Dnaan'godoon nji Maamwi Nigaanzid Gchi Mekdekone, Iqaluit

Nwiijkiiwenyag

Nda nimkawaa Gchi-zhiimaagnishi Gimaakwe, miinwaa giinwaa gkina. N'gichi mnwendam bi yaawaan maanpi. N'miigwechwinim gaa kidyeg mno anamikaagmiyeg, miinwaa gdi ngamwinwan, niimwidwinwan miinwaa mdewechigewiwan, aapji ngii mnitaawinim.

Noomya, aanind giinwaa gii nbzindwinim, gaa kinoomaahgzidjig gchi gimma kinomaagegamgong enji dnizwaad ekinoomaahgzidjig. Gmiiwechwinim gii zoongeyeg wiindmaage gdi dibaajmoowinwaan miinwaa maadhookiid gdi gdagtoodwinwaa. Maada gii nd'anji wenyiw gwaansagendmaan miinwaa n'men'saadam gaa ngi'moozhtoo'aan niibna giizis. Nongo maanpii aking nwii wiindmoonim e'pichi giisaadendmaan. Ndi dodan gdi boongidetawaagewin onji maanaajidoodamowin gawiin eta bangii Katholics gaa wiijiiwedtoodwaad dbaaknigewinan wii Zhaagnaashi'aadziwaad miinwaa wii beshaakbiigedwaad binji niw kinoomagegamgong. Ngi mkawaamgoo onji ddbaajowin gekaanh, gii dbaaddaan gaa gaaazhi mnendamwin gaa temgag anishnaabe ngoodewinan jibwaa gii be temgagin gchi gimma kinomaagegamgong enji dnizwaad ekinoomaahgzidjig. Gii dbaadaan iw pii mishoomisag, gookmisag, gitsimag miinwaa binoojiinhag gii mno bimaadziwag, naasaap mnookmig, pii bnishiinhsag giitaaying maamaawaan gchi mnotaagziwaad. Geskana gii kida, ngamwin gii boontaamgad, nododewinan gii webinidwag, binoojiinhag gii maajiwnaad waaso nji endaawaad. Gii biboonkaa kina

Dbaajmowinan dnooa maamin gaawiin eta nsadaawendangesinoon geyi maanaaji-dzhindmaagewin. Nawach go, giishpin dbishko gnawaabdamying oni gzheminidoo kidwin gye ganaasongewin "mdaadenmaa g'nhoos miinwaa gga gazhim, gdi giizhgadoon gnwezh akiing, e'debenjiged gzheminidoo emiingooyin" (Ex 20:12). Maanda wii shiwebaagba gaawiin ngodewinan gii tesnoon, gii nogaawok pii binoojiinhag gii maajiizhwedgaazwaad nji gitziimwaan miinwaa di ngodoodenaazwinaa gii dbewgenmaad aakwaadak miinwaamyagi. Niw gii dbishko awaad'kanagewinan mkawaamge, gzhe-manido wmzinagan, iw gwek n Naboth aadzid nini (cf. 1 Kings 21), gii aanwetage wii miigwed zhoomini-kitigan, gii ondizid aazhgwa gitsiiman giw mshkawzidjig, waa zhichgewaaba kina nekeyaa wii mkmaawaad. Miinwaa gmkwendaanaan gewii zoongak kidwinan Jesus gii dbaajmaadd giw ezegaajig miinwaa ezhiingenmaawaad waawaaj bezhig gwa egaachiinhid(cf. Mt 18:6, 10). Gaa zhi maanaaji doodamwaad gii biigidooodwaad dgobnigowinan gitsiimwaan miinwaa binoojiinhag, banaajitoonwaad shpimendaagwag nawendjewinan. Maanaaji naapnaad miinwaa maaji kikinomoad e-gaachinhjin.

