Dnaan'godoon nji Maamwi Nigaanzid Gchi Mekdekone, Citadelle de Québec

Gchitwawendaagzid Gchi-zhiimaagnishi Gimaakwe,
Nigaan Gimaa,
Minwaabamewizi Wegimaawaabidjigejig miinwaa Namegamgoon Nigaanzijig,
Giigdoowininiwag Anishnaabeg,
Gichitwaaendaagzid Dbendaagzidjig onji Zhiimaagnishi Godwewaangizjid,
Kwewag miinwaa Ninwag!

Nda namkawaanim giinwaa miinwaa ndi miiwechwi'aa Gchitwawendaagzid Gchi-zhiimaagnishi Gimaakwe Mary Simon miinwaa Gchitwawendaagzid Justin Trudeau wi'di mno kidwinan. Aapji ni'ngigchinendam bi zhise'aan wii gnoonwinim, yaawmeg gzhihewziwin bmiitwaad bemaadizijig nji maanda e-gchi piitendaagok akin. "Nji gchi gami zhi gchigami", waabndahwed maamiiko aanke dbendaagog naadziwin. Dgo temgag niibna e-gnaajwaangin, ndi mkwendaan gchi maamiiko ninaaatig mtigwaaki zhitood Canada zagajiweying gtigaanan nshikewzid aapji mno naandeg miinwaa gidaagaad. Nda mina ndawendaan maajiitaa'aan mkawaamaadgel winwaabjiwang akiin, ninaatigo niibiish, maajitaaming mzinaagan gbaakigan nji Quebec, wewiib maajiishkaa bi yaawang wii mzin'sing chigaadeg gchi gimaawin kiwewining.

Iw maajiishkaadtoodwin gii-zhiwebaad noomya, aanawi dash ninaatigog gnawenjgaademgad mkwendaagziwad gchi zhaazhi gaa yaajig aanikoobjiganag, dbaadmaad jibwaa gii bi-dgoshinawaad e-daapnamjig akiin anada akiing. Anishnaabeg gii zhiga'igewag ninaatigo aaboo, gii aabjitoowaad e-nishing miinwaa mnokaagemgag ziiwaagmiden. Iw maanda enji nendamaan miikwaadziwaad miinwaa pane dbaadenangwaad aki miinwaa e-zhi-yaamigak aki, miikseg bekaadendwang ezhi waabmjigaadeg e'nsaaksing mzinhigan, e'gkinoomawaad bemaadzijig wii zhewendmaawaad gzhemaanido miinwaa wii beshwendmaad bebakaan ayaajig. Gdaa gikinawaabmaanaanig maanda gshkitoodwin, weweni bzinwangid bemaadizijig minwaa bebkaan yaawidjig. Gaye gdi ndawendaanaan memdage megwaa giiwshkwewaadzing miinwaa gzhiikaa piiskaamgag nongol miziwekamig, waabaanjigaadeg aabji "wewiib zhichgewin" zhisemgag znagak bimaadiziwin, aabji wii temgag, miinwaa gwek maajiishkachgewin (cf. Laudato Si', 18), Shkwaasemgad zhitchgaadeg yekziwin miinwaa goopdendang, dah znagad wii bskaabiimgad nanagdawendamwin, mino wiijkii'enjigewing, gchitwa'nendagwag wiijge'ing. Aaniish mnik ndawendmaying wii bzindaadiing miinwaa dnaangidoontaadmin, wii zhe-dkokiing ji gashki penmondiswaad, nji wewiip dbaakniged, maagaajki miinwaa gagwedibendigewin bketigewaad miziwekamig, biitwaa gwekwaadzijig miinwaa mji bmaadzijig. Ezhi mchaamgagin ninaatig niibiishan,zaagiitchge ebnaadak inanaamowin, miinwaa zaagidinaan biini inanaamowin, wiikmigooying maamiikwendamying ezhi gnaajwang gaa zhichgaadeg miinwaa ggwii maamiikwendaanaan e-nishing e-gchi piitendgaadegin aabjitmawaad. Abjitooing gaawiin eta gaa zhitgaadeg gewii go dzhiitaadwin miinwaa inawendiwin gewii diba'ige nji eta bemaadiz zhichgewin waa naabjigaaadeg miinwaa e-zhoonyaakewang.

