Dnaan'godoon nji Maamwi Nigaanzid Gchi Mekdekone, Maskwacis

Gchi Gimaaying Naabshkaaged Gimaa
Nigaan Gimaa
Aanishnaabek nji Maskwacis miinwaa maanda akii Kanada,
Nwiikaaneyig miinwaa nisayenhyig!

Ngii baabiiwe bi zhaa'aan maanpii miinwaa wiijji ayaa'ing. Maanpii, nji maanda kiing mkawaamaad nigaawendaagak mindjimendmowinan. N'daa minendaan maajitood'aan aanwendizong maadaaniziwin. Ndi bi zhaa gda akiingwaa gbi wiindmoonim niin gwa, n'giissaadendam, dodmooag gzhemanidoo bonegidetagziwin, naandwihwin, miinwaa anji mina dapnigewin, zhinoomaage'aan ndi besha nendjigewin, miinwaa wiijia anemendiying miinwaaa anametaagooyeg.

Nda'mkwendaan maawnjidwinan gaa yaamang Rome'ing zhaazhi niiwin giizis. Iw pii, ngii miingoo niizhwewnan mkizinan, nmetood gaazhi gdagtoodwaad Anishnaabe binoojiinhag, memdage giw nigaawendaagwag gii biskaabiisiiwaad enaawaad onji Gchi Gimaa Kinoomaagegamig gaa nji gnowendmindwa. Ngii- gwedmaago wii bi bskiitoo'aan pii bi zhaa'aan Canada'ing, Ni-ga zhichge dash pii shkwaa bangii geyaabi kidyaan, aandsh daa naanaagdawendam maanda waabndahwege, aandi aazhgwa aanind giizisag gii bi gnawendmaan ezhi niisaadendmaan, nishkenam, nda gadendam. Mikwendmoowang niw binojinhag nigaawendaagak. Gansahaagoomin wii nokiitoodying ensa bezhig binoojiinh weweni mnijgaaza,zaagigaaza, kitchitwaaendgaaza miinwaa mdaadendgaaza. Naasaap pii, iw mkisinan gdi zhinoomaagomin miikan ge naagdooying, bimosewin gdi-misawendaming wii wiiji naagdooying. Gdi ndawendaanan wii wiji bimoseying, wiiji namhaaying miinwaa wiiji nokiiying, ji gdagtoodjig zhaazhi daa bi zhiwebag gwekwaadziwin, nanaandwigewin, minwaa anji mina dapnigewin.

Mi maanda enji ntam wiiji aanwendizod bimosewinim maanpii akiing, mii ekwa pane gii biwaabmigaazwaad yaawaad anishnaabeg. Maamin akiin gnoongoomin, gashkiewzigoomin wii-mikwendamying.

Wii-mkwenjigadeg, wiikaaneyig miinwaa nisayenhyig gii bi dnokiim maanpii akiing ngod waak shi ngod waak biboonan, gii bi naagdooyeg aadziwin mnaadenmowyeg maanda aki, ga miingowiwziyeg miinwaa wii nogdowendmoyeg geyabii waa bi bmaadzijig. Gii bi gnawendaanaawaa dibishko miinidwin nji gzhemanidoo wii maadhookiitood miinwaa gchi nendman shawehying kina e-yaamgag, gchitwaa'enimaakina bimaadziwin. Megwe maanda nekaya, gii bi gikendaanaawaa waazhi nendaamyeg ngodoodewin miinwaa ngodoodeziwin, miinwaa gii maajigitoon zoongi ankobjiganan kina e-pitzidwaad. Mdaadendmaad e-gch piitzijig, miinwaa gnawendmaad gdi biinoojiimwag. Gchitwawzi zhichgewinan, miinwaa gkinoomaagewinan, miiaw go teh nogdowendiwin, gizhewaadiziwin, debwewin, zoongodewin, mdaadendamwin, dbasendizwin, gwekwaadizwin, minwaa enaabdag nibwaakawin.

Geyaabi, dash wiigo giishpin ninda ntam tkokiiwinan daapnigaadeg bane ninda akin, mii zhe eni zhiwnigwiing maanadenmowin gonda nognojig. Enji nkweshkwadaadying, aanji mkamwid ndi sadaawendam miinwaa ndi naniinawendam gaa aakwendman maamin zhaazhi aanind giizisok.mkoowendmaan gaa maanaajii zhiwebag. Ndi mkwendaan shkweyang gii nigaazwin niibna gaa zhibweziyeg minwaa gdi ngoodewinwaan miinwaa ngodenaaziwinwaan gaa bi gikendameg gaa niw gii bi maadhootmiyeg ggdi gdagdoodmiwaa gaa bi zhiwebziyeg Gchi Gimaa Kinoomaagegamig gaa nji gnowendmindwa. Maamin yaawanoon wiisgidetoodan e-anji majwebtood pii mi dibaajmotamwaad, ndi maaninonendam gaye nkweshkoodaadimnaan nongod daa bskaabiidoon minjimendamanwinan zhaazhi gaa zhiwebak miinwaa wiisagendaman, gaye niibna giinwaa gi daa-maazhi ayaam epichi giiidoo'aan. Booch nishin gwa mkwendamying, onji wanendamwin zhise gawiin bamenjigesii gaye napaajinakeyaa zaagii'idwin yaawzinoon zhiingenjigeng yaawan bamenjigesii, napaajinakeyaa bimaadziwin yaawziiwan nbod, yaawan bamenjigesii. (E. WIESEL). Wii miikwendjaadeg banaadjizhichgewin gaa zhibwebzing Gchi Gimaa Kinoomaagegamig gaa nji gnowendmindwa, wiisgidehetwaad, nishkaadziitwaad ondenindiwitoon wiisgidehetwaad gaye aabdig ndawendaagwad.