Nwiijiwaaganag, gdi yaamin maanpi wii wiiji maadaadziying noojmowin miinwaa anji wenywid wii mdaadenmaadying, wiiji naadmaage gzhe-maanido, daa naadmaagoomin wii waabmaadgetoodying gaa bi zhiwebak miinwaa n'gadan men'sadkamig. Bezhik nikeyaa maajiinaashkwaatood edbikag, nongo gegwa, naasaap shkwaakmigag gdi maawnjidwinan gii ziizbaakdokegiiziz, gii zkahaanaawaa qulig. Gaawiin eta gii waaskonesinoon gnawaa baboon dbikak, gewii gii gzhizogemgag onji naazhnan biboon waawnihaawag, maanda nikeyaa, gii niigaanendaagwad wii bimaadsiwing. Geyaabi nongo,iw aaskonechigan yaawaan mnowaabminaagwag mkwendangewin bimaadziwin, waaskodegnikeyaa bimaaizing gaain debweyendangsii gashkiidbikayaa. Mii iw e aawyeg, pane dibaajmowin bimaadziwin gawiin wiikaa nookshaadsinoon, waaskone gaawiin wiyaagii shkitoodsiin wii aatetood. N'miiwechwendaan maanda zhisewin wii bi zhaa'aan maanpii Nunavut, binji Inuit Nunangat. Ngii gjitoon wii moonendmaan,shkwaa gii shkwaa maawnjidwinaan Rome'ing, maamin gwetaani mchaamgagin akiin gaa bimaadiziyeg chi zhaazhi, geyaabi wiiyaa daa gshkihewzinendsii. Ggii bi zaagitoodwaan, maamin akiin, ggi-mdaadendanaawaa, zaagtoonaawaaz miinwaa mashkawitoonaawaa, ninange, kitsiim miinwaa kitsiim, ezhi gchi apiitendaadgod dbishko mdaadendanmaad gchi ayaajig, mnendangwaad gaye gzhaadmawaad aki. Temgad Zaaghidwin kiinwaa miinwaa manda aki enji daa'eg, zaam mshkawaa miinwaa zoongang, miinwaa meshkdoonmawaa gzhii waaskoneg nji baataadbikaak gegaa kinaa ensa biboon. Wawaaj maanda aki, kina bebezhik, kina wiiya niinmawag miinwaa ndawendaagwad wii bmenmaad. Bmendmaadge, gkinomaage, miinwaa nandagikendge waa zhi bimendmaad; wii zhichgewaad maamik shkiniigjig memdige, naadmaagaazwaad gnawaabmaad gchi ayaajig, gii dawendaanaad. Bmendan ami, bmendmaa gwiiji bemaadiz, bmendan gdi dibaajmowin.

Maanda pii, ndi dawendaan wii gnoonwinim, Inuit eshkiniigjig, niigaan da-nigiizhgag maanda aki miinwaa megwaa wiin dibaajmowin. Niin g'daa wiindmoonim, kidwinan gchi piitendagzid wezhibiiged; "Iw ondizi'yin nji gitziimag, ntam daa gzhitoon jibwaa dbendman. (GOETHE, Faust, I, Nacht). Gaawiin debsedsinoon penmond gaa bi-bmiseg, Aabdeg wii gzhitoodyin gaa miigwegoo'in miigwewin. Gaawiin gdaa gtaajidsii, mii dash aabji bzinwaad wiindmaagwin gchi ayaajig, zaagiitoom gaa bii zhiwebak wii zhibiige shki dbaajmowinan, wii maamiikwi'yaaeg, wii mshkogaabwidtoon wiindmaagewin miinwaa bemaadizjig, wiijiiwg, wii naadmaagooyin zhitooyin gzhiiwaaskonetoon gdi bimaadizwinwaa. Niin gewii dbishko gwiikaane, gda miinim nswi nwinindmaawawinan.

Ntam abji wmbi bimoseg. Ggdi bmaadzim gwetaani mchaamgagin akiin kiiwednong. Daa pane mkw aamgoo wneji aawin, gdinang woshme shpiming, gaawiin gdaa g'bgidnaasi wiiyag wii niisaadaabiigoo'in giw daa debwendmagoo'iin giin eta wii nagdawendisyin, miiwaa eta mnowendaagziyin minwaa ebshigendman. Nwiikaaneyeg, gaawiin gii zhichigoosii wii zhaabwii'in eta, wii dazhiitaa'in nokii'in minwaa mnendaagziyin, indawaaj shpa, debwewin miinwaa gnaajwaaaadis nikeyaa gwek, debwewin miinwaa nishing msawnamaagewinan ezaagiitoo'in gdi ode'ing, zaagiiwaad gzhemnidoo miinwaa naadmoowad gwiji bimaadis. Gaawin nendangsiinke bimaasiwin bwaajgewinan gaawiin gdaa debnangsii naasaab giizhgwang shpiming. Gii zhigoo wii bmibzodyin,pimna wii zaagitooyin debwewin, miinwaa ezhi gnaajwang gwek bmaadziwin, wii shpinman ezhi gwek mshkawde'in, wii zhaawenjgeyin, bmiitwaad wiyag minwaa nda wiijkiiwenymaage." (cf. Inunnguiniq Iq Shpizid Nendmowin 3-4). Wii swewebnang miinkaanan bekaadziwin miinwaa zaagii'idwin bmendmaadgewin dbiyiidog goji yaa'in, wii bskanetoodyin minwendmawaad giitaaying eyaajig; niigaan zhaan miinwaa nabagadaansii kina gego.