Maamin haabdig e-ndawendaagwak gikinoomaagewinan, nmaanj gii miigaadwigaadenoon shkweyang. Ndi nendam memindage naaknigewinan waa nji wnitoodwaad widi bkaanziwiniwa miinwaa miingaazwaad dawendaagwag beshaakbiige, gye gaa biidigaadood gchi gimma kinomaagegamgong enji dnizwaad ekinoomaahgzidjig zhisdood, aanii gaa-maanaajidoodwaad Anishnaabe ngoodoodewinan onji dbasenimaawaad widi nwewinwaa, widi naadziwinwaa miinwaa, widi miziwekamig naabdamwin. Binjiyihii mji zhichigewin, gaa niigaantoowaad gimaawaabidjigejig nji iw pii gii webnidi'gaazwaad binoojiinhyag nji di'godoode'waan, bebakaan Katholic waakaa'igan gaa damakamigak gii wiijiiwewag. Mii enji, wiindmaage'aan aapji ndi nmen'sendam miinwaa giisaademdan miiwaa n'wiijiiwag bishops enjibaawaa maanda kiing, ndi anji nandodmaage bonendamowin wenji maanaaji gaa doodmawaad niibna e-nama'iaajig onji Anishnaabeg. Niisaadendaagwad pii aanind debweyenndangwaad, gaa zhi zhiwebak pii iw dbaajimowin, gii zhi nagzotwaad zhitchgewinan nji miziwekamig gaawiin meshkod Minwaajimowin. Aname debwe'endamwin gii bi niigaanendaagwad mmaakwiiwag zhiwaad shpinmawaad nigaanendamownanan Canada'ing, Waabajigaadeg onji mmeskwendang wii zhitoodwaad kina bemaadzijig woshme a nishing kiins.Naasaab pii , aabdeg ndawendaagwad, nind daapinam'ing gdi ndindwinan wiijinokiimeg wii gashkitood noonde ngikendaad gdi maadhookim: wii gagansonge debineswinan anishnaabe bemaadizag miinwaa wii  bshigendang nakeyaa naandwihwin mminwaa anji gnawaabmdaadending wiinwaa miinwaa bemaadzijig zhi akiising. Waabndjigaade ezhi waawiindmaage wii nkwetang gwek nakeyaa onji bgosendangwinan nji Miijidwewin nji Debwewin minwaa Aanji Mnognowaabmiding, gaye ndawendaagwak wii nsidwaabmjigaadegin debineswinwan nji aanishnaabeg.

Kichitwaa Gchigamii miinwaa besho Katholic ngodenaaziwinan mshkowendaan wii wiijiitood aanishnaabe aadziwin onji gwek miinwaa minosemgag dnowa manidooaadziwan wiijigewn dgosemgag zhaazhi aadziwinan, zhichgewinan, nwewinan, miinwaa kinommagekawewinan, nendmoowin nji Gichi Wiindamaagewin newen Dibiniweziwinan Giizhaa Agaa Yaajig Ndi-nandawendaamin wii aanji nnahsidoon ezhi dbaadendiwaad anamegamig miinwaa anishnnabeg Kanada'ing, dbaadendiwin niizhing neniizh gii gikendan zaagii'idwin gaa ziigiitoob maamiiko maanwang gewii giisaadendaagwag, giishkwaadan ge gdi giizhendamin wii nissitawendaamin miinwaa wii nnaandwih. Aapji miigwechendam gii nkweshkwagwaa miinwaa ngii bzinwaagwaa noonj gigidoowi(nini/kwe)waan Anishnaabeg bingiinag Rome'ing, miinwaa gewii wii anji mno wiijkiwenydidwinan emaajigig oodi. Mnik pii gaa wiiji yaa'ing ngii maamiikwenjge mnik  gii nagdanmigoo'an wii nandawendaamaan wii ninnakwetaman onji ggwaansagendam miinwaa men'sendang onji gdagtood gaa zhiwebziwaad Aanishnaabeg, ge wii mamaajisem wiijliiwendid bekaadendwang bmosewan wiiji kina Kanada bemaadizjig, wiijiiwemgag debwewin miinwaa gwek bimaadziwin, nokiitam noojmoowin minwaa aanji mno nenidwing miinwaa pane pendangewi

