓚᐅᖅᑐᖅ, ᑕᒪᒃᑯᐊ ᓄᐊᑦ ᐊᑎᐊᓕᒐ ᐊᑭᖃᓐᖏᑦᑐᓂᒃ ᑕᐅᖅᓰᖃᑦᑕᕈᓐᓇᕐᓂᕐᒧᑦ ᐊᖕᖏᖃᑎᒌᒍᑎᑦ.
  • ᐃᓚᖏᑦ ᐃᓚᐅᔪᑦ ᐅᖃᓚᐅᖅᑐᑦ ᐱᓕᕆᔪᒪᓪᓗᑎᒃ ᐊᖕᖏᓂᖅᓴᐅᔪᓂᒃ ᑮᓇᐅᔭᓕᐅᕈᑎᒃᓴᓄᑦ ᐱᓕᕆᖃᑎᖃᕐᓗᑎᒃ ᑲᓛᑦᖡᑦ, ᐃᓚᒋᔭᐅᓪᓗᑎᒃ ᐃᖃᓗᒐᓱᖕᓂᖅ ᑮᓇᐅᔭᓕᐅᕈᑕᐅᔪᖅ.
  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐃᓂᖓᓂ ᐃᓄᓕᒫᑦ-ᐃᒻᒥᒎᖅᑐᑦ ᐱᓇᓱᐊᖃᑎᒌᒡᓗᑎᒃ ᐅᑭᐅᖅᑕᖅᑐᒥ, ᐃᓚᒋᔭᐅᓗᑎᒃ ᐊᑐᖅᑕᐅᔪᓐᓇᕋᔭᖅᑐᑦ ᓄᑖᑦ ᐃᓄᓕᒫᓄᑦ-ᓇᒦᓂᖃᖅᑐᓄᑦ ᐱᓇᓱᐊᖃᑎᒌᒍᓯᑦ. ᐃᓚᐅᔪᑦ ᐅᖃᓚᐅᖅᑐᑦ ᑲᔪᓯᑦᑎᐊᕐᓂᖓᓂᒃ ᓄᓇᖓᓂ ᐊᒻᒪᓗ ᓄᓇᕐᔪᐊᒥ ᐆᒃᑑᑎᒋᒍᓂ ᐊᑐᖅᑕᐅᓗᓂ ᐃᓄᓕᒫᑦ-ᐃᒻᒥᒎᖅᑐᑦ ᐱᓇᓱᐊᖃᑎᒌᒡᓗᑎᒃ ᐅᑭᐅᖅᑕᖅᑐᒥ.
  • ᐊᖓᔪᖅᑳᑦ ᐊᑯᑭᑦᑐᒥᑦ ᑲᓛᑦᖠᓂᑦ ᓇᓗᓇᐃᓚᐅᖅᑐᖅ ᐱᕕᖃᕐᑎᑦᑎᓂᖅ ᐃᑲᔪᖃᑎᒌᒡᓗᑎᒃ ᐊᕙᑖᓂᑦ ᑲᓛᑦᖡᑦ ᐊᒻᒪᓗ ᓄᓇᕗᑦ ᑕᒪᑐᒧᖓ ᖃᖓᑦᑕᖅᑎᑕᐅᓯᒪᔪᒧᑦ ᐃᑭᐊᕿᕕᒃ, ᓇᓗᓇᐃᓚᐅᖅᑐᖅ ᐅᓇ ᐆᒃᑑᑎ ᐊᔪᕐᓇᖏᑑᔪᖅ ᓄᓇᕐᔪᐊᒥ ᐃᑲᔪᖃᑎᒌᒍᑕᐅᔪᓐᓇᖅᑐᖅ ᓇᑉᐸᕆᐊᓕᖕᓄᑦ ᖃᕿᔾᔪᑎᒃᓴᓄᑦ.

ᐊᔾᔨᒌᓐᖏᑑᑎᓂᑦ ᐊᒥᓱᑦ ᐃᓚᐅᓗᑎᒃ

  • ᐃᓂᖓ ᐅᑭᐅᖅᑕᖅᑐᒥ ᑲᑎᒪᔨᑦ, ᐃᓚᒋᔭᐅᓪᓗᑎᒃ ᐅᔾᔨᖅᑐᐃᔩᑦ ᐱᐅᓯᕚᓪᓕᕐᓗᑎᒃ ᑲᑎᖓᓂᖏᑦ ᐅᑭᐅᖅᑕᖅᑐᒧᑦ, ᐱᕚᓪᓕᖅᑎᐸᓪᓕᐊᓗᒋᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᔾᔪᑎᒃᓴᓂᒃ ᐅᑭᐅᖅᑕᖅᑐᒥ ᑕᒪᓐᓇ ᐅᖃᐅᓯᐅᓚᐅᖅᑐᖅ.