Gdaa kid – wii bmaadziyin iw nikeyaa woshme znagad nji bmibzod! Geget, gaawiin wenpansinoon, onji temgad "mshkooziiwin manidoo gwibdoodwin" ggweji niisaabdaabaangoo'ing miinwaa dbas mnangwendang. Aabji mkwenim arctic swallow "Charran" ndizhnikaanaanaa. Gaawiin bgidnsii niigaan noodin maage geskana aanjii zhiwebak ngaabnigood pizod bezhik yekwaak miziwekamig minwaa wedi. Nongodnong, pkaan zhisewin,pizo, wimaazhka zhiitaanwid aanin noodinan, manj pane di gwek nendaan waa zhaad miinwaa dgoshin e-zhaad mno pii. Ggwii nkweshkwaak wiyaak ge bemaandzii gdi nbwaajwinan, ge wiindmaagoo'in wii daapnaman nwanj bngii, maage gdaa njiiwendis eta. Iw pii gdaa gwedwedis: aaii dash enji ndo shichge'aan gegoo gawiin wiiyaa debwewendangsii. Maage miinwaa: Aanissh gezhi "shpagmodyaa" miziwekamig goji aabji dzhiindgewaad, gchi miigaadwaad, wyezhngedwaad, maanendamwin, bnaajchigadeg aki, baamendzigaazwaad e-mnezjig, aanwewzid onji giw daa naazkawaad? Gnawaabndang gagwedwewinan, Aaniish waa zhi nkwetamge?

Maanpi maamin gdaa wiindmoonim nkwetwewin. Kiinwaa nwiijkiiwem, miinwaa giin, ndawemaa. Gaawiin eta onji pii aan'shiitaangyin, aazhgwaa ggii gnaajtoon, aanawi waabi niigaan zhiwebak woshme giin gdi inanan. Ngoodenezwin onji ggii ndaadzidyin, aki enji dnizyin, mmeskwendang gwiiji bimaadizjig, miinwaa, giiw jibwaa ggwejmaad, bgosenmigoo, miigwewin giin eta gda biidoon maanda pii. Maamin kina gda mjimnaanaan, onji kina giinwin bebezhig gdi aawmin miigwewin. (cf. Shpizid nendmowin 5). Miziwekamin enji bmaadziyin aawan miiwewin gii ondiz: zaagii'itoon ezhi gzhemanidoo gaa miingooin bimaadizwin, mnaangwendang, giizaagii'ig, gii zhitoodmaagoo aapji gwetaanyihing.Gzhemanidoo gawiin wiika shkwaa penmondgoosii, gaawiin waawaaj bezhig dibagaanhs. Debwendaan gdi gshkitoodwinan. Pii ndanewaad, ka gkendaan mikan e'ndamgood wii naaghadood'in pane mbishkaa. Gwii waabmdaan maanda pii naabyin giizhgong pii namhaad'in, memdage nanagdawendimad yaad jiibaatigoong. Ka bi maaminonendam, Jesus wnji jiibaatigoong, gaaawiin wiikaa zhinoowaadgoosii, giishkijiinig minwaa zoongdeshkwaaad, wenji penmondwaad waawaaj pii ggii boni penmondis. Dash gaawiin wiika booni bgosendangesii, aabjinzodgen, kina miigwen e yaawman, Gaawiin gwi giisaandendamsii. Niigaan bbaa bmaadisen, "bebezhik dkokiin nikeyaa wenzhishing" (cf. Shpizid Nendmowin 6). zhishim gdi bimaadzimwaan e naabiikwange waa zhi shpizod.