Iw "Zhaazhgwa ga bi zhiwebak gdagtoodwin miinwaa zhiingenjigewin", zaakiimgag nji bkaan bi ndo zhitoohaad bemaadizijig aadziwinwaa d'akiimwang nendamwin, gawiin wendzi mino-yaamgadsi. Geget, daa waabmjigegoomi iw "bkaan ndo zhitoohaad bemaadizig aadziwinwaa d'akiimwang gii shkwaataadsinon; nibna goji gii anjii awidisa, giimooj zhinaagwaad, gkide" (Querida Amazonia, 16). Maanda yaawaan zhitoogewin ezhi debwendamwin anji zhitoohaad bemaadizijig aadziwinwaa d'akiimwang. Shkweyang, bkaan ndo zhitoohaad bemaadizig ezhi nendamowaad gii bbaamendzinaawaa ezhi bimaadziwaad bemaadzijig miinwaa bi zhi chigaadegin aanind aazhgwaa wawenaajigaadeg zhitwaawinan waandaahiwewinan; Geyaabi nongo ge, tenoon baatina Nakeya onji gaanzomge nandangewin ndo aanjiwedaapnang bemaadizijig aadziwinwaa bkiteshkaagemgag ezhi enda zhiwebak, gibwaanamoshkan ezhi maaminawendamwaad di piitenjgewinwaa,miinwaa webnang waanzhichgewinwaa, zhichgewinwaan, wdi dbaajimowinwaa gaa bi zhiwebak, miinwaa ezhi manidoo'enjge aankobjiganan. Manda nendangewin, giizhaa'nendangewin iw gaa bi gchi maanaaji zhiewbak aazhgwaa gii njiknaadgaade. Bi nsaaknignigaade "shkwaataadtoodwaad naadziwin" daa dbaaknigaade shkweyang gaabi zhiwebab onji eta ezhi gezbihaad nongo. E bi zhiwebak dash aadziwin zhi yaawin gwekwaakmigaade kina, kina gego naasaap, kaawiin mina daapinaziin e-pkaan'ag miinwaa dnendaan eta nongo pii, onji mnezwinan miinwaa debnezwinan bebezhik wiiya, naasaab pii ntaa wnendaan naagdawendmaawaad niinmizjig miinwaa niinmizid niijkiiwemag miinwaa ndawemaag: gdimaagzijig, pkaan aking e-jibaajig, gekaanh'ig, aakozijig, miinwaa gawiin mshi e-ndaadzisiijig. Wiinwaa yaawag e-wnendangaazijig enji "ewaandizod ngodwewaan'gizidjig"; yaawag giw megwe maamwi e-bamendengaasii was, pangjigaazwag shwaying naasaab baategin niibiishan waa jaagzigaadegin.

Meshkod, niibna e-naandegin mnigiing ninaatig niibiishan mkwendangmigoomin ezhi piitendaagwag maamwi kina, e-piitendaagwag wii maajishkaadtood bimaadziwin godenaazwinan kaawiin daa yaawansinoon naasaap shingaagwagin. dash gegen wiikjewnige miinwaa baaknige. Gewii gwek ensa niibiish yawaan onji gnaajwang kina niibiishan tikoning, naasaab ensa bezhing godoode, yaawang memcaaj enda baabiiwaa ebmaadak nji naadziwin, wii miingaage mnik e-dawendaagwag, "niigaaning bimaadziwin bmisegad ngodoodewining" (Saint John Paul II, Familiaris Consortio, 86). Ngodoode yaawan ntam wiidookaage debewewang,booch aakwaadengaade onji niiba biisaamgad; ngodoode miigaawding, gzhiikaamgag nokiiwin,bebezhik chike nendiswin, kiishkigwejwa aangjzhewin, Nookiigesiiwaad, mesin'geyendang, nenshikewaad shkiniigjig, webnigaazjig gekaanh'jig, miinwaa miinwaa aakzijig. Aniishnaabeg da yaanaawaa niibna wii gkinomaagooying onji naagdawenjge ngodoode, maajitaa wiiba apiitziwaad, binoojiinhaj nsidwaabmdaanaawaa wenesh iw gwekwang minwaa maanaajiwang, wii debwewaad, maadhookiiwaad, gwektoowaad wanichige, anji maajitaa, zoondeheshkaagwidwaad, miinwaa mina nawendiwaad. Begish maanaajidoodwaagaazwaad Nishnaabeg gnahmawaagoonaan nongo, Piitenjigaadeg ndodoode miinwaa debinezwin daa nenmaadgaade onji washme wii zhoonyake miinwa bebezhik chike msawnamaaged tood zhaabwiidwang.