Ndawendaagwad wii mkwendang naknigwinan onji naasaab nendgaazwaad anishnaabe miinwaa gii naaknigaadeg nishnabeg biijwebnigewaad,miinwaa naasaab pii gii-dgongaade zhitoowaad Gchi Gimaa kinoomaagegamgoon enji gnowenmindwa, gii bnaajchigemwaan bimaadzijig nji maada akii. Pii gchi gaamiing (Europe) gaa bi njibaawaad,ntam gii dgooshnawaad gii mmo zhise wi mno nkweshkwaawaad naadziwin, aanke zhichgewinan, miinwaa manido aadziwinan. Dash kawiin gii niibna zhiwebsinoon. Anji kidong, naagdawendmaan dibaajmowinan gaa wiindmaageyeg; aanish onji naaknigewinan naasaab nendgaazwaad gii nigaahaad Anishnaaben., aanii gaa zhisdootmoo Gchi Gimaa kinoomaagegamgoon enji gnowenmindwa, gdi newinwaa, enaadziyeg, gii baabpinodaanaawaa miinwaa nanagingaade, aanii binoojiinhyag gaa zhi maanaajdoodgaazwaad, wiisginaad, wiisgidetewaad. zesemaad mmaazhwed, aaniin gaa zhi maajiijgaazwaad nji enjaawaad pii aapji gii shkiniigziwaad, miinwaa aanii maanda gii miigshkawaad widi ndawenjge biitwi ggitziimwan, binoojiiinhag, mishoomisag, gookmisag, gdooshenhwaag

Gmiigwechendwinim gii naadmooyeg piitendmaan maanda, wiindmooyeg gzigwang bmiwdaasyeg, geyaabi bmidooyeg, bi maadhookii wiisgidtewaad mjimnendaadan. Nongo, bi zhaw maampii akiing, wiiji gete mjimnendaanan, genawendmaazod ojiishigi geyaabi giishkishenoon. Ni bi zhaa maampii onji ntam tkokii'aan ndi aanwendizong maadaaniziwin megwe ayaayeg yaawaan gwedwe'aan gdi bonigidetaagewin, wiindminim geyaabi ngoding aapji ngiisaadendam. N'giisaadendam nekaayaa, wiiginaading, niibna Enamaahadig gii bamiiwewag akii gii bi zhi daapnamwaad nendamowin shkewziiwinan gii bababoshkawa anishnaabeg. N'giisaadendam. Ndi gwedwe bonigidetaagewin memdage memdage nekeyaa niibna e-dibendaagzijig namegamgong minwaa name ngodenaaziwinan gii wiijiiwewag, gawiin eta bamendigessiiwaad, zhichgewinan e-jaagnang enaadziwin miinwaa bidsatood naasaab nendgaazwaad Gchi gimaawining Niigaanigaadeg iw pii,gijiyaahing zhitoowaad  Gchi Gimaa Kinoomaagegamig gaa nji gnowendmindwa.

Aanawi Enmahaad zhawnjigewin gii mesinangsinoon, miinwaa gii tenoon niibna maamiikwenjgaadeg zhitchgewinan gii angwamikawaad minwaa dbaadendmaawaad binoojiinhag, Maamwi zhiwebak nji nandaaoonaakonigewinan gwaadmawaad Gchi Gimaa Kinoomaagegamig gaa nji gnowendmindwa gozi gkinoomaadiiwgamigoon gii wanaajichigemgag. Wene gdi namhewinaan wiindmaagoomin manda wanchigewin gaawiin miigsesiin manda, Gzhe-Mnidoo wmzinahgan (Minwaajmowin nji Zhezhus Khrist). Wiisgendaagwaad dnenndaman waankiiendaagwag aki apiitendaagwad, inwewin miinwaa enaadziwin zhitmaaw Naabhaad maanda maanaaji doodang, Aname-gamig jiingnitwaad jibwa gzhe-manidoo mgwedmad bonigidetagewin onji baataa-doodang wiin binoojiinhman (cf. John Paul II, Bull Incarnationis Mysterium (29 Gshkadin Giizis 1998), 11: AAS 91 [1999], 140). Genii ta baasi-pagigendan bonigidetagewin onji niibna enmaahaadjig gii maanaaji dodamaawaad anishnaabeg.

Niijkiwemag, g'baatinam miinwaa gdi giigdoowininwag gii wiindmawaad pagigendan bonigidetagewin gaawiin shkwaataadsiinoon znagziwin. Ni'giizhinendam; Maanda eta ntam skakiiwin, maadaadizi'sing. Niin gye ndi nsidwinan iw ni aabnaabid shkweyaang, gaaawiin gego goji'ewizibaasi-pagigendan bonigidetagewin miinwaa ndo-nnaahtood maanaaji-doodang gaa zhichgaadeg gaawiin wiikaa wii debseg.miinwaa niigaan "naabid niigaan ani-akiiwang,gaawiin maawiid da shkonnaad wii create inaadziwin ge-gshkitood nanaginang naasaab zhiwebak "(Maajibiigan onji Gzhemanidoon bemaadzijig, 20 Datgaagmin Giizis 2018. Njida gona maanda waa bi miikikadeg weweni ji ndokenjigadeg gegeti gaa zhiwebak zhaazhi Gchi Gimaa Kinoomagegamgoon gaa yaajig waa zhi noojmowwaad gaa bi zhi gdogindawa.

Ndebwetaan miinwaa e nbgosendaan Enmahaad gye ngodenaaziwinan dbenjigaazojig nji maanda akiing daa maajiigtood gshkitoodwin mno daaapnaawaad gye mdaadendmaad awendaagzid miinwaa gaa zhiwebziwaad Anishnaabeg. Mii e-bgosendamaan zoongang zhichgewin da mkamwaad wii washme mina kendmaawaad miinwaa mdaadendmaawaad, dash kina wii kikendaan waazhi wiiji bimosewaad. N' zhichgewin, nga gandinaan goji'ewiziiwaad kina Enmahaad wii wiidookwaad Anishnaabeg. Aazhgwa Ngii zhichge nooj ching.miinwaa zhisewinan, maawnjidwinan, gwedwewin wii anji zhitood onaaknigewin minwaa gye zhibiimaan Minwaajmowin Ggaanzmaadge. N'maaminonendan maanda gbeying wii njitamgad miinwaa baabiijgewin ndowendagod. Gdi dbaaadaanaa zhisejigewin ge zhaabwiigodewaad. Byi zhaa'aan maanpi miinwaa waawiindmawaad wii zhichgewaad Canada Bishopag yaawaan wiindmaagewin ggwepnandzod maanda mikan

Nniijkiiwe'ag, Maanda Gchi Mekdiwkonye N'kweshkodadwin gmaamnig giizhgadoon wawaasa nji bezhig mii wi enji gshkitooswaanh kino goji enji ndowendmigowan wi zhaa'an Kamloops, Winnipeg miinwaa nawach odenaan Saskatchewaning, Yukon minwaa Northwest Territories. Waawaaj go, begish gda gikendaam giinwaa kina ndi mkwendaaminim miinwaa ndi namewining. Nisdotan nonda gdagendmownan miinwaa zegendmowin, znagendmowin miinwaa maanenjgewnan gaa bi zhiwebziwaad anishnaabeg kina nekaayaa maanda akiing. Gchi waasa gii bi zhaa wii biidaataman nonda bongidetadwinan noji kina Anishinaabe dnokiiwnan miinwaa bemaadzijig.

Pii ntam dkokii'ing pa-maadaadizi'aan, ngii ndawendaan zhisemgag wiimjimendaaming. Maampii nongo, ndi mmikwendaan zhaazhi, wiiji gshkendaming, wiji nboonkwedaa bzaani'yaa miinwaa namaaying jibwaa ngwakaanan. Begish jina g-daa-bzaani'yaadaamin g'wii naadmaadzimin mjignang e-wiisgideg. bzaani'yaawin. Minwaa namewin. Naabhaad mji bmaadiziwin, gdi nametaw Gzhe-mnidoo mna bimaadizwining. Gdi'-debenjigewinan Zhezhus Khrist gii daapnaan ngwakaan, gii zhinaagaad ngwakaan nji bgosendangwin miinwaa naabndamwin, n'gadang eta gshkendamin, wiisgideg miinwaa goopdendang, miinwaa gii zhitood enji aanji-wndaadiziwin miinwaa miziwekamig anji bonendamawin. Gdi zhichgewinaanin gaawiin depsesinoon wii debnamang naandwigewin miinwaa boonendamawin: Gdi ndawendaanaan Gzh-manidoo zhawenjgewin. Gdi ndawendaanaan bzaani'yaawin miinwaa mshkawzi nibwaakaawin nji wenzhishid manido, Zgigewin nji Zhawenjiged. Begish daa biidood mooshkineg'odewinan e'bgosendmang. Begish gkinownwaad dkokiiminanan gshkiwewzimin maajiishkaa'iing aabijibaawin, maajii-taamgad shki-bimaadizwin miinwaa miziwekamig anji bonendamawa, majitamgag dibaajimawin maadaadizimnan.