ᓴᐳᒻᒥᓂᖅ ᐊᕙᑎᑦᑎᓂᒃ ᐊᒻᒪᓗ ᓱᕈᖅᑕᐅᖁᓇᒋᑦ ᓄᖑᑕᐅᖁᓇᒋᑦ ᐅᑭᐅᖅᑕᖅᑐᖅ ᕿᓱᑐᐃᓐᓇᓕᒫᖏᑦ ᐆᒪᔪᓪᓗ

ᓄᖑᑉᐸᓪᓕᐊᓂᖏᑦᑐᑦ ᓄᓇᒥᑦ ᐱᕙᓪᓕᐊᑎᑦᑎᕕᐅᔪᑦ

  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐅᑭᐅᖅᑕᖅᑐᒥ ᐃᖃᓗᒐᓱᖕᓂᖅ ᐊᒻᒪᓗ ᐱᓕᕆᔭᕆᐊᖃᓐᖏᑦᑐᑦ ᐃᒪᕕᖕᒥ ᐅᑭᐅᖅᑕᖅᑐᕐᒥ ᐅᖅᓱᐊᓗᒃ ᐊᒻᒪᓗ ᒑᓯ ᓚᐃᓴᓯ ᑕᒡᕘᓇ ᖃᓄᐃᓕᐅᕈᑎᒃᓴᓄᑦ ᐊᕙᓗᒃᓴᖓᓄᑦ.
  • ᐃᓚᐅᔪᑦ ᓇᓗᓇᐃᓚᐅᖅᑐᑦ ᐅᑯᐊ ᕿᒥᕐᕈᐊᖃᑎᒌᖕᓂᖅ ᐅᖃᐅᑎᒋᓪᓗᒋᑦ ᒫᓐᓇᐅᔪᖅ ᓚᐃᓴᓯᓂᒃ ᑎᒍᒥᐊᖅᑎᐅᔪᑦ ᐊᒻᒪᓗ ᐊᓯᖏᑦ ᐃᒪᕕᖕᒥ ᒑᓯᒥᒃ ᐊᒻᒪᓗ ᐅᖅᓱᐊᓗᖕᒥ ᐃᖏᕐᕋᑎᑦᑎᔪᑦ ᐊᒻᒪᓗ ᓯᕗᓂᒃᓴᑦᑎᓂ ᕿᓂᕐᓂᐊᖅᑐᑦ ᐱᓕᕆᔭᐅᓯᒪᔭᕇᖅᑐᑦ.
  • ᐅᒡᒍᐊᖅᑐᑦ ᐃᓚᖏᑦ ᐃᓚᐅᔪᑦ ᐅᖃᖅᖢᑎᒃ ᐊᒃᑐᖅᑕᐅᓂᖓ ᓚᐃᓴᓯᓕᕆᓂᕐᒧᑦ ᒪᓕᒐᖅᑎᒍᑦ ᐊᔪᖅᑎᑕᐅᔪᑦ ᓄᓇᖅᑲᖅᑳᖅᓯᒪᔪᑦ ᐱᕙᓪᓕᐊᑎᑦᑎᔭᕆᐊᒃᓴᖅ ᑯᐊᐳᕇᓴᓐ ᑕᑯᓐᓇᕐᓗᒍ ᐃᓚᐅᓕᕐᓂᐊᕐᒪᑕ ᑕᒪᑐᒧᖓ ᐅᖅᓱᐊᓗᓕᕆᔪᓄᑦ ᐊᒻᒪᓗ ᒑᓯᓕᕆᔪᓄᑦ.

ᑕᑯᑎᑦᑎᔪᓐᓇᖅᑐᑦ ᐱᑕᖃᕐᓂᖓᓂ ᐃᓱᒪᓕᐅᕆᔾᔪᑕᐅᓗᓂ

  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐊᑐᖅᑕᐅᔭᕆᐊᖃᕐᓂᖓᓂ ᑐᑭᓯᐅᒪᖃᑎᒌᑦᑎᐊᕐᐸᓪᓕᐊᓗᑎᒃ ᐊᒃᑐᖅᑕᐅᕙᓪᓕᐊᔪᓂᒃ ᐱᓯᒪᔪᑦ ᐃᒪᕕᖕᒥ ᐅᖅᓱᐊᓗᓕᕆᓂᖅ ᐊᒻᒪᓗ ᒑᓯᓕᕆᓂᖅ ᐊᒻᒪᓗ ᑕᑯᑎᑦᑎᔪᓐᓇᖅᑐᓂᒃ ᐱᑕᖃᕐᓂᖓᓂᒃ ᐱᒋᐊᕈᑎᖃᕐᓗᑎᒃ ᓚᐃᓴᓯᓕᕆᓂᕐᒧᑦ.