bskaabiidaa gnawaabmdamying ninaatig niibish, Pii gii gchi miigaading, shiimaagnishiig gii nokaazwinaawaa niibiishan wiiwegjiinaad miinwaa noojtoowaad e-mzhikoozod. Nongo naabdamying gagibadziwin yaawaan miigaadwin, anji miinwaa gdi ndawendaamin noojmigewinan onji aakwaadziwin miinwaa zaam giiwaajinendamowin miinwaa wii noojmoohaad wiisgendmiwin nji zhiingenjigewin. Wiya gaa bi-gaabiwaabanged ggwaan'sagendang shkweyang noomya gii-gnawaabange "eWankiid di yaawaan gimoodad: kaawiin wiikaa zhiingendamaa wiiya" (Interview with Edith Bruck, Avvenire, 8 Ziisbaakdoke-giizis 2022). Gaawiin memkaaj gwii bebkaantoodsiinan miziwekamig biitawiiya eniijkiiwemad miinwaa e-zhiingenmad, wii bkaan nendidmin mii miinwaa gwii gwetana eyoojinan; eyoojige taagewin miinwaa nigaanendamwinan wii zhaawbwiidge gaawiin wii bi-biidoodsii bekaa aadziwin miinwaa pendmondge. Gdaa gwedwedismin, ge zhi booni ndo miigaadying meshkod waa ji nagaashkaatoon. Miinwaa wii nangin miziwe bemaadizjig wii bii dkongaazwaad wii meshtoongaazwaad miinwa pii gwaansagendaagwag miinwaa miigaading gaawiin nnjinidwaad. E-ndawendamaadying yaawanoon gwaaso niigaan waazhi naakniigeng, eshkitoomgag maadnang washta zhischigaadegin gaganzitaw wii miigwed eshi nkwetwe miziwekamig maanendmaad.

Geget, gchi maanendaagwod nji nongo, dbishko bekaadizin, bi aanji zhiwebak, zhiwebgzimgag onji mibdeg miinwaa miziwekamig andaankijig. Kina yaawaanwaa bezhig naasaap, yaawaanoon miziwekamig,. Gewi, wenji kina kidwaad onji dawendaagwag kina gimaawinkewing gaawin daa mgaawebingaasiiwag aanind eta endawendamwaad. Gda ndawendaanaan. Wii shkitoodying naabi, eshi aanishnaabe nibwaakaawin kenjgewin kinoomaage, niizhwaaso aankobjiban niigaan, gaawin nongo wenpanak, zhi aazhoo beshakbiige, maage naadmaadaan maanda maage gimaawin gaganzoomgejig. Aanawi gdi ndawendaamin wii gkendmawaamin bgosendmawinwaan onji e'shkiniigjig wiijkiiwenymaadgewin. Gwek bimaadiswin, miinwaa bizaanwiwewin. Giishpin wii gnawendam mjimendamwin miinwaa nibwaakaawin, aabdeg wii bzinwangid e gchi piitzijig, waawaaj wii zhi niigan zhaaying, aabdeg gdaa bbaamtawaadnaan bwaadangwaan shkiniigjig. Ndawendaagwad wii yaamwaad niigaan woshme nishin bimaadziwin onji dinowa gaa zhi giizhiitaawshimgid; daa gwedmigaazwag pii naaknigeng onji zhitoo'ing bimaadziwin misiwekamig nongo miinwaa waabang, memdage onji gnawendmaawing kina endaaying; maanda nekaayaa, e piitendmin miinwaa gkenjgewinan onji Anishnaabeg aapji zaagchigaadenoon. Maampii, nda kid gchi nendmaan maamiikwendaagwag ganadenagewin besho endaawaad wii naagdawendwaad e-zhi-yaamigak ki. Daa kidam ge gwa niw naabshkaagemgagin daapnigaade bgodkamig, naasaab waaskonenhs temgag Quebeg kiins kiwewin, miinwaa ninaatigo niibiish maanda kiing, zoongitoon Kanada aawang enaagdowenjiged aki.

Pii Nookiid gaa zhitmawaad aki kiwewin gii maaji gnowaabdaanaawaad mdaaswaak shi mdaaswaak mzinbiigewinan niindawegaade nji wegone bimaadzijig, gii waabmdawe gshkewendang gegaa kina gii yaawaan ninaatigo niibiish. Miiksedwaad maadhookiid naabshkaagemgagin zhiwinmigoo wii dbaaddangwaan ndawaa kidwinwaa kina Kanada edbendaagzijig: Mdaadendang bkaan awiwin. Mdaadendang bkaan awiwin nendawendaagwak wii yaawaad wiijiiwed ngodoodenaaziwin ezhi bkaanwaad naasaab ezhi gaadi-naandegin ninaatigo niisbiishan. Wiini gaagiinkoyaag minwaa enkising, ninaatigo niibiish makwamaagoomin ow ngodwaachidengwechigewin, wiindmaagemgad aawiyeg bemaadizijig ntaa wiijkiiwenjigewaad, Ji e-shki dgoshnajik daa mkaanaawaa goji binji bkaan nanaad zhitoodwaad wdi bebkaanwang emiigwedoowaad (cf. Evangelii Gaudium, 236). Mdaadendangaadeg bkaan aadziwin aawan aabji bbaamendaagwag; dnendaagwag daapnamwaad miinwaa mnendang pkaan zhichgewinan temgagin nongo,epiichi naasaab pii mdaadendam gkenjgewinan miinwaa aadziwin, minwaa gaawiin wiikaa kawe giizhiitaadsii. Manda nekaayaa, ndi wiindmaage nmiigwechendam gdi maadaahookid gii waabndawed mno daapnaayeg Ukrainian miinwaa Afghan andaankiijig. Gye ndawendaagwad wii zhichgeng washme ji zegmaadgemiinwaa onji andaankiijig, miinaa mingaazwaad ezhi shkioomgag gdi kiimwaa, Geget zhisewinan wii mno wiijiiwaad ngodoodenaazwin. Giishpin Maanda wii zhiwebak, debineziwinan miinwaa debendizwin aabdeg dawaa. Ndawaa nwazdang nshike piitendizwin miinwaa wii mjimnendam maamwii bimaadizwin pendaan nendmowin gimaawin zhisdoon gaawin chike daa ndinmaagesii. Maampii gye, Anishnaabe aadziwin gchi naadmaagemgad mkwendang ezhi nishing ngodoodenaazwin gchi piitendaagziwinan. Katholic namewin, miziwe nigkwaag, wdi bamendan onji niinmizjig, gwek bmiitang bimaadizwin kina gwa pii di maadzid, enji ggishkaajged pii nbwad, gchi nendam wii wiinmaaged wene miigwewin.

Nongo pii, gii noondwaag niiba e-gdimaagzijig bi detewaakhigewaad namegamigoong shkwaandeman. Waawaaj akiing ezhi mno maajishkaamgad miinwaa gchitwaawzin naasaab Kanada weweni bzindange miijgewin, niibna yaawag ewiigwaansiiwaad naaskang name gamigoon. Maage miijim shangewinan wii debnamwaad naadmaagwin wii debsed bezhig giizhigan manezi kaawiin gda wnenziinaan gaawiin eta gegoo. Maamig, gdi nawendmaanaanic gzhisegomin wii naanaagdawemdaamin onji wewiibendaagok wiikjitood wii nnaahtood gwetaana maazhiigewin bnaajtood gdi miziwekamignaan. Enji gchitwaaziwin gzhemanitoo gaa mingooying maazhi-daashknigaade. Giibaadendaagwaad mno bimmaadiziwin shwegaadeg nji maajiishkaagewin gaaawin kina naabdengaazii kina ngooodeswinan.Geget wiishendaagwad woshme gdimaagziwaad, geye baangi mnik e-kinoomaagziwaad, nwaaj baangi gzhkitoodwaad debnamwaad wiigwaaman miinwaa naandwigewin. Begosh ninaatigo niibiish waambjigaadeg Kina Kanadaying daa zhinoomaage kina daapnamwaad maajiishkaagemgag miinwaa shangewin gimaawinan wii shkitmaawaad wiijiwed miinwaa naadmowaad emnezjig.

Miiw wiiji nokii'iitaading, zginjiidiying, nongo wewiibendaagwag daa baamendgaade. Gmiigwechwinim onji kina bzinwiyeg miinwaa mdaadendwin miinwaa wiiji ndi gzaaginimGwawiindmoonim Kanada minwaa bemaadizjig yaawag besho ndo'deng.