Niizhing wiindmawaad: Bi zhaan enji waaseyaag, Pii Maanaadendaman maage nnisaadendaaman. Mkwendan qullig: wiindmagewin wii miinige? Wegnish wiindmagewin? Gdi dawendaadagoz wii bi zhaayin enji waaseyaag enso giizhigag.Gaaawiin eta pii ndaadiziyin, pii gii pendigoosiin, dash enso giizhigag. Bebezhig giizhig gdi dawendaadagoz wii biidoodyin shki waaskone misiwekamikong, waaskonetoon gdi gshkiinzhganan, waaskontoon gdi zhoomiingwen, waaskonetoon gdi min'ode'ewin giin eta bezhik daa biidood. Geyabi wii bi zhaang enji waaseyaad, wii anji ndaadzin, aabdeg gwii naakwiitood ebzhagiishkaag. Zhiwebad ensa giizhigag aazhdaadwin biitwi ewaaseyaag miinwaa ebzhagiishkaag, gaawiin tesinoongad zaagjiying dash gdi biinjyihiingnaan.wii naagdooyin nikeyaa waaseyaag ndawendaagwad aakwaadziwin miinwaa debwendang naaknigewin wii miiwaashwaad bzhagiishkag giinwidan. Dnendaagwaad "maajiishkaad enishing zhichgewinan wii mno bimaadizin" (cf.  Shpizid Nendmowin 1), gaawiin gwii noopnadansiiwaa ewaaskonesed attesemgag wewiip, fireworks bkwene eta shkonmawaad. Maamiin yaawanoon eta moonendan, mnawendangkaaza gaa zhi kidad St. John Paul II, maanpii Canadaying." Gaawiin gnimaa tesinoon woshme bzhagiishkaag onji ebzhagiishkaag biindgemgag eshkiniigjig wdi jichaakwinwaan pii iizan niigaanajimowingejig aatetoodwaad waaseyaa onji debwendangin miinwaa bgosendang, miiwaa zagii'igewin" (Gagiigwe onji Wiziwekamig Shiniigjig Giizhgad, Toronto, 28 Miin-Giizis 2002). Nwiijkiiwem, miinwaa, ndawemaa, Jesus besho gdi yaamig miinwaa ndawendaan wii zkahang gdi ode miinwaa gwi biinig enni waaseyaa. Gii kida onji win, "niin da aaw Waaseyaa nji miziwekamig. (Jn 8:12), Aanawi gewiin gii wiindmoowan wdi gikinoamaaganan: "Giinwaa gdi aawim waaseyaa onji miziwekamig" (Mt 5:14). Giinwaa gewii, gdi yaawam waaseyaa onji miziwekamig miinwaa gwii woshme mnaansge giishpin naakwiigeyin wii webnaman ebzhagiishkaag maanaajidoodang binji gdi ode.

Wii zhichgeyeg maanda, temgad waawingeswin daa nda kendaamin, bezhik dawendan "zhaagoojitoon eznagak miinwaa aagnetaadwin bimi aabji ndanehang Nenaachige" (waambdan Shpizid Nendmowin 2). Mii nbwaakaahaad bezhig giizhigaag daashdshkang ewaaseyaa nji ebzhagiishkaag. Wii zhitood a wenzhishing miziwekamig Gzhe-manidoo wmzinahgan wiindmaagnaa, Gzhemanidoo gii maajitaa naasaap nikeyaa daashdshkang ewaaseyaa nji ebzhagiishkaag (cf. Gen 1:4). Giinwin gaye, giishpin wii woshme mno zhichgeng, gwii ndokendaanaan waa zhi daashdshkang ewaaseyaa nji ebzhagiishkaag. Aapiish gezhi maajiitaadying? Gda maajtaa gedwedisyin: Wegnesh niw ntam waabmdamaan waaseyaabkidegin miinwaa mesawendma, dash njiknaadgooyin gzhiignaamwin? Mii iw ebzhagiishkaag! Wegnesh, aanjnikeyaa, enaabdendmigooaan n'gadmigoo bkaadendmowin, waawaaj giishpin ntam dawendmigooaan wii aan'shiitmaan niw wenpanak miinwaa debendang aanind awesi inendamwinan? Iw na waaseyaa, geya ndi gwedwe miinwaa – wenesh iw mshkoziiwin egshkitoodmi daashdshkang ewaaseyaa nji ebzhagiishkaag, enaadmaagoying wii kidying "gaawiin" onji myanaadan miinwaa "enh" kina e nishing. Yaaa-wan gzhkigwiidwin. Gshkigwiidwin gaawiin nendzinoon gdaa zichige kina endawendman iinwaa wii zhichge'aan wenesh gwa. Gshkigwiidwin gaawinn yaazinoon ge zhichgeaamba dash waazhi naadmooag wiya. Gshkigwiidwin aawzinoon waazhi debnaman waawaaj dibenindizowin. Gshkigwiidwin, ankaaj bimaadizwin, yaawaan eshpimengaadeg miigwewin gdi giizhgong noonnaan gaa miingooying. Zibiigenini, maamakaadendang wenish egchi nhendang miingewin gwisan miinaad oosan, gii zhibiige mno kidwinaan nda gindmaawaanim:

ggwedwedmaa maabaa oos, mna piii binoojiinhman maaji zaagii'imwaad ezgu zhichgewaad ninwaak miinwaa ezhi niniwid, Gshkigwiidwin
Nongo, ndi aaw ooswaa, kida gzhemanidoo, miinwaa ngi kendaan bimaadizjig zhiwebziwin.
Kina aanzhiitaadwin ngwaansagendaan miinwaa ndaa miigwe kina wii waabmag egshkigwid.
Onji maana gshkigwidwin, maanda miigwechwendmowin, ngii bagidnaan kina, kida Gzhe manidoo…
Wii zhitood gshkigwidwin, maanda migechendamwin,
Wii biidood manda gshkigwidwin, manda miigwechendamwn…
(C. PÉGUY, Maamkaadkamig nji Gchi-twaa Biiniodejig).

Maanda mnwaangendaage Gzhemanidoo: Gaawiin pii anzhiitaadwin ngwaansagendaan, anwi dash naadzin naasaap binoojiinhag gwek nendamwaad zaagiiwiyaawaad, risk gshkigwidwin maada wenaabdang wii zaagii]iaawaad.Giishpin wii mno nendamaawaad Gzhemanidoo, manda nikeayaa, daapnan nbwaakaadwin. Zoongde'eg nwiijkiwenag miinwaa ndawemaag! Gaawiin zegisseg wii daapnamyeg znagazid! Bi zhan enji waaswyag

Gmaapiij, nswing waawingewin: Wiijiiwen ngododewewan. Shkiniigjig aapji gashkiewziwag wiijiidwaad, gaawiin nchike. Giinwaa eshkiniigjig gdi yaaw naasaap nongoonhsag giizhgong, waaseaa maanda aki. Gnaajwimwaa bi temgad onji maamwiziwaad, onji wdi gaa maamawowaabkid aawaad, waakonyeaged miinwaa miigwemwaad nikheying yaawaad dibkak maaming miziwekamig, zhichgaazwak wii wiiji waazeyaagewaad, maamwi. Giinwaa gewiin gdi ndomaadgo epiichi shimigiizhgong minwaa waaseyaage maanpi aking, wii maamwi waaseyaageyeg. Shkiniigjig daa naadmaagaazwag wii maawnjiwegewaad; aabji maajisewaad, gaawiin daa baakwidizsiiwag, gashkaabika'gaazwaag onji gigdoo biwaabkoons mkakoonhsan! gchi mkoomi gidaakiin maanda aking nmaakwaamgoon Kanada taagewin, zhooshkwaade taagewin. Aaniish ezhi pkinaagewaad kina niw Gchi pkinaage zhoon'yaakenh naabkoowagan. Aanish gaa zhi ntaa biindgebiged. Sarah Nurse maage Marie-Philip Poulin. Zhooshkwadwe gnigaawinan ggwepnanzod miinwaa nitaawchige miinwaa mshkawziiwin: dash ngodwewaan skskiihged pane nishin: pane dawendaagok wii nnaaknang geskana zhiwebak ensa dnakmigziwin. Ngodwewaan wiijiinokiiwin ndawendaan debwedtaadman iw, wii shkitooyin gchi gashki'ewziwinan, gawiin gdaa bezhgootaadedsiin: gdaa wiijtaage, miinwaa gdaa zhichige znagak daminotaadwin. Ngodwewaan wiijiinokiiwin dawendaagwad dawaamage, shooshkwaade wewiib pii giin tam miinwaa gagansomaag gdi wiji'ngodwewaanag. Mii iw ngodwewaan skskiihged!

Nniijkiiwemag, aabji shpimseg, bizhaag enji waasweyaawang Ensa giizhigag, wiijiiwen ngododewewan. Zhichgen kina maanda nokaazyin gdi aazwinwaa miinwaa gdi gchi nishing Inuktitut. Ndi bgosendam minwaa namewin, bzindwaayeg gdi gchi piitzijigeaa miinwaa nokaaazyeg ekchitwaaendaagwad gdi kenjgewomwaa miinwaa gshkigwidwin, gda mno daapnaanaawaa minwaajmowin gnawendmawaad miinwaa miingewaad gdi anjikoobjiganag, miinwa bi waabdam Zhezhuz Krist Innuk dengwe. Gdi anametoonim onji ndi ode, kinwaa kina ndi kid qujannamiik! [Miigwech!]