ᓴᖐᕗᑦ, ᓄᖑᑉᐸᓪᓕᐊᓂᐊᓐᖏᑦᑐᑦ ᐊᒻᒪᓗ ᖃᓄᕆᑦᑐᑐᐃᓐᓇᐃᑦ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᔾᔪᑕᐅᔪᑦ

ᐱᕕᖃᕐᑎᑦᑎᔾᔪᑕᐅᔪᓐᓇᖅᑐᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ

  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐊᖕᖏᔪᒥᒃ ᐱᕕᖃᕐᑎᑦᑎᔪᓐᓇᕐᓂᖓᓂ ᐱᕙᓪᓕᐊᑎᑦᑎᓂᖅ ᓄᖑᑉᐸᓪᓕᐊᓂᐊᓐᖏᑦᑐᓄᑦ ᑕᐅᖅᓰᒐᖃᕐᕕᒃ ᓱᓪᓗᓂ ᐃᒫᓂ ᐅᑭᐅᖅᑕᖅᑐᒥ. ᐱᓗᐊᖅᑐᒥᒃ, ᐃᓚᐅᔪᑦ ᐅᖃᓚᐅᖅᑐᑦ ᐅᓇ ᐃᓂᖓ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂ ᓄᓇᑦᓯᐊᕐᓂᒥ ᐃᓱᒪᓕᐅᕆᓗᑎᒃ, ᐱᔭᕆᐊᑭᒡᓕᑎᕆᓗᑎᒃ ᐊᒻᒪᓗ ᑮᓇᐅᔭᓕᐅᕐᕕᒋᓗᒋᑦ ᓴᕿᑕᐅᓂᖓ ᑕᐅᖅᓰᕕᐅᓂᐊᖅᑐᖅ ᓱᓪᓗᐊᓗᒃ ᐃᒫᒍ ᑕᐅᕘᓇ ᓄᓇᖓᓐᓂ.
  • ᐃᓚᐅᔪᑦ ᐃᓱᒪᓕᖅᓯᓚᐅᖅᑐᑦ ᐅᓇ ᓯᕗᒻᒧᒋᐊᕈᓐᓇᖅᑐᖅ ᐅᑭᐅᖅᑕᖅᑐᒥ ᑕᐅᖅᓰᕕᖃᕐᓂᖅ ᔫᓚᑉ ᐃᓚᒌᒃᓴᑦ ᑕᒪᐅᓐᓇ ᑲᓇᑕ-ᔫᓚᑉ ᑮᓇᐅᔭᑎᒋᑦ ᐱᕙᓪᓕᐊᑎᑦᑎᓂᖅ ᐊᒻᒪᓗ ᑕᐅᖅᓰᓂᖅ ᐊᖕᖏᖃᑎᒌᒍᑎᑦᑎᒍᑦ ᑕᑯᓐᓇᖅᑕᐅᔪᓐᓇᖅᑐᖅ, ᐱᓗᐊᖅᑐᓂᒃ ᐱᓯᒪᑎᓪᓗᒍ ᓄᐊᑦ ᐊᒥᐊᓕᒐ ᑕᐅᖅᓰᓂᖅ ᓄᓇᑦᓯᐊᕙᖓᓂ.
  • ᐃᓚᐅᔪᑦ ᓇᓗᓇᐃᓚᐅᖅᑐᑦ ᑕᐃᒪᓐᓇ ᐱᓕᕆᔪᒪᓂᑎᒃ ᑮᓇᐅᔭᓕᐅᕈᑕᐅᓂᐊᖅᑐᓄᑦ ᐃᖃᓗᒐᓱᖕᓂᕐᒧᑦ ᓄᖑᑉᐸᓪᓕᐊᓂᐊᓐᖏᑦᑐᓂᒃ ᐱᓯᒪᓗᓂ ᐊᒻᒪᓗ ᐃᑲᔫᑎᓗᓂ ᐅᑭᐅᖅᑕᖅᑐᒧᑦ ᐱᓗᐊᖅᑐᒥ ᐱᔪᒪᔭᖏᓐᓂᒃ ᑕᐅᖅᓰᖃᑎᒋᔭᑦᑕ ᓇᖕᒥᓂᖅ ᒪᓕᒐᖃᕐᕕᖏᑦᑎᒍᑦ (ᐃᓗᐊᓂ ᒫᓐᓇᐅᔪᖅ ᐃᖃᓗᒍᓐᓇᖅᑎᑕᐅᔪᑦ ᐅᓄᕐᓂᖏᑦᑎᒍᑦ).

ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ

  • ᐃᓚᐅᔪᑦ ᐅᖃᖃᑎᒌᓚᐅᖅᑐᑦ ᐱᒻᒪᕆᐅᓂᖓᓂ ᐅᓄᖅᓯᒋᐊᕐᓗᒍ ᖃᑭᔾᔪᑕᐅᕙᓪᓕᐊᔪᑦ ᐅᑭᐅᖅᑕᖅᑐᒥ ᓄᓵᑎᒍᑦ ᐱᓕᕆᔾᔪᑕᐅᓕᖅᑐᑎᒍᑦ, ᐱᓯᒪᓗᐊᕋᓂ ᐊᐅᓪᓗᑎᓂᖓ ᐱᐅᓯᑐᖃᕆᔭᐅᔪᑦ ᑮᓇᐅᔭᓕᐅᕈᑕᐅᖃᑦᑕᖅᑐᓂᑦ ᑲᒻᐸᓂᐅᔪᓂᒃ.
